ЗАЛЭ И ДУМА
УРОКО 3
Доброта
Библейско принцыпо: «Кодэва, ко любий... драго обжалпэ аврэнца» (1 Кр. 13:4).
Со терэлас о Иисусо
1. Дик ВИДЕО или адиносар Иоано 9:1—7. Тоди погиндосар пала кацавэ вопросоря:
-
а) Со о Иисусо стердя спэрва: исцэлисардя лэ корэ манушэс или ля лэсти тэ росԥэнэн важ о Дэл? (Дик Иоано 9:35—38.)
-
б) Сар ту гиндос, васо посли када о мануш сас ӷотово тэ ашунэн и лащи новость?
Сости амэ сытювас кай о Иисусо
2. Если амэ анда оди шас сама лэ манушэс, тоди во май фартэ закамэла амэн тэ виашунэн.
Тер кадя, сар о Иисусо
3. Сыкав, кай жалуис и полэс. Старысав тэ полэс, со по ди кай о мануш.
-
а) Погиндосар: «Пала со во, можэт, пэрэжывает? Саво гиндо можэт тэ авэл лэсти интересно и тэ подритярэл лэс?» Кадя о мануш диқэла, кай ту драго обжаспэ лэса, и во полэла, кай ту дэс дума лэса анда ди.
-
б) Если о мануш дэл дума туса пала кода, со лэстэ по ди, или пала проблема, сави лэстэ исин, на пэрэжа пэ авэр тема. Драго виашун лэс. Кадя ту сыкавэса, кай тути най всаек пэ кода, со во дэл дума.
4. Дэ дума по доброму и пативалэс. О мануш диқэл, чаче ту камэс тэ полэс, со лэстэ по ди, и тэ поможыс. Важ када следисар, со и сар ту дэс дума, и на ԥэн кода, состар лэ манушэсти можэт тэ ашэл ԥарэс.
5. Ав ӷотово тэ поможыс. Погиндосар, можэш ли ту варисар пэ дила тэ поможыс лэ манушэсти. Лащи дила можэт тэ анэн каринг и лащи дума.
