Xana u dondzre ha hombe tinhlokomhaka ta Xihondzro Xa Ku Zrindzra ta lembe ledzri? Xileswo, dzringisa ku hlamula swivutiso leswi:

Xana hi fanela ku va khoma hi ndlela yini vakriste lava totiwiki?

Hine hi dzri nyika lisima lipfumelo ledzri va nga na dzrone, kambe a hi va nyiki xihluwa ku tlula mpimu. A hi ‘hlamali wuso bya vhanu’. (Yd 16) A hi va hambe swivutiso mayelanu ni dumbo dzravu.​—Xihondzro Xa Ku Zrindzra 01/20 p. 29.

I yini lexi ku tiyisaka leswaku Yehovha awa ku vona?

Bibele dzra tiyisekisa leswaku Yehovha a ku vonile na wu nge si na pswaliwa. Nakone awa swi yingiseta swikhongoto hinkwaswu leswi u swi yentxaka. Yehovha awa yi tiva mbilu yaku ni mimpimiso yaku nakone leswi u swi yentxeka swi nga mu nyonxisa kumbe swi mu khunguvanyisa. (1Mk 28:9; Pr 27:11) Yehovha a ku kokele ka yene.​— Xihondzro Xa Ku Zrindzra 02/20 p. 12.

Xana hi wini nkama wa ku vulavula ni nkama wa ku miyela?

Hi nyonxa ngopfu loko hi vulavula na Yehovha. Hi vulavula ni mhunu loko hi vona leswaku a yentxa ntxhumu lowu nga liki wunene. A vakulu va vulavula akuva va nyikela swilayu loko swi vileleka. A hi khaleni hi wutsrhokotsrhoko kumbe hi mintxhumu leyi nga xihundla mayelanu ni ntizro wezru a mimbangwini lomu ntizro wolowo wu yilisiwaka.​—Xihondzro Xa Ku Zrindzra 03/20 pp. 20-21.

Hi kwini ku hambana ka humbi leyi ku khaneliwaka ha yone ka buku dzra Yoel ndzrima 2 ni ka buku dzra Apfuletelo ndzrima 9

Ka buku dzra Yoel 2:20-29 Xikwembu Nkulukumba a hlaya leswaku a ta hlongola humbi yi ya kule swinene nakone a ta va tlheliselela hi leswi va xanisiwiki hi humbi. Buku dzra Apfuletelo 9:1-11 dzri khanela hi vatotiwa lava zrezraka mayelanu ni leswi Yehovha a ta swi yentxaka hi misava leyi ya ku biha. Nakone leswo a swi va nyonxise lava seketelaka misava leyi.​—Xihondzro Xa Ku Zrindzra 04/20 pp. 3-6.

Hi mani hosi ya n’walungu namunhla?

Rússia ni matiko lawa ma yimaka na yene. Vona va lwa ni vhanu va Xikwembu Nkulukumba hi ku kongoma hi ku yala akuva hi yentxa ntizro wa ku zrezra ni ku kombisa leswaku va ti nyenya Timboni ta Yehovha.​—Xihondzro Xa Ku Zrindzra 05/20 p. 13.

Xana matsrhamela lawa ma kombisiwaka ka Ba-le-Galatia 5:22 hi wone ma hambaka xiyenge xa mhandzru wa moya ntsena?

Im-him. Moya wa ku xwenga wu yi pfuna akuva hi txutxela matsrhamela mambeni, ya ku fana ni wululami. (Ef 5:8, 9)​—Xihondzro Xa Ku Zrindzra 06/20 p. 17.

Hi wini wun’we wa mindzringo ya ku kombisa mintxhumu yaku ka maredi sosiyali?

Mintxhumu leyi u yi kombisaka ka maredi sosiyali yi nga ha yentxa vambeni va pimisa leswaku a wu titsrongahati kumbe wu navela ku va komba leswi u nga na swone.​—Xihondzro Xa Ku Zrindzra 07/20 pp. 6-7.

I yini leswi vakriste va nga swi dondzraka ka vaphasi lavanene?

Vaphasi lavanene va phasa lani va vonaka leswaku va ta kuma tinhlampfi ni hi nkama lowunene. Va lulamiseliwe akuva va tizrisa switizro swa ku phasa nakone va ni xixixi xa ku tizra nambi loko maxela ma nga li manene. Hi nga yentxa hi ndlela leyi fanaka a ntizrweni wa nsimu.​—Xihondzro Xa Ku Zrindzra 09/20 p. 5.

Hi tini tindlela leti hi nga ti tizrisaka leswaku hi pfuna swidondzro swezru swa Bibele akuva swi yengesela lizrandzru ha Yehovha?

Hi nga swi kutxa akuva swi dondzra Bibele siku ni siku ni kuva swi yanakanyisisa hi leswi swi swi dondzriki. Hi nga tlhela hi swi dondzrisa ku khongota.​—Xihondzro Xa Ku Zrindzra 11/20 p. 4.

Ma tlhamuxela yini mazritu lama liki: ‘Hinkwavu va ta tlhela va hanya hi Kriste’?​—1Ko 15:22.

Mupostola Pawulo a a nga hlayi swone leswaku vhanu hinkwavu va ta pfuxiwa a ku feni. A a khanela hi vakriste lava totiwiki, lava ‘xwengisiwiki ku Kriste Yesu’. (1Ko 1:2; 15:18)​—Xihondzro Xa Ku Zrindzra 12/20 pp. 5-6.

Hi wini ntizro wa vatotiwa a tilweni ntsrhaku ka loko va ‘ndzruluka . . . byavuta tihlo, hi nanga ya wugamu’?​—1Ko 15:51-53.

Na va fumiwa hi Yesu, vatotiwa va ta byisa matiko hi nhonga ya nhumbu kumbe nsimbi. (Mpf 2:26, 27)​—Xihondzro Xa Ku Zrindzra 12/20 pp. 12-13.