Андэ кадэя статья

•  Со трэбуй тэ терэл о дад

•  Лэ дадэс нико на парувэла

•  Дад и щей

•  Совето лэ дадэнди

•   Инке сар на арақаделя о бэято. Кода, саво ту хулай щас, сыкавэл, саво дад ту авэса ӷэт май интя. Андэ ек книжка ԥэнэнпэ:

   «Лашо дад поможый пэстиря хулаяти, сави аштярэл бэятос, тинэн тэ хан, ԥиравэл ла па врачоря, паша латэ находийпэ, кала терэн УЗИ или ашунэн сар марэлпэ лэ бэятоско ди. Кацаво дад, май ӥто всаворэстар, и посли кода, сар арақадёла о бэято, авэла май пашэ и каринг лэстэ и каринг и дэй» (Do Fathers Matter?).

   «Мэ на камлэм, кай мэрни хулаи тэ гиндой, кай тэ аштярэл бэятос, — када кати латири дила. Важ када мэ поможысаравас лати сар кати моӷ. Амэ дажэ вмести стердям и комната важ амаро бэято. Кай амэ аштярасас лэ бэятос, важ амэндэ када сас особо время». (Джеймсо).

   Библейско принцыпо: «Гиндон най кати пала пэстэ, но и пала авэр» (Филипы 2:4).

•   Посли кода, сар арақаделя о бэято. Ту ашэс май пашэ лэ бэятоса, кала ритярэс лэс пэ вас и цэлэспэ лэса. Дэ зор ла хулаяти тэ диқэл пала бэято. Со май бут ту поможыс, кай тэ заботинпэ пала бэято, со май лашо мануш во барёла. Кода, кай ту вся и время паша бэято, сыкавэл, кай во фартэ куч важ тутэ.

   «Проандяр и время лэ бэятоса. Цэлпэ лэса. Ав екжэно сар бэято. На ав фартэ серьёзно. Сэр: о бэято уӷанэн, со када любовь, имено лэ родителёнэндар» (Ричардо).

   Библейско принцыпо: «И шавэ — наслецтво лэ Иеговастар, и бэяцэ — наӷрада лэстар» (Псалом 127:3).

•   Кала о бэято барёл. Сар ԥэнэн и учони, кай и бэяцэ, савэ сар друӷоря пэстирэ дадэнца, май драго сытён андэ школа, май спокойни и вонэ, май ӥто всаворэстар, на авэна тэ прилэн и наркотикоря или тэ жан против о законо. Важ када вити́дэ время и пристов бут зор, кай тэ авэс друӷо пэстирэ бэятости.

   «Амаро шаво ԥэнэн, кай посли кода сар во улагля цэрал, май фартэ всаворэстар во скучияс пала кода, сар амэ лэса бэшасас пэ кухня пала столо, хасас, и общались. Или тоди, кала ладасас андо баро дром. Дэкала само важно розӷоворо залэласпэ тоди, кала мэ на тидаваспэ пала када тэ дав дума. Вся када через кода, кай амэ проандярасас бут время вместе» (Деннисо).

   Библейско принцыпо: «Драго диқэн пала пэстэ и андярэн пэс най сар дилэ, ай сар годявэрнэ. Тратин пэстири время со май фэдэр» (Ефесо 5:15, 16).

 Обычно терэлпэ кадя, кай и дада затерэн по котор марно и фэрин пэско ери, ай и дэя заботинпэ, кай всаворэ ерести тэ авэл драго по ди (Второзаконие 1:31; Исайя 49:15). Но андэ бут еря кацаво нинай. И учони ԥэнэн, кай кажно андо ери — и о дад, и дэй — пристон зор, кай о ери тэ авэл май бахтало a.

 Кадэва гиндо сыкавэл, со сас кай и Джудит Уоллерстайн, сави сытеля тэ розлэлпэ андэ кацавэ вопросоря важ о ери. Вой ԥэнэн: «Кала мэрня бэята змардя и машына, вой камэлас, кай андэ скоро ласа тэ ладэл лако дад, важ кода кай вой сас уверено, кай во сможэт ла тэ фэрий. Ай ӷэт май интя андэ больница вой камэлас, кай мэ тэ авав паша латэ и подритярав ла» b.

 «О дад терэл кадя, кай андо ери тэ авэл спокойно и безопасно. Када ла дати екжэняти найвушэро тэ стерэл. Ай и дэй важ кода, кай ӷанэн драго и жалуимаса тэ виашунэн терэл, кай андо ери тэ авэл драго и уютно. Вместе о дад и дэй, сар ек лащи команда» (Дэниело).

 Библейско принцыпо: «Ашун, мэрно шаво, сости сытярэл тут тиро дад и прилэ кода, сости сытярэл тут тири дэй» (Притчи 1:8).

 Сар дад, ту сыкавэс пэстиря щяти, сар и мурша трэбуй пэс тэ андярэн ласа. Вой сытёл кадэлэсти акэ сар:

•   Вой шол сама, сар ту андярэс пэс латиря даса. Кала ту сыкавэс пэстири любовь и патив каринг и хулаи, тири щей полэл, кай англэ вой трэбуй тэ родэл пэсти хулас, саво андярэла пэс ласа кадя жэ (1 Пётро 3:7).

•   Вой шол сама, сар ту андярэс пэс ласа. Кала ту стос патив пэ пэстири щей, када поможый лати тэ стол патив пэр пэстэ. Када кадяжэ сытярэл ла кодэлэсти, сар ласа трэбуй тэ обжанпэ авэр мурша.

   И наоборот, кала ту вся и время шос сама пэ латирэ ошыбки, через када вой можэт тэ закамэл, кай ла тэ подритярэн авэр мурша, но савэнди всаек пэр латэ.

   «И щей, сави ӷанэн, кай лако дад любий и подритярэл ла, на домэкэла, кай о мурш, саво на авэла лати лашо хулай, тэ виқосэл пэр латэ и пэрнэ» (Уэйно).