„Va avela iech jiuvindimos.” (Fapte 24:15, Traducerea lumii noi)

Sam mângâime cana merel amenghe choniva drago. (2 Corinteni 1:3, 4)

Hastras la daratar le merimaschi. (Evrei 2:15)

Si amen iech speranța ciaci te maladoas-ame pale amare mulența cai va avena ușteade. (Ioan 5:28, 29)

Da, si but motivea, acana phenas trin:

• Le Devlestar avel i viața. Andi Biblia phenel-pe că o Iehova Del si „i haing la viațachi”. (Psalmo 36:9; Fapte 17:24, 25) Cana o Del daisardea te cherel sea so si jiuvindo, siguro siles o zuralimos te del pale i viața varecasche cai mulea.

• Andel puraimata, o Del jiuvindisardea manușa. Andi Biblia phenel-pe anda ohto manușa – tărne hai phure, murșa hai jiuvlea – cai sas andine pale viațate pi phuv. Chichiva sas mule de țâra timpo; tha iech anda lende sas ando mormânto ștar ghies. (Ioan 11:39-44)

• O Del camel te anel pale viațate le manușen. O Iehova urâl o merimos. Vo dichel-les sar iech dușmano. (1 Corinteni 15:26) Vo ‘camel’ te biruil cadale dușmanos, adică te șiol șăro le merimasche prin o jiuvindimos. O Del d-abia ajucărel te jiuvindil codolen cai sile ande leschi memoria ca von te train pale pi phuv. (Iov 14:14, 15)