HA YINI SWI LI SWA LISIMA: Ku nga li khale ku ta va ni swiyentxakalu leswi taka dzringa xixixi xezru ni ndlela leyi hi mu dumbaka ha yone Yehovha hi ndlela leyi hi nga samikiki hi dzringiwa ha yone. A nhlomulu lowukulu wu ta sungula loko ku helisiwa wukhongoti bya madzrimi. (Mt 24:21; Mpf 17:16, 17) Hi nkama wa nhlomulu lowukulu swi nga yentxeka swi vilela ku va hi zrezra dzungula dzra yavanyiso. (Mpf 16:21) Hi ta hlaseliwa hi Gog wa Magog. (Ezk 38:10-12, 14-16) Kutani akuva a sizrelela vhanu vakwe, Yehovha a ta yentxa leswaku ku sungula ‘ku lwa ka siku ledzrikulu dzra Xikwembu Nkulukumba lwe wa ntamu.’ (Mpf 16:14, 16) Akuva hi tiyisa lipfumelo dzrezru mayelanu ni swiyentxakalu swa nkameni lowu taka, hi fanela ku tiyiselela mindzringo leyi hi kumanaka na yone swoswi.

MAYENTXELA YA KONE:

• Hi xixixi hanya hi milawu ya Yehovha leyi tlakukiki ya mahanyela.​—Eza 5:20

• Yana mahlweni u hlengemela ni vakriste kuloni.​—Hb 10:24, 25

• Hatla u yamukela nkongomiso wu pfaka ka nhlengeletanu ya Yehovha.​—Hb 13:17

• Yanakanyisisa hi ndlela leyi Yehovha a huluxiki vhanu vakwe ha yone nkameni lowu khalutiki.​—2Pe 2:9

• Vulavula na Yehovha hi xikhongoto u tlhela u mu dumba.​—Ps 112:7, 8

HLALELA NKOMBISO LOWU LANDZRELAKA LOWU LIKI SWIYENTXAKALU SWA WUMUNDZRUKU LESWI TAKA DJULA HI VA NI XIXIXI​—XITLEPHU, MI NGAMA MI HLAMULA SWIVUTISO LESWI LANDZRELAKA:

• Xana ku yingiseta ka vazrezri ku dzringiwe hi ndlela yini loko ku patsriwa mabandla?

• Hi kwini ku yelana loku nga kone ka ku va ni xixixi ni ku yingiseta?

• Ha yini swi ta djula hi va ni xixixi hi nkama wa Armagedoni?

• He byini wundzrunguli bya Bibele lebyi nga tiyisaka lipfumelo dzrezru dzra leswaku Yehovha a ta hi huluxa?​—2Mk 20:1-24