Vamakwezru va xisati va pfunisa ngopfu a ntizrweni wa Mfumu. (Ps 68:11) Va fambisa swidondzro swinyingi swa Bibele a makaya. Nhlayu yikulu ya maphayona ya nkama hinkwawu i vamakwezru va xisati. Vamakwezru vanyingi va xisati va tizra hi nkhinkhi a Betele, va va vazrumiwa, va tizra kumbe ku pfunisa ka ku yaka ni ku tizra swanga vandzruluteli. Vamakwezru va xisati lava wupfiki va pfunisa mindangu yavu ni bandla. (Pr 14:1) Nambi leswi vamakwezru va xisati va kalaka va nga tizri swanga vakulu kumbe malandzra ya wutizreli a mabandleni, va nga ha tibekela makungu a bandleni. Loko u li makwezru wa xisati, u nga yentxela Yehovha leswi yengetelekiki hi ndlela yini?

• Txutxela matsrhamela ya moya.—1Tm 3:11; 1Pe 3:3-6

• Pfuna vamakwezru van’wana a bandleni lava kalaka va nge na mfambu wunyingi.—Ti 2:3-5

• Yampswisa u tlhela u yengetela ntizro waku

• Dondzra lidzrimi dzrimbeni

• Zruzrela lomu ku nga ni xivileleko lexikulu

• Zrumela petisawu akuva u ya tizra Betele kumbe ka ku yaka mimbangu ya wugandzreli

• Zrumela petisawu akuva u ya Xikole Xa Vazrezri Va Mfumu

HLALELANI VÍDEO LEDZRI LIKI “VAVASATI LAVA TIZRELAKA HOSI HI NKHINKHI”, MI GAMA MI HLAMULA XIVUTISO LEXI:

• Xana swi ku kutxise kuyini leswi makwezru mun’wana ni mun’wana a swi hlayiki?