Ко када о Иегова?
Со ԥэнэнпэ андэ Библия?
О Иегова, када о чачуно Дэл, пала саво пистромэ андэ Библия. Во вся стердя (Откровение 4:11). Лэсти тэлёнас о Авраамо, о Моисеё, ай кадяжэ о Иисус Христос (Бытие 24:27; Исход 15:1, 2; Иоанна 20:17). О Иегова, када Дэл най важ ек народо, «во само зорало и баро Царё па вся и ԥув» (Псалом 47:2).
Андэ Библия ԥэнэнпэ, кай о Иегова, када лэ Дэвлэско алав, и кацаво алав кати лэстэ (Исход 3:15; Псалом 83:18). Дэсавэ учони ԥэнэн, кай кадэва алав пэрэандярдёлпэ «во дэл тэ ашэл». Па еврейско шыб во пэрэандярдёлпэ сар алав «ашэл». Кадэва алав сыкавэл, кай вся создал во, и кай во стерэла кода, со загиндосардя (Исаия 55:10, 11). И Библия поможый амэнди тэ уӷанас пала Дэл Иегова и пала само ӷлавно лэско качество, пала любовь (Исход 34:5—7; Луки 6:35; 1 Иоанна 4:8).
О алав «Иегова», када лэ Дэвлэско алав, саво па еврейско шыб пэрэдэлпэ штарэ буквэнца יהוה (ЙХВХ или ИГВГ). Инке пэ кадэла буквы ԥэнэн тетраграмматоно. Сар точно ԥэнэнпэ лэ Дэвлэско алав пэ дэлмутни еврейско шыб нико на ӷанэн, но кодэла, ко дэн дума пэ русско шыб присытелэ каринг о алав Иегова. Пэрво разо лэ Дэвлэско алав Иегова появисайля андэ русско Библия варикай андо 1813 бэрш, кала пэрэандярэнас о 67 Псалом a. Кадэва переводо терэлас баро мануш анда қандири Филарето.
Васо нико на ӷанэн, сар лэ Дэвлэско алав ԥэнэнас пэ дэлмутни еврейско шыб?
Андэ дэлмутни еврейско шыб на сас всаворэ буквы. Но, кала и мануша адинонас, вонэ ӷанэнас, сар када тэ ԥэнэн. Сар допистросардэ и Еврейски Писании (Ветхо Завето), вонэ линэ тэ гиндон, кай нащи тэ ԥэнэн лэ Дэвлэско алав вслух, и када сас нэправильно. Кала вонэ адинонас, и котэ, кай сас штар буквы лэ Дэвлэстирэ алавэско, вонэ вилинэ лэн и стодэ алава «Господь» или «Дэл». Прожылэ бут викоря и мануша бистэрдэ b, сар ԥэнэнпэ лэ Дэвлэско алав пэ дэлмутни еврейско шыб.
Дэсавэ мануша гиндон, кай лэ Дэвлэско алав адинойпэ, сар «Яхве», ай авэр гиндон па аврятэ. Паша Мёртво моря и мануша виарақлэ свиткоря анда книӷа Левит. Андэр лэндэ пэ ӷреческо шыб пистромэ лэ Дэвлэско алав, саво пэрэдэлпэ, сар Иао́. Кодэла, ко пистронас пэ дэлмутни ӷреческо шыб, о алав пистронас кадя, сар Иаэ́, Иабэ́ и Иауэ́. Но нинай нисо, кай када тэ доԥэнэн, кай пэ дэлмутни еврейско шыб c кадя ԥэнэнас.
Дэсавэ гиндонас нэправильно пала лэ Дэвлэско алав
И мануша вигиндосардэ, кай андэ дэсавэ переводоря лэ Дэвлэско алав Иегова достодэ.
Но па чачимастэ, лэ Дэвлэско алав андэ Еврейски Писании тердёл варикай 7000 раз d, сар тетраграмматоно, када штар еврейски буквы. Андэ бут переводоря лэ Дэвлэско алав вилинэ и стодэ титуло «Господь».
И мануша вигиндосардэ, кай лэ Дэвлэсти алав на трэбуй.
