XIDONDZRO 19
Xana Timboni Ta Yehovha I Vakriste Va Ntiyiso?
Swanga Timboni ta Yehovha, ha kholwa leswaku hi vakriste va ntiyiso. Ha yini? Vona lomu ku kholwa kwezru ku tiseketeliki kone, leswaku ha yini hi ni vito ledzri nge Timboni ta Yehovha, ni leswaku hi swi kombisa hi ndlela yini leswaku ha zrandzrana.
1. Xana Timboni ta Yehovha ti seketela leswi ti swi kholwaka ka yini?
Yesu a te: ‘Zritu dzra [Xikwembu Nkulukumba] hi xo xihlayelamfuzri.’ (Yohan 17:17) Hi ku tekelela Yesu, minkama hinkwayu Timboni ta Yehovha ti seketela leswi ti swi kholwaka a Zritwini dzra Xikwembu Nkulukumba. Vona ndlela leyi hi swi yentxisiki xiswone ku sukela a masungulweni ya matimu yezru ya nan’waka, kolomu ka ma 1870. Nkameni wolowo ntlawa wa kukazri wu sungule ku dondzra Bibele hi wunyaminyami lebyikulu. A wu djula ku tiva leswi hakunene a dzri swi dondzrisa. Loko wu twisisa dondzro ya kukazri ya Bibele, a wu kholwa ka yone nambi loko yi lwa ni leswi makezreke a ma swi dondzrisa. Ku sukela kolanu, wu sungule ku dondzrisa van’wana leswi wu swi kumiki. a
2. Ha yini hi tivitana hi vito ledzri nge Timboni ta Yehovha?
Yehovha a vitana lava mu gandzrelaka swanga timboni hikuva vone va hlaya ntiyiso mayelanu na yene. (Ba-Heberu 11:4–12:1) Hi xikombiso, a khale, Xikwembu Nkulukumba a byele vhanu vake, a ku: ‘Hi n’wine timboni tanga.’ (Dondzra Ezaya 43:10.) Yesu a vitaniwa “mboni leyi dumbekaka.” (Apfuletelo 1:5) Xileswo, hi 1931 hi lange a vito ledzri nge Timboni ta Yehovha. Hi nyonxa swinene hi vito dzrodzro.
3. Xana Timboni ta Yehovha ti dzri yetisela hi ndlela yini lizrandzru dzra Yesu?
Yesu a a va zrandzra swinene vadondzrisiwa vake swanga va ndangu wake. (Dondzra Marka 3:35.) Hi la ku fanaka, Timboni ta Yehovha ti ni wumun’we, swanga ndangu wun’we, wa misava hinkwayu. Hi yo mhaka leyo hi vitananaka swanga makwavu na makwavu. (Filemon 1, 2) Na hine hi yingiseta xileleto lexi liki: ‘Zrandzrani va-makwenu.’ (1 Petros 2:17) Timboni ta Yehovha ti kombisa lizrandzru ledzri hi tindlela ta ku tala ta ku fana ni ku pfuna vamakwezru va moya a misaveni hinkwayu loko va vilela mpfunu.
KELISISA
Dondzra leswi yengetelekiki mayelana ni matimu ya Timboni ta Yehovha, u va u vona wumboni lebyi yengetelekiki bya leswaku hine hi vakriste va ntiyiso.
Vakriste va ntiyiso va seketela leswi va swi kholwaka a Bibeleni nakone va swi byela van’wana
4. Hi seketela leswi hi swi kholwaka ka Bibele
Yehovha a hlaye leswaku ku twisisa kwezru ka Bibele a ku ta yengeteleka. Dondzrani Daniel 12:4, mi gama mi bulisana hi xivutiso lexi:
-
I yini leswi a swi “ta yengeteleka” a makazri ka vhanu va Xikwembu Nkulukumba loko va ya mahlweni va kambisisa Bibele?
Vona ndlela leyi ntlawa wa swidondzri swa Bibele, lowu Charles Russell a a li xizro xa wone, a wu dondzra ha yone Zritu dzra Xikwembu Nkulukumba. Vonani VHIDIYU, mi gama mi bulisana hi xivutiso lexi landzrelaka.
-
Ka vhidiyu, u vone leswaku Charles Russell ni Swidondzri swa Bibele swin’wana a va dondzrisa kuyini Bibele?
A wu swi tiva?
Ku ve ni minkama leyi hi pfiki hi lulamisa matwisisela ya kukazri ya leswi hi swi kholwaka. Ha yini? Swanga hi leswi dambu loko dzri ya dzri tlhava dzri vaningelaka mbangu ha katsrongokatsrongo, Xikwembu Nkulukumba a nyikela ku twisisa ka Zritu dzrake ha katsrongokatsrongo. (Dondzrani Amaproverbia 4:18.) Xileswo, nambi leswi Bibele dzri kalaka dzri nga txintxi, hine ha lulamisa leswi hi swi kholwaka loko ku twisisa kwezru ka Bibele ku ya ku yengeteleka.
5. Hi yentxa leswi vito dzrezru dzri tlhamuxelaka swone
Ha yini hi yamukele vito dzra Timboni ta Yehovha? Vonani VHIDIYU, mi gama mi bulisana hi xivutiso lexi landzrelaka.
-
Ha yini vito dzra Timboni ta Yehovha dzri fanekeleka?
Ha yini Yehovha a hlawule vhanu akuva va va timboni take? Hikusa timboni leto a ti ta yimelela Yehovha ka madzrimi manyingi lawa vhanu va ma hlayaka ha yene. A hi voni man’we ya madzrimi mabidzri wolawo.
Wukhongoti byinyingi byi dondzrisa leswaku Xikwembu Nkulukumba a djula leswaku vhanu va tizrisa swifaniso loko va mu gandzrela. Xana swoleswo i ntiyiso? Dondzrani Levitika 26:1, mi gama mi bulisana hi swivutiso leswi landzrelaka:
-
Xana i ntiyiso leswaku Xikwembu Nkulukumba a djula kuva hi tizrisa swifaniso akuva hi mu gandzrela? Xana Yehovha a titwisa kuyini hi swifaniso?
Wukhongoti byinyingi byi dondzrisa leswaku Yesu i Xikwembu Nkulukumba. Xana swoleswo i ntiyiso? Dondzrani Yohan 20:17, mi gama mi bulisana hi swivutiso leswi:
-
Xana i ntiyiso leswaku Yesu i Xikwembu Nkulukumba? Xikwembu Nkulukumba na Yesu i mhunu mun’we?
-
Xana u titwisa kuyini loko u tiva leswaku Yehovha a hlawule Timboni take akuva ti zrezra ntiyiso mayelana na yene ni N’wanake?
6. Ha zrandzrana
Bibele dzri li vakriste va fana ni swizro swa ku hambanahambana swa mizri wa mhunu. Dondzrani 1 Ba-le-Korinte 12:25, 26, mi gama mi bulisana hi swivutiso leswi:
-
Xana vakriste va ntiyiso va fanela ku yentxa yini loko vakriste van’wana va xaniseka?
-
I yini leswi u swi xiyiki mayelana ni lizrandzru a makazri ka Timboni ta Yehovha?
Loko Timboni ta Yehovha ti xaniseka a tikweni dzra kukazri, Timboni tin’wana ta le matikweni hinkwawu ti kahlula ti ya pfunisa. Akuva u vona xin’we xa swikombiso, vonani VHIDIYU, mi gama mi bulisana hi xiutiso lexi landzrelaka.
-
Xana mintizro ya ku pfuna lava weliwiki hi timhangu ya Timboni ta Yehovha yi dzri kombisa hi ndlela yini lizrandzru?
Vakriste va ntiyiso va komba lizrandzru lava pfumalaka
VAN’WE VA LI: “Timboni ta Yehovha i wukhongoti byimpshwa ntsena.”
-
Xana Yehovha a vitane vagandzreli vake a ku i timboni take ku sukela dzrini?
NKATSRAKANYU
Timboni ta Yehovha i vakriste va ntiyiso. Hi ndangu lowu nga kone a misaveni hinkwayu wa vagandzreli lava seketelaka leswi va swi kholwaka a Bibeleni ni lava twalisaka ntiyiso mayelanu na Yehovha.
Mpfuxeto
-
Ha yini hi yamukele vito ledzri nge Timboni ta Yehovha?
-
Xana hi kombanana lizrandzru hi ndlela yini?
-
Hi ku vona kwaku, xana Timboni ta Yehovha i vakriste va ntiyiso?
HANDZRISISA
Dondzra leswi yengetelekiki mayelana ni matimu yezru.
Timbhoni Ta Yehovha Ti Ni Ripfumelo, Xiyenge 1: Ti Fularhela Munyama (1:00:53)
Vona xikombiso xin’we xa ndlela leyi Timboni ta Yehovha ti paluxiki ha yone tidondzro ta madzrimi.
Kuma tinlamulo ta swivutiso leswi u nga ha vaka naswu mayelana ni Timboni ta Yehovha.
“Swivutiso Leswi Talisaka Ku Vutisiwa Mayelanu Ni Timboni Ta Yehovha” (Leswi kumekaka ka jw.org)
Stephen a a hamba a hlasela vhanu hi mhaka ya livengo ledzri a a li nadzru hi vone. Dondzra leswaku i yini leswi a swi voniki a makazri ka Timboni ta Yehovha leswi mu susumeteliki ku txintxa.
“Wutomi Byanga A Byi Ya Byi Biha Ku Tlula Mpimu” (Xihondzro Xa Ku Zrindzra, 1 ka Julhu wa 2015)
a Ku sukela hi 1879, vhanu va Yehovha va nyikela revhixta dzra Xihondzro Xa Ku Zrindzra, akuva va tlhamuxela leswi Bibele dzri swi hlayaka.
