MISANGANI YA SALOMONI (10:1–24:34)

• 10

  • Mwana waudziwisi asatsandzayisa pai wace (1)

  • Manja anaphata basa mwaphinga asapfumisa (4)

  • Mafala anganjipa, nkhabe kusoweka madodo (19)

  • Nkhombo za Yahova ndizo zinapfumisa (22)

  • Kugopa Yahova kusanjipisa ntsiku za umaso (27)

• 11

  • Udziwisi uli na anthu akucepeseka (2)

  • Nyakusandukira Mulungu asafudza ndzace (9)

  • “Pinthu pisafamba mwadidi pangakhala na mapungu mazinji” (14)

  • Munthu anapasa mwakudzala manja anadzapaswa nkhombo (25)

  • Munthu ananyindira mpfuma zace anagwa (28)

• 12

  • Munthu anaida kusandikwa ndi wakusowa ndzeru (1)

  • “Mafala analongwa mwakukhonda kunyerezera asalasa ninga supada” (18)

  • Kukhazikisa ntendere kusatsandzayisa (20)

  • Milomo inalonga uthambi ndi yakunyanyasa kuna Yahova (22)

  • Kudzudzumika kusatsukwalisa ntima wa munthu (25)

• 13

  • Ale anasaka uphungu ndi anthu audziwisi (10)

  • Cinthu cinadikhira munthu cingakhonda kucitika pa ndzidzi unacidikhira iye, ntima usapha (12)

  • Nyakutumwa wakukhulupirika asabweresa cibalangazo (17)

  • Ule anafamba na anthu audziwisi, anadzakhalambo waudziwisi (20)

  • Kulanga ndi cipangizo ca ufuni (24)

• 14

  • Mʼbodzi na mʼbodzi asadziwa ekhene nyatwa zace (10)

  • Njira inaoneka ninga yadidi, inakwanisa kutsogolera munthu toera kufa (12)

  • Munthu wakusowa luso asakhulupira mafala onsene (15)

  • Munthu wakupfuma ali na axamwali azinji (20)

  • Ntima wakukhurudzika usapasa ungumi manungo (30)

• 15

  • Ntawiro wakukhurudzika usapungula kuipirwa (1)

  • Maso a Yahova ali konsene kwene (3)

  • Mulungu asakomerwa na phembero ya munthu wakulungama (8)

  • Pinthu nee pisafamba mwadidi anthu angakhonda kubvundzisana (22)

  • Nyerezera mwadidi mbudzati kutawira (28)

• 16

  • Yahova asaona mwadidi pinakulumiza munthu toera kucita pinthu (2)

  • Nyindira Yahova mu pinthu pyonsene pinacita iwe (3)

  • Bhalansa yakulinganira ndi ya Yahova (11)

  • Kugaya kusatsogolera munthu toera kufudzwa (18)

  • Imbvi ndi nthimba yakubalikisa (31)

• 17

  • Ungacitirwa pinthu pyadidi, leka kubwezera pyakuipa (13)

  • Buluka pyako nthonga mbidzati kutoma (14)

  • Xamwali wandimomwene asakufuna ndzidzi onsene (17)

  • “Ntima wakutsandzaya ndi ntombwe wadidi” (22)

  • Munthu waluso yakunyerezera asacita mphole-mphole na mafalace (27)

• 18

  • Munthu anapambulika asacita pinafuna iye basi, pontho ndi wakusowa ndzeru (1)

  • Dzina ya Yahova ndi mbuto yadidi yakubisalira (10)

  • Nyakupfuma asaona mpfuma yace ninga citsidzikizo (11)

  • Mphyadidi kubvesera anthu awiri ene adasumirana (17)

  • Xamwali wakukhulupirika kakamwe kupiringana mʼbale (24)

• 19

  • Udziwisi wa munthu usamʼphedza toera akhonde kuipirwa mwakucimbiza (11)

  • Nkazi wanthonga ndi ninga ntsoi yakuti isacuca (13)

  • Nkazi wandzeru ndi muoni unabuluka kuna Yahova (14)

