Ezekiyeli 15:1-8
-
Yerusalemu ndi muti wa mauva wakusowa basa (1-8)
15 Yahova alonga pontho na ine, mbandipanga:
2 “Iwe mwana wa munthu, kodi muti wa mauva unakwanisa kulandaniswa na muti unango peno na nthawi ya muti wa mu nsitu?
3 Kodi phindi ya muti wa mauva inakwanisa kuphatisirwa toera kucita nayo cinthu? Kodi anthu asaphatisira phindi ya muti wa mauva toera kucita cinthu cakumanikira pyombo?
4 Muti unoyu usaponywa pa moto ninga nkhuni, moto usapisa tsinde yace na kuntsonga kwene, pakati mbapasala makala. Kodi muti unoyu unadzakhala na basa yanji pontho?
5 Pikhali iwo wantero, nee ukhali na basa. Mphapo ndiye tani pidamala iwo kupiswa na moto mbudza makala!”
6 “Natenepa, ipi ndi pidalonga Yahova, Mbuya Wankulu Kakamwe: ‘Anthu a mu Yerusalemu,+ ine ndinadzaacitira pibodzi pyene ninga pidacitirwa muti unoyu wa mauva udabuluswa pakati pa miti inango ya mu nsitu, mbuponywa pa moto ninga nkhuni.
7 Ine ndaayangʼana toera kuatcunyusa. Iwo akwanisa kuthawa moto, mbwenye moto unadzaapisa kutsogolo. Ndingadzaayangʼana toera kuatcunyusa,+ imwe munadzadziwa kuti ine ndine Yahova.’”
8 “‘Ine ndinadzacitisa kuti dziko yawo ikhale yakusowa anthu,+ thangwi iwo acita pinthu mwakukhonda kukhulupirika,’+ alonga Yahova, Mbuya Wankulu Kakamwe.”
