Fạiȧk se‘ea ‘e nā ne ‘ou ava la sạkiroa puk hete‘ ne a‘mamnạkia ‘äe se Uetnes ‘on Jihova, ‘otomis famori, ‘otomis garue ma ‘otomis kạutạunạ‘iag ta ma ‘on gargarue. ‘Ạmis ‘ạiröt‘ȧk ne iạ pō ma hạiasoagan ‘äe la aier‘ȧk ne ‘ạmis tä rē‘ia fiongar ‘on Jihova ‘e terạni te ‘i. ‘Ạmis far‘ȧk la ‘äe la ‘ut‘ȧk ma kikia se muạ ‘ou hại‘ineaga ma ‘Ạitu, fäeag‘ȧk se ‘ou kạunohoag ta ma ‘ou kạumane‘aga tē ne ‘äe rakrakoa, ma tē ag‘esea hạisokoag ma ‘ạmis ‘e tạunȧ‘ fak‘ata.​—Hiperiu 10:23-25.

‘Äe la räe ne ti‘ ne ‘ou hại‘ineaga ma Jihova, ta fuạmamạu ne ‘on hanisi se ‘äea. Ma täe la rue‘ạkia ‘äe la nā‘ia ‘ou vahiạ ‘atakoa la kel‘ạkia ‘ou hanisi se Ia. (1 Jone 4:8-10, 19) Ka la pō tapen la kel‘ȧk ‘amnȧk te‘ ‘e ‘ou mạuri? Ka pō ‘e tes tä iạ tē ‘es‘ao la ‘äe la tovavhiạn se ‘on foh ma‘ma‘a? Ma tes tä la hạiasoagan ‘äe la a‘sokoa fiongar ‘on ‘Ạitu ma ‘ạmis? ‘Ou le‘ rē hat puk ta la ‘oaf la hạiasogan ‘äe la togia sại‘o la pō la ‘äe ma ‘ou kạunohoag ta la “ȧf‘ȧk ‘e hanis ‘on ‘Ạitu, . . . ka ‘ioaf se mȧür se ‘es gata‘aga.”​—Juta 21.

‘Amis ‘ih ‘äe la ‘ut ma kikia se muạ ‘e sal ne aier ta ‘e ‘ou la rakoa puk hete‘ ‘e tē a‘ hete‘ “Ȧf‘ȧk ‘Ạus ‘e Hanis ‘On ‘Ạitu”.