  •  Langa mwanako cidikhiro mbaciripo (18)

  • Mphyadidi kakamwe kubvera uphungu (20)

• 20

  • Vinyu isacitisa munthu kukhala dzemwa (1)

  • Nyakupolola nee asalima mu ndzidzi wa khoni (4)

  • Manyerezero a munthu ndi ninga madzi a mu ncera wakuzika (5)

  • Cenjezo thangwi ya kupikira cinthu mbudzati kunyerezera mwadidi (25)

  • Mbiri ya aphale ndi mphambvu zawo (29)

• 21

  • Yahova asatsogolera ntima wa mambo (1)

  • Kucita pinthu pyakulungama mphyadidi kakamwe kupiringana ntsembe (3)

  • Phinga isacitisa pinthu kufamba mwadidi (5)

  • Ule anakhonda kubvesera nyakutcerenga, nee anadzabveserwambo (13)

  • Nkhabeko udziwisi wakuti unakwanisa kuthimbana na Yahova (30)

• 22

  • Mphyadidi kukhala na dzina yadidi kupiringana kukhala na mpfuma zizinji (1)

  • Pinapfundziswa munthu mbaciri mwana, anapitiriza napyo mu umaso onsene (6)

  • Nyakupolola asagopa nkhalamu kunja (13)

  • Kulanga kusamalisa udzemwa (15)

  • Munthu anaphata basa mwaluso asatumikira amambo (29)

• 23

  • Khala wandzeru ungacemerwa panyumba pa ndzako (2)

  • Leka kusaka mpfuma (4)

  • Mpfuma inakwanisa kumburuka, mbienda kutali na iwe (5)

  • Leka kukhala pakati pa ale anamwa kakamwe (20)

  • Pyakumwa pyakuledzeresa pinadzaluma ninga nyoka (32)

• 24

  • Leka kucitira bibvu anthu akuipa (1)

  • Nyumba isamangwa na udziwisi (3)

  • Munthu wakulungama angagwa, anadzalamuka (16)

  • Leka kubwezera pyakuipa munthu adakucitira pyakuipa (29)

  • Kuodzira kusabweresa utcerengi (33, 34)

MISANGANI YA SALOMONI IDALEMBWA NA ATUMIKI A MAMBO EZEKIYA (25:1–29:27

• 25

  • Pinthu pyacibisobiso (9)

  • Mafala akusankhulwa mwadidi (11)

  • Kulemedza ufulu wa ndzako (17)

  • Kuikha makala a moto pa nsolo wa nyamalwa (21, 22)

  • Mphangwa zadidi ndi ninga madzi akutonthola (25)

• 26

  • Makhaliro a nyakupolola (13-16)

  • Leka kupitira nthonga ya anango (17)

  • Leka kucita dzenda yakuipa (18, 19)

  • Panasoweka nkhuni, moto usathima (20, 21)

  • Mafala a munthu analonga ndzace mwakuipa ndi ninga cakudya cakukoma (22)

• 27

  • Kusandikwa na xamwali kusaphedza (5, 6)

  • Mwananga, komeresa ntima wanga (11)

  • Utale usanoza utale undzace (17)

  • Usafunika kudziwa nkumbi wa pifuyo pyako (23)

  • Mpfuma nkhabe kukhala kwenda na kwenda (24)

• 28

  • Munthu anakhonda kubvera mwambo, phembero yace ndi yakunyanyasa (9)

  • Munthu anabweka madawo ace asabverwa ntsisi (13)

  • Nkhabe anapfuma mwakucimbiza, mbakhonda kudawa (20)

  • Kusandika ndi kwadidi kupiringana kusimba mwaciphamaso (23)

  • Munthu wakupasa nee asasowa cinthu (27)

• 29

  • Mwana anasiyiwa toera acite pinafuna iye, asapasisa manyadzo (15)

  • Pangasoweka citsogolero, mbumba isatayika (18)

  • Munthu anaipirwa asasosesa nthonga (22)

  • Ule anacepeseka asalemedzwa (23)

  • Kugopa anthu ndi nsampha (25)