PFUNDZIRO 20
Kumalisa Munjira Yakuphata Ntima
Koelete 12:13, 14
MUSAFUNIKA KUCITANJI: Mafala anu akumalisa asafunika kucitisa anyakubvesera anu kukhala na cifuno cakuphatisira pidapfundza iwo.
MUNACITA TANI PYENEPI:
-
Mafala anu akumalisa asafunika kubverana na ntsonga ikulu idagomezera imwe. Bwerezerani ntsonga zikulu za nkhani yanu.
-
Wangisani anyakubvesera anu toera acite pinthu. Apangeni pinafunika iwo kucita na nkhombo zinafuna kukhala na iwo angacita pyenepi. Longani na cinyindiro toera anthu aone kuti mphangwa zenezi ndi zakufunikadi.
-
Mafala anu akumalisa asafunika kukhala akukhonda nentsa, pontho acigwagwa. Lekani kulonga ntsonga zizinji zipswa. Mafala anu akumalisa asafunika kukhala acigwagwa toera kuphedza anyakubvesera kuona kuti anaphatisira tani mphangwa zenezi.
