Ezekiyeli 48:1-35
48 “Awa ndi madzina a madzindza, kutomera kunkhomo ya khundu yakunkwiriro: Dzindza ya Dhani khundu yawo+ inapita na ku nseu wa Etiloni, mbienda ku Lebho-Amati+ mpaka ku Azari-Enani, nʼkhundu-nʼkhundu mwa madire a Dhamasku kuenda kukhundu yakunkwiriro, dhuzi na Amati.+ Khundu ineyi inatoma kumadire a kumabulukiro a dzuwa mpaka kumadire a kumadokero a dzuwa.
2 Khundu ya Azeri+ inacita madire na khundu ya Dhani; khundu yace inatoma kumadire a kumabulukiro a dzuwa mpaka kumadire a kumadokero a dzuwa.
3 Khundu ya Nafitali+ inacita madire na khundu ya Azeri; khundu yace inatoma kumadire a kumabulukiro a dzuwa mpaka kumadire a kumadokero a dzuwa.
4 Khundu ya Manase+ inacita madire na khundu ya Nafitali; khundu yace inatoma kumadire a kumabulukiro a dzuwa mpaka kumadire a kumadokero a dzuwa.
5 Khundu ya Efraimu inacita madire na khundu ya Manase;+ khundu yace inatoma kumadire a kumabulukiro a dzuwa mpaka kumadire a kumadokero a dzuwa.
6 Khundu ya Rubheni inacita madire na khundu ya Efraimu;+ khundu yace inatoma kumadire a kumabulukiro a dzuwa mpaka kumadire a kumadokero a dzuwa.
7 Khundu ya Yuda inacita madire na khundu ya Rubheni;+ khundu yace inatoma kumadire a kumabulukiro a dzuwa mpaka kumadire a kumadokero a dzuwa.
8 Mucisa ca Yuda, kutomera kumadire a kumabulukiro a dzuwa mpaka kumadire a kumadokero a dzuwa, musafunika kusankhula mbuto toera ikhale cakupereka; isafunika ikhale ya makhono* 25.000 augugumi,+ pontho ulaphi wace usafunika ukhale sawasawa na wa makhundu a madzindza anango, kutomera kumadire a kumabulukiro a dzuwa mpaka kumadire a kumadokero a dzuwa. Pontho templo* inadzakhala pakati pa mbuto ineyi.
9 “Mbuto* inafuna kupereka imwe kuna Yahova, inadzakhala ya makhono 25.000 aulaphi na 10.000 augugumi.
10 Mbuto ineyi, inadzaperekwa kuna anyantsembe+ ninga cinthu cidaceneswa. Kukhundu yakunkwiriro, iyo inadzakhala na makhono 25.000, kumadokero a dzuwa inakhala na makhono 10.000, kumabulukiro a dzuwa inadzakhala na makhono 10.000, pontho kunterero inadzakhala na makhono 25.000. Templo* ya Yahova inadzakhala pakati pa mbuto ineyi.
11 Mbuto ineyi inadzakhala ya anyantsembe adaceneswa pakati pa ana a Zadhoke,+ ale adapitiriza kunditumikira, mbakhonda kundisiya mu ndzidzi udandisiya Aizraeli na Alevi.+
12 Iwo anadzakhala na khundu pakati pa mbuto idaperekwa ninga yakucena kakamwe, khundu yawo inacita madire na ya Alevi.
13 “Dhuzi na cisa ca anyantsembe, Alevi anadzakhala na mbuto ya makhono 25.000 aulaphi na 10.000 augugumi. (Ulaphi wace onsene unadzakhala wa makhono 25.000, pontho ugugumi wace unadzakhala wa makhono 10.000.)
14 Iwo nee asafunika kugulisa, kucinjisana na munthu unango, peno kupereka kuna munthu unango khundu yadidi kakamwe ya dziko ineyi, thangwi iyo ndi yakucena kuna Yahova.
15 “Mbuto inafuna kusala ya makhono 5.000 augugumi na makhono 25.000 aulaphi, inadzaphatisirwa na anthu onsene mu nzinda,+ toera anthu akhale mwenemu, pontho toera adyesere pifuyo. Nzinda unadzakhala pakati pa mbuto ineyi.+
16 Iyi ndi midida ya nzinda: Madire a kukhundu yakunkwiriro anadzakhala makhono 4.500, madire a kunterero anadzakhala makhono 4.500, madire a kumabulukiro a dzuwa anadzakhala makhono 4.500, pontho madire a kumadokero a dzuwa anadzakhala makhono 4.500.
17 Mbuto yakudyesera pifuyo mu nzinda inadzakhala ya makhono 250 kunkwiriro, 250 kunterero, 250 kumabulukiro a dzuwa na 250 kumadokero a dzuwa.
18 “Ulaphi wa mbuto inafuna kusala unadzakhala wa makhono 10.000 nʼkhundu-nʼkhundu mwa mbuto idaperekwa toera ikhale yakucena+ kukhundu yakumabulukiro a dzuwa, pontho kukhundu yakumadokero a dzuwa ulaphi unadzakhala wa makhono 10.000. Iyo inadzapita na nʼkhundu-nʼkhundu mwa mbuto idaperekwa toera ikhale yakucena, pontho pyakudya pinafuna kulimwa mwenemu, pinadzakhala pyakudya pya anyabasa a mu nzinda.