Но па чачимастэ, екжэно о Дэл ԥэндя кодэлэнди, ко пистрояс и Библия, кай май бут чем тысяча раз тэ запистрон лэско алав. Кадяжэ во ԥэндя кодэлэнди, ко лэс кандэл, тэ ԥэнэн лэско алав (Исаия 42:8; Иоиль 2:32; Малахия 3:16; Римлянам 10:13). Ай инке о Дэл холяйля, кай и хохавнэ пророкоря терэнас вся, кай и иудеёря тэ забистрэн, сар лэс ақарэн (Иеремия 23:27).
И мануша вигиндосардэ, кай лэ Дэвлэско алав трэбуй тэ вилас анда Библия, кадя жэ сар терэнас и ԥэнэнас иудеёря.
Но па чачимастэ, хоть дэсавэ анда кодэла, ко пэрэпистронас и Библия, на ԥэнэнас лэ Дэвлэско алав, андэ рукописи, савэ вонэ пэрэпистронас, вонэ всаек стонас, сар ақарэн лэ Дэвлэс. О Дэл камэл, кай тэ терэн кадя, сар во ԥэндя, ай най, сар сытярэн и мануша (Матфея 15:1—3).
И мануша вигиндосардэ, кай лэ Дэвлэско алав на трэбуй тэ стас андэ Библия, важ кода кай нико на ӷанэн, сар точно во ԥэнэнпэ пэ еврейско шыб.
Но па чачимастэ, если тэ гиндосарас кадя, сар вигиндосардэ и мануша, тоди вижал, кай о Дэл камэл, кай пэ сави бы шыб и мануша тэ на дэн дума, вонэ тэ ԥэнэн лэско алав еқэндар. Но када най кадя. Андэ Библия ԥэнэнпэ, кай лэ Дэвлэстирэ служытеля, савэ жувэнас дэлмут, ԥэнэнас пэско алав по разному.
Например, андо Израилё сас судья. Лэс ақарэнас Иисус Навин. И христианоря, савэ жувэнас андо пэрво вико, дэнас дума пэ еврейско и ӷреческо шыб. И кодэла, савэ дэнас дума пэ еврейско шыб, вонэ ԥэнэнас Йехошу́а, ай кодэла, савэ дэнас дума пэ ӷреческо, ԥэнэнас Иесу́с. Ай андэ Библия кадэва еврейско алав запистромэ пэ ӷреческо шыб. Вижал, через кода, кай и христианоря дэнас дума пэ разни шыба, и алава ашундёнас по разному (Деяния 7:45; Евреям 4:8).
Када жэ вижал и лэ Дэвлэстирэ алавэса. Лэ Дэвлэско алав трэбуй тэ тердёл андэ Библия котэ, кай во трэбуй тэ тердёл. И када май важно, чем кода, сар ашундёл лэ Дэвлэско алав.
a Псалом 67 андэ «Библия. Нэвэ мироско переводо», када Псалом 68.
b Андэ «Нэви католическо инцыклапедия» (2 издания, том 14, страницы 883—884) пистромэ: «Варикай посли вавилонско плено пала алав Яхве линэ тэ гиндон, кай кадэва алав фартэ свынто и лэс нащи тэ ԥэнэс, и вместо лэстэ линэ тэ пистрон май часто АДОНАЙ или ЭЛОХИМ».
c Май бут пала када можно тэ виарақэн андэ брашура «Слово Бога в картах и схемах», раздело 1 «Божье имя в Еврейских Писаниях»
d Theological Lexicon of the Old Testament. Т. 2. С. 523—524.
Тути кадяжэ можэт тэ авэл интересно
ӶЛАВНО, СОСТИ СЫТЯРЭЛ И БИБЛИЯ
Кай о Дэл исин алав?
Кай о Дэл исин бут титулоря: Всемоӷущё, Создателё, Ӷосподо. Но лэстэ исин и пэско алав, саво пистромэ андэ Библия май бут чем 7 000 раз.
СТОРОЖЭВО БАШНЯ
Ко када о Дэл?
Кай тэ ашэс май пашэ каринг о Дэл, трэбуй май бут тэ уӷанэс пала лэстэ. Сар када тэ стерэс?
СО ԤЭНЭНПЭ АНДЭ БИБЛИЯ?
Скати кай о Дэл алава?
Васо трэбуй тэ ӷанас, сар ақарэн лэ Дэвлэс? Важ кода кай и мануша гиндон, кай Аллах, Эл Шаддай, Иегова-Ире, Альфа и Омега, када лэ Дэвлэстирэ алава. Но када най алава.