Амаро Создателё пэ бутэстэ май годявэрно и май мудро амэндар. Сар любящё небесно Дад, во диқэл пала амэндэ и камэл тэ фэрий амэн лэ ԥаримастар. Инке о Дэл создал амэн кадя, кай би лэско амэ нэ можэм драго тэ жувас (Иеремия 10:23). Сар лэ цыкнорэ бэятости трэбуй, кай пала лэстэ тэ диқэн и родителя, кадя и амэнди трэбуй, кай пала амэндэ тэ диқэл амаро Создателё (Исаия 48:17, 18). Во дя амэнди и библейски принцыпоря, савэ поможын правильно тэ жувас. Када лэско подарко. (Адиносар 2 Тимофею 3:16.)

Лэ Иеговастирэ законоря и принцыпоря поможын амэнди май драго тэ жувас ужэ адес. Кадяжэ вонэ поможын, кай англэ амэндэ тэ авэл вечно жызня. О Дэл создал амэн и ӷанэн вся пала амэндэ. Важ када авелоп годявэрнэс тэ приашундювас каринг лэстирэ алава и тэ авас блаӷодарни важ лэндэ. (Адиносар Псалом 19:7, 11; Откровение 4:11.)

Андэ Библия исин законоря и принцыпоря. И законоря ворта ԥэнэн, со можно, ай со нащи (Второзаконие 22:8). Ай и принцыпоря, када чачимос, саво никала на парудёл. Кай тэ полас, сар о принцыпо можэт тэ дэл помощь андэ варисави ситуацыя, трэбуй драго тэ погиндосарас (Притчи 2:10—12). Например, андэ Библия пистромэ, кай и жызня, када подарко лэ Дэвлэстар. Кадэва принцыпо поможыя амэнди тэ стерас вся, со трэбуй, кай тэ фэрисарас пэстири жызня, кала амэ пэ бути, цэрэ или по отдыхо. (Адