O Del iubil le manușen, anda codoia cherdea i phuv thai sea so si pe late. Vo camel te bucurisaoas-ame viațatar pi phuv. Pa hanțî timpo, o Del va chosela pa-i phuv sea-l buchia cai anen ducha thai va dela sea-l manușen iech viitorii mai șucar. — Citisar Ieremia 29:11.

Niciech raimos ci daisardea te cherel te na mai avel marimos, nasfalimos sau merimos. Tha si iech vestea lași: Na pa but timpo, o Del va paruvela sea-l raimata pa-i phuv pesche raimaia. Codolen cai ascultin lestar va avela-le sastimos thai pacea. — Citisar Isaia 25:8; 33:24; Daniel 2:44.

Caște na mai aven ducha o Del va ujarela i phuv le manușendar nasul (Țefania 2:3). Cana va cherela cadai buchi? O Cuvânto le Devlesco phendea mai anglal le probleme cai si aghies le manușen. So dichas aghies sicavel claro că mai si hanțî timpo ji cai o Del va lașiarela sea-l buchia. — Citisar 2 Timotei 3:1-5.

Trebul te sichios andai Biblia, o Cuvânto le Devlesco caște prinjianes le Devles. Cadoa Cuvânto si sar iech scrisoarea cai iech lașio dad bișeale-la pesche șiavenghe. Voi phenel-amenghe sar daștil te avel-ame iech viața mai lași aghies, thai ando viitorii, viața veșnico pi phuv. Si ciaces, chichiva jenen ci va placiala-le că tu cames te prinjianes i Biblia. Tha na bâstăr: O Del promitil că daștil te avel-ame iech viitorii mai lașio. Anda codoia na mec te peraven-tu, o viitorii cai promiti-les o Del silo prea șucar caște hasares-les. — Citisar Le Proverbe 29:25; Revelația 14:6, 7.