Samweli Waciwiri 5:1-25
5 Mukupita kwa ndzidzi, madzindza onsene a Izraeli aenda kuna Dhavidhi ku Ebhroni+ mbampanga: “Onani! Ife ndife manungo anu na magogodo anu.*+
2 Kale, Sauli pikhali iye mambo wathu, imwe mukhatsogolera Izraeli pakumenya nkhondo.*+ Pontho Yahova akupangani: ‘Unadzakumbiza mbumba yanga ya Izraeli, mbukhala ntsogoleri wa Izraeli.’”+
3 Natenepa akulu onsene a Izraeli afika kuna mambo ku Ebhroni, pontho Mambo Dhavidhi acita nawo cibverano+ ku Ebhroni pamaso pa Yahova. Buluka penepo iwo adzodza Dhavidhi toera akhale mambo wa Izraeli.+
4 Dhavidhi akhali na pyaka 30 pyakubalwa pidakhazikiswa iye ninga mambo, pontho iye atonga mu pyaka 40.+
5 Ku Ebhroni iye atonga Yuda pyaka pinomwe na miyezi mitanthatu, pontho ku Yerusalemu+ iye atonga Izraeli onsene na Yuda mu pyaka 33.
6 Mambo na amuna akhali na iye aenda ku Yerusalemu toera akamenyane na Ayebusi+ akakhala mu dziko ineyi. Iwo asingirira Dhavidhi: “Iwe cipo unapita muno! Ngakhale maboliboli na anyakulamala anadzakuthamangisa.” Iwo akhanyerezera: ‘Dhavidhi cipo anapita muno.’+
7 Mbwenye Dhavidhi akunda nzinda wakutsidzikizwa wa Sioni, wakuti mukupita kwa ndzidzi wadzacemerwa Nzinda wa Dhavidhi.+
8 Pa ntsiku ineyi Dhavidhi alonga: “Ale anafuna kuenda kamenyana na Ayebusi asafunika kupita na ku nkulo* toera kuenda kapha ‘anyakulamala na maboliboli,’ akuti ine Dhavidhi ndisaaida kakamwe!” Na thangwi ineyi, anthu asalonga: “Maboliboli na anthu akulamala cipo anapita n’nyumba.”
9 Buluka penepo, Dhavidhi aenda kakhala mu nzinda wakutsidzikizwa wakuti wadzacemerwa* Nzinda wa Dhavidhi; pontho Dhavidhi atoma kumanga mpanda pa Nkuku wa Mataka.*+ Nkati mwa mpanda unoyu,+ iye amangamo pinthu pinango.
10 Natenepa Dhavidhi adzakhala wamphambvu kakamwe,+ pontho Yahova Mulungu wa anyankhondo akhali na iye.+
11 Iramu+ mambo wa ku Tiro atuma anthu kuna Dhavidhi toera akacite masasanyiro a kubweresa matabwa a sedhro,+ amesiri a matabwa na amesiri anamanga nyumba za miyala toera amange mpanda, pontho iwo atoma kumangira nyumba Dhavidhi.+
12 Dhavidhi adzindikira kuti Yahova akhadacitisa kuti umambo wace ukhale wakuwanga mu Izraeli,+ pontho akhadakuza umambo wace+ thangwi ya mbumba Yace Izraeli.+
13 Dhavidhi asemba akazi,+ pontho akwata akazi anango azinji apakhundu mu Yerusalemu, pidabuluka iye ku Ebhroni. Natenepa Dhavidhi+ abala ana azinji amuna na akazi.
14 Madzina a ana adabala iye mu Yerusalemu ndi awa: Samuwa, Sobhabhi, Natani,+ Salomoni,+
15 Ibhari, Eliswa, Nefeji, Yafiya,
16 Elizama, Eliadha na Elifeleti.
17 Afilisti pidabva iwo kuti Dhavidhi adzodzwa toera akhale mambo wa Izraeli,+ onsene aenda kasaka Dhavidhi.+ Dhavidhi pidabva iye pyenepi, aenda ku mbuto yakubisalira.+
18 Buluka penepo Afilisti abwera, mbamwazana n’Gowa ya Refaimu.+
19 Dhavidhi abvundza Yahova:+ “Kodi ndisafunika kuenda kamenyana na Afilisti? Munaapereka m’manja mwanga?” Penepo Yahova atawira Dhavidhi: “Ndoko, thangwi mwakukhonda penula ine ndinapereka Afilisti m’manja mwako.”+
20 Natenepa Dhavidhi aenda ku Bhaale-Perazimu mbapha Afilisti kweneko. Na thangwi ineyi Dhavidhi alonga: “Yahova akunda anyamalwa anga+ ninga munagomolwa mpanda na madzi.” Natenepa, mbuto ineyi iye aipasa dzina ya Bhaale-Perazimu.*+
21 Afilisti asiya madzimunthu awo kweneko, Dhavidhi na amuna akhali na iye aakwata mbaenda nawo.
22 Mukupita kwa ndzidzi, Afilisti abwera pontho, mbamwazana mu Gowa ya Refaimu.+
23 Dhavidhi abvundza Yahova, mbwenye Iye atawira: “Leka kuenderatu kutsogolo kwawo, mbwenye ndoko na nduli mwawo mbumenyana nawo kutsogolo kwa miti ya bhaka.*
24 Ungabva mititi ya anthu ninga akufamba padzulu pa miti ya bhaka, cita pinthu mwakucimbiza, thangwi Yahova anadzaenda kutsogolo kwako toera kupha anyankhondo a Afilisti.”
25 Natenepa Dhavidhi acita pidapangwa iye na Yahova, iye apha Afilisti+ kutomera ku Jebha+ mpaka ku Jezeri.+
Pidzindikiro Pyapantsi
^ Peno: “ndife a ciropa cibodzi cene.”
^ Fala na Fala: “mukhabulusa mbamupitisa Izraeli.”
^ Peno: “mphako ya madzi.”
^ Munjira inango: “pontho iye aucemera.”
^ Peno: “Milo.” Ineyi ndi fala Yacihebheri yakuti isabveka “kudzadza.”
^ Dzina ineyi isabveka “Mbuya Wakufudza.”
^ Dzina yakuti bhaka ndi Yacihebheri. Muti unoyu nee usadziwika kuti ukhali tani.
