Ndi Api Maonero Anu Thangwi ya Tsogolo?
Kodi dziko yathu . . .
inadzapitiriza na makhaliro ano?
inadzatekera?
inadzakhala mwadidi?
BHIBHLYA ISALONGANJI
‘Mulungu anadzapukuta misozi yonsene m’maso mwawo. Kufa hakunadzakhalapo pontho tayu, nee kutsukwala, nee kulira, nee nyatwa, thangwi pya kale pyamala.’—Apokalipse 21:3, 4, Biblya Chisena.
PYENEPI PISABVEKANJI KWA IMWE
Basa yadidi na yakutsandzayisa.—Izaiya 65:21-23.
Nkhabe dzaonekabve utenda peno nyatwa.—Izaiya 25:8; 33:24.
Umaso wakutsandzayisa, wakukhonda kumala pabodzi na banja yanu na axamwali.—Masalmo 37:11, 29.
TINAKWANISADI KUKHULUPIRA PINALONGA BHIBHLYA?
Inde, pana mathangwi mawiri:
Mulungu ali na maluso akukwanirisa mapikiro. M’Bhibhlya, basi ene Yahova Mulungu ndiye anacemerwa ‘Wamphambvu Zonsene,’ thangwi iye ali na mphambvu zakusowa madire. (Apokalipse 15:3) Natenepa, iye anakwanirisa pikiro yace ya kucinja dziko yathu toera kukhala na makhaliro adidi kakamwe. Ninga pinalonga Bhibhlya, “kuli Mulungu pyonsene pinakwanisika.”—Mateo 19:26.
Mulungu ali na cifuno ca kukwanirisa mapikiro. Mwacitsandzo, Yahova ali na ‘cifuno cikulu’ toera kulamusa anthu adafa.—Yobe 14:14, 15.
Bhibhlya isalongambo kuti Mwana wa Mulungu, Yezu, awangisa anyakuduwala. Thangwi yanji acita pyenepi? Thangwi iye akhafuna. (Marko 1:40, 41) Yezu apangiza mwakukwana makhaliro a Babace mu kufunisisa kwace kuphedza anthu akhafuna ciphedzo.—Jwau 14:9.
Natenepa, tinakwanisa kunyindira kuti Yahova pabodzi na Yezu asafuna kutiphedza toera tidzakhale na tsogolo yakutsandzayisa—Masalmo 72:12-14; 145:16; 2 Pedro 3:9.
NYEREZERANI
Mulungu anadzacinja tani dziko yathu toera kukhala na makhaliro adidi kakamwe?
Bhibhlya isatawira mbvundzo unoyu pa MATEO 6:9, 10 na DANYELE 2:44.
Panango Munakomerwa Kudziwa Ipi
NCENJEZI
Undimomwene Unalonga Pya Ntsogolo
Imwe munakwanisa kuwangisa cidikhiro canu thangwi ya pinthu pyadidi pinapikira Mulungu pa dziko yapantsi na kuna anthu anafuna kukhala mwenemo.
PIPFUNDZISO PYAKUFUNIKA PYA M’BHIBHLYA
Umambo wa Mulungu Ninji?
Mu ndzidzi ukhamwaza Yezu mphangwa, iye akhapfundzisa kakamwe pya Umambo wa Mulungu kupiringana pinthu pinango. Mu pyaka pizinji, atowereri ace asaphembera toera Umambo unoyu udze.
NCENJEZI
Umambo wa Mulungu Unadzacitanji?
Yezu akhadziwa kuti Umambo wa Mulungu ndiwo basi unafuna kumalisa nyatwa zonsene pa dziko yapantsi. Ninji pidacita Umambo wa Mulungu toera kuwangisa cinyindiro cathu?
PYA IFE
Phembani Toera Mucedzerwe
Cedzani pinalonga Bhibhlya, peno pfundzani pizinji thangwi ya Mboni za Yahova.
