KHUNDU 6
Kubalwa Kwa Yezu Mpaka Kufa Kwace
Anju Gabriyeli atumiwa kwa ntsikana wadidi wakucemerwa Mariya. Iye ampanga kuti anadzabala mwana wakuti mbadadzatonga ninga mambo kwenda na kwenda. Mwana, Yezu, abalwa m’thanga, kudaenda kaoniwa iye na akumbizi. M’kupita kwa nzidzi, nyenyezi yatsogolera amuna kubuluka ku Mabulukiro dzuwa mpaka kwa mwana wang’ono. Tinadzapfunza kuti mbani adaacitisa kuona nyenyezi, na njira idapulumusirwa Yezu m’pyakuyeserayesera kumupha.
Patsogolo pace, tisagumana Yezu, mukakhala iye na piaka 12 pyakubalwa, mbakalonga na apfunzisi m’templo. Piaka khumi na pisere patsogolo pace Yezu abatizwa, na iye atoma basa ya Umambo ya kumwaza mphangwa na kupfunzisa idantuma Mulungu kuti aicite pa dziko yapantsi. Kuti amphedze m’basa ineyi, Yezu asankhula amuna 12 mbaaikha kukhala apostolo ace.
Yezu acitambo pirengo pizinji. Adyesa pikwi pya anthu na ntsomba zingasi basi zakucepa na mikate yakucepa. Awangisa anthu akuduwala na alamusambo akufa. Pakumalisira, tinadzapfunza pinthu pizinji pidacitikira Yezu m’ntsiku yakumalisa ya umaso wace, na njira idaphiwa iye. Yezu amwaza mphangwa duzi na piaka pitatu na miyezi mitanthatu, natenepa KHUNDU 6 isaphataniza nzidzi wakupiringana pang’ono piaka 34.
MU KHUNDU INO
MBIRI 84
Anju Aenda Kaona Mariya
Iye abweresa mphangwa za Mulungu: Mariya anadzabala mwana wakuti anadzakhala mambo kwenda na kwenda.
MBIRI 85
Yezu Abalwa M’thanga
Thangwi yanji ule akhafuna kudzakhala mambo akhafunika kubalwa m’mbuto inadyeserwa pinyama?
MBIRI 86
Amuna Atsogolerwa Na Nyenyezi
Mbani adatsogolera anyakudziwa pya nyenyezi mpaka kuna Yezu? Ntawiro munadzumatirwa nawo.
MBIRI 87
Mphale Yezu M’templo
Yezu acita pinthu pyakuti apfundzisi aluso kakamwe a mu templo adzumatirwa napyo.
MBIRI 88
Juwau Abatiza Yezu
Juwau abatiza anyakudawa, mbwenye Yezu cipo adawa. Mphapo thangwi yanji Juwau abatiza Yezu?
MBIRI 90
Na Nkazi Pa Ncera
Ndi munjira ipi madzi anapasa Yezu mbadacitisa nkazi wa ku Samariya kukhonda pontho kubva nyota?
MBIRI 91
Yezu Apfunzisa Pa Phiri
Ife tinapfundza pinthu pizinji pyakuti pinatiphedza mu ndzidzi uno mu nkhani idacita Yezu pa Phiri.
MBIRI 92
Yezu Alamusa Akufa
Na mphambvu ya Mulungu, Yezu alonga mafala mawiri basi mbalamusa mwana wa Jairo.
MBIRI 93
Yezu Adyesa Anthu Azinji
Kodi ndi undimomwene upi wakufunika udapangiza Yezu mu ndzidzi udadyesa iye pikwi na pikwi pya anthu?
MBIRI 94
Iye Akhafuna Ana Ang’ono
Yezu apanga apostolo kuti iwo akhali na pizinji toera kupfundza thangwi ya anapiana, pontho mbadapfundza pizinji kubulukira kuna iwo.
MBIRI 95
Njira Ya Kupfunzisa Ya Yezu
Nsangani wa Yezu unalonga pya Nsamariya wadidi usapangiza njira ikhaphatisira Yezu kazinji kene toera kupfundzisa.
MBIRI 97
Yezu Abwera Ninga Mambo
Mwinji ukulu watambira Yezu ninga mambo, mbwenye nee ndi onsene adakomerwa na pyenepi.
MBIRI 98
Pa Phiri Ya Milivera
Yezu akupanga anyakupfundzace anai thangwi ya pinthu pinacitika mu ntsiku zathu zino.
MBIRI 99
M’kwartu Yapadzulu
Thangwi yanji Yezu akupanga anyakupfundzace toera adye cakudya ceneci cakupambulika pyaka pyonsene?