19 Mbuto ineyi inadzalimwa+ na anyabasa a mu nzinda anafuna kubuluka mʼmadzindza onsene a Izraeli.
20 “Mbuto yonsene inafuna kuperekwa, inadzakhala na makhundu manai a midida ibodzi ene, khundu ibodzi na ibodzi inadzakhala na makhono 25.000. Imwe musafunika kupereka mbuto ineyi ninga cinthu cidaceneswa, pabodzi na mbuto ya nzinda.
21 “Mbuto zinafuna kusala mʼmakhundu mawiri ene a mbuto idaperekwa toera ikhale yakucena, zakuti ziri nʼkhundu mwa mbuto ya nzinda, zinadzakhala za ntsogoleri.+ Inadzakhala nʼkhundu-nʼkhundu mwa madire a makhono 25.000 kukhundu yakumabulukiro a dzuwa na yakumadokero a dzuwa a mbuto idaperekwa. Mbuto ineyi ya ntsogoleri, inadzakhala pakati pa mbuto za madzindza mawiri. Mbuto idaperekwa toera ikhale yakucena na mbuto yakucena ya templo, zinadzakhala pakati pa mbuto ineyi.
22 “Mbuto ya Alevi na mbuto ya nzinda zinadzakhala pakati pa mbuto ya ntsogoleri. Mbuto ya ntsogoleri inadzakhala pakati, uku madire a Yuda+ uku madire a Bhenjamini.
23 “Mbwenye madzindza anango adasala, khundu ya Bhenjamini inatoma mʼmadire a kumabulukiro a dzuwa mpaka kumadire a kumadokero a dzuwa.+
24 Khundu ya Simeoni inacita madire na khundu ya Bhenjamini,+ khundu yace inatoma kumadire a kumabulukiro a dzuwa mpaka mʼmadire a kumadokero a dzuwa.
25 Khundu ya Isakari+ inacita madire na khundu ya Simeoni; khundu yace inatoma kumadire a kumabulukiro a dzuwa mpaka mʼmadire a kumadokero a dzuwa.
26 Khundu ya Zebhuloni inacita madire na khundu ya Isakari;+ khundu yace inatoma kumadire a kumabulukiro a dzuwa mpaka kumadire a kumadokero a dzuwa.+
27 Khundu ya Gadhi inacita madire na khundu ya Zebhuloni;+ khundu yace inatoma kumadire a kumabulukiro a dzuwa mpaka kumadire a kumadokero a dzuwa.
28 Madire a kunterero akuti anapita na nʼkhundu-nʼkhundu mwa madire a Gadhi, anabuluka ku Tamara+ mpaka ku madzi a Meribhati-Kadhesi;+ buluka kweneko, anaenda mpaka ku Gowa ya madzi a ku Ejitu,+ pontho anadzafika ku Bara Ikulu.*
29 “Ineyi ndi dziko inafunika imwe kugawira madzindza a Izraeli+ ninga unthaka, pontho anewa anadzakhala makhundu awo,”+ alonga Yahova, Mbuya Wankulu Kakamwe.
30 “Izi zinadzakhala mbuto zakupita nazo na zakubuluka nazo mu nzinda: Khundu yakunkwiriro inadzakhala ya makhono 4.500.+
31 “Madzina a misuwo mikulu ya nzinda anadzakhala madzina a madzindza a Izraeli. Kukhundu yakunkwiriro kunadzakhala na misuwo mitatu, nsuwo ubodzi unadzacemerwa Rubheni, nsuwo ubodzi unadzacemerwa Yuda, pontho nsuwo unango unadzacemerwa Levi.
32 “Khundu yakumabulukiro a dzuwa inadzakhala ya makhono 4.500, pontho kweneko kunadzakhala na misuwo mitatu: Nsuwo ubodzi unadzacemerwa Zuze, nsuwo ubodzi unadzacemerwa Bhenjamini, pontho nsuwo unango unadzacemerwa Dhani.
33 “Khundu yakunterero inadzakhala ya makhono 4.500, pontho kunadzakhala na misuwo mitatu: Nsuwo ubodzi unadzacemerwa Simeoni, nsuwo ubodzi unadzacemerwa Isakari, pontho nsuwo unango unadzacemerwa Zebhuloni.
34 “Madire a kumadokero a dzuwa anadzakhala a makhono 4.500, pontho kunadzakhala na misuwo mitatu: Nsuwo ubodzi unadzacemerwa Gadhi, nsuwo ubodzi unadzacemerwa Azeri, nsuwo unango unadzacemerwa Nafitali.
35 “Nsindzo wakuzungulira nzinda onsene unadzakhala wa makhono 18.000. Pontho, kutomera pa ntsiku ineyi kuenda kutsogolo, nzinda unoyu unadzacemerwa na dzina yakuti, Yahova Ali Penepo.”+
Pidzindikiro Pyapantsi
^ Anewa asacemerwa makhono akulapha. Onani Apendise B14.
^ Fala na Fala: “mbuto yakucena.”
^ Ineyi ndi mbuto ya anyantsembe.
^ Fala na Fala: “Mbuto Yakucena.”
^ Ineyi ndi Bara ya Medhiteraneo.
