13 Уруок

Дьиҥнээх итэҕэли хайдах булуохха сөбүй?

Таҥара иннигэр итэҕэл барыта сөп дуу, эбэтэр биир эрэ дуу? (1)

Христианнарбыт диэн ааттанар итэҕэллэр тоҕо олус элбэхтэрий? (2)

Дьиҥнээх христианнары хайдах билиэххэ сөбүй? (3—7)

1.Иисус биир эрэ дьиҥнээх христианскай итэҕэли олохтообута. Ол иһин бүгүн Иегова Таҥараҕа дьиҥнээхтии сүгүрүйэр, биир эрэ хайысха эбэтэр бөлөх баар буолуохтаах (Иоанн 4:23, 24; Ефесяннарга 4:4, 5). Библия үөрэтэринэн, олоххо тиэрдэр кыараҕас суолунан аҕыйах эрэ киһи барар (Матфей 7:13, 14).

2. Библия өтө көрөн эппитинэн, апостоллар өлбүттэрин кэннэ христианнар түмсүүлэригэр сымыйа үөрэхтэр уонна христианскайтан ураты үгэстэр киирбиттэрэ. Ону таһынан сорох дьоннор, итэҕэйээччилэр Христоһу буолбакка, кинилэри батыһалларын ситиһиэхтэрэ диэн этиллэр (Матфей 7:15, 21—23; Апостоллар 20:29, 30). Ол иһин христианнарбыт дэнэр итэҕэллэр билигин олус элбэхтэр. Дьиҥнээх христианнары хайдах билиэххэ сөбүй?

3. Дьиҥнээх христианнар саамай ураты бэлиэлэрэ — бэйэ-бэйэлэригэр истиҥ тапталлара (Иоанн 13:34, 35). Дьиҥнээх христианнар ханнык эмэ омук эбэтэр раса атыннартан үрдүк диэн үөрэппэттэр. Ону таһынан кинилэр ортолоругар атын дойдулар олохтоохторун абааһы көрөргө үөрэппэттэр (Апостоллар 10:34, 35). Ол иһин дьиҥнээх христианнар сэриигэ кыттыбаттар. Кинилэр бэйэ-бэйэлэригэр убайдыы уонна балыстыы курдук сыһыаннаһаллар (1 Иоанн 4:20, 21).

4. Өссө биир бэлиэ — Библияҕа дириҥ убаастабыл. Дьиҥнээх христианнар Библияны Таҥара тылынан билинэллэр уонна онно суруллубуту барытын итэҕэйэллэр (Иоанн 17:17; 2 Тимофейга 3:16, 17). Кинилэргэ Таҥара Тыла, дьон өйүттэн-санаатыттан уонна үгэстэриттэн быдан улахан суолталаах (Матфей 15:1—3, 7—9). Кинилэр Библияны олохторугар мэлдьи тутуһа сатыыллар. Ол иһин кинилэр быһыылара-майгылара  тылларын кытта арахсыбат (Титкэ 1:15, 16).

5. Дьиҥнээх итэҕэли тутуһааччылар ону тэҥэ Таҥара аатын ытыктыахтаахтар (Матфей 6:9). Иисус дьоҥҥо — Иегова диэн, Таҥара аатын арыйбыта. Дьиҥнээх христианнар эмиэ оннук быһыыланыахтаахтар (Иоанн 17:6, 26; Римляннарга 10:13, 14). Эн олорор сиргэр Таҥара аатын туһунан ким кэпсиирий?

6. Дьиҥнээх христианнар Таҥара Саарыстыбатын туһунан кэпсиэхтээхтэр. Итинник дьыаланнан Иисус дьарыктаммыта. Кини куруук Саарыстыба туһунан кэпсиир этэ (Лука 8:1). Кини үөрэнээччилэригэр ол сураҕы сир үрдүнэн барытынан тарҕатыҥ диэн соруйбута (Матфей 24:14; 28:19, 20). Сир үрдүнэн эйэни уонна куттала суох буолууну, Таҥара эрэ Саарыстыбата аҕалыа диэн дьиҥнээх христианнар итэҕэйэллэр (Псалом 146:3—5).

7. Иисус үөрэнээччилэрэ бу куһаҕан санаалаах аан дойду дьыалаларыгар кыттыспаттар (Иоанн 17:16). Кинилэр политикаҕа уонна социальнай мөккүөрдэргэ орооспоттор. Кинилэр бу аан дойду куһаҕан быһыытын, үгэстэрин уонна өйүн-санаатын ылымматтар (Иаков 1:27; 4:4). Дьиҥнээх христианнар курдук бэлиэлэрдээх ханнык эмэ итэҕэл көрүҥүн ааттыыр кыахтааххын дуо?

[Иллюстрации, страницы 26, 27]

Дьиҥнээх христианнар бэйэ-бэйэлэрин таптыыллар, Библияны убаастыыллар уонна Таҥара Саарыстыбатын туһунан кэпсииллэр.