Ha ku khensa hi leswi u tinyikiki nkama wa ku kambisisa xibukwana lexi akuva u tiva ku yampswa leswi hine Timboni ta Yehovha hi nga xiswone, u dondzra mayelanu ni mintizro yezru ni ku vona ndlela leyi nhlengeletanu yezru yi tizraka ha yone. Hi lavisela leswaku xibukwana lexi xi ta va xi ku pfunile ku vona leswaku lava yentxaka ku zrandzra ka Yehovha namunhla i Timboni ta Yehovha. Hi ku kutxa leswaku u ya mahlweni u dondzra hi Xikwembu Nkulukumba, u bulela maxaka ni vanghanu hi leswi u swi dondzraka ni ku hlengela na hine nkama ni nkama a mintlhanganwini ya Wukriste.​—Ba-Heberu 10:23-25.

U ta gungula leswaku loko u ya mahlweni u dondzra mayelanu na Yehovha, u ya u swi vona leswaku yene a ku zrandzra ngopfu swinene. Xileswo, u ta susumeteleka ku yentxa hinkwaswu leswi u nga swi kotaka akuva u kombisa leswaku na wene wa mu zrandzra. (1 Yohan 4:8-10, 19) Kambe xana u nga kombisa xikuyini leswaku wa mu zrandzra a wuton’wini byaku bya siku ni siku? Ha yini ku yingiseta milawu yakwe ya mahanyela swi ku tisela mabindzru? Naswone i yini leswi taka ku pfuna ku yentxa ku zrandzra ka Xikwembu Nkulukumba kun’we na hine? Lweyi a dondzraka Bibele na wene a ta swi nyonxela ku ku pfuna ku kuma tinhlamulo ta swivutiso leswi, akuva wene ni ndangu waku mi kota ku “tsrhama a lizrandzrwini dzra Xikwembu Nkulukumba, ... na mi lavisela wutomi lebyi nga helikiki.”​—Yuda 21 NM.