KU HANYA SWANGA VAKRISTE
Zrezra Madzrungula Lamanene Ya Leswaku Misava Leyinene Yi Kusuhi!
Ka wheti ya Novhembru, hi ta yentxa hinkwaswu leswi hi nga swi kotaka akuva hi yavelana ni vambeni a madzrungula lamanene ya leswaku misava leyinene yi kusuhi. (Ps 37:10, 11; Mpf 21:3-5) Lulamisa xiyimu xaku akuva u hlengemela hi xitalu ka tsima ledzri. Loko u teka wuphayona bya ku pfunisa ka wheti leyi, u nga hlawula ku humexa 30 kumbe 50 wa mawora.
Tilulamisele kuva u byela vhanu vanyingi hi la u nga kotaka ha kone a tsralwa mayelanu ni misava leyimpswha. Loko u hlawula tsralwa, yanakanya hi leswi swi nga nyonxisaka vhanu va le ka muganga waku. Loko mhunu a kombisa ku nyonxela ka liyendzro dzra ku sungula, mu nyike Xihondzro Xa Ku Zrindzra No 02/2021. Kutani, mu tlhelele, u nga hlweli. Nakone sungula xidondzro xa Bibele hi ku tizrisa broxura ledzri liki Hanya Hi Ku Nyonxa Hi La Ku Nga Helikiki! A hi ku nyonxisa ka swone ku tsrhama na hi khomekile hi ku byela van’wana “madzrungula lamanene ya mintxhumu ya lisima”!—Eza 52:7, NM.
TXHAYA VÍDEO DZRA WUNANGA LEDZRI LIKI TIVONE NA U LI MISAVENI LEYIMPSWHA, MI GAMA MI HLAMULA SWIVUTISO LESWI LANDZRELAKA:
-
I wumundzruku bya muxaka muni lebyi xinwhanyatana xi byi yanakanyaka?
-
I yini leswi u yimeliki ku swi vona a misaveni leyimpswha?
-
Xana ku yanakanyisisa hi dumbo ledzri u nga na dzrone, swi nga ku pfunisa kuyini kuva u tilulamisela ku hlengemela hi nkhinkhi ka tsima ledzri taka va kone hi Novhembru?—Lk 6:45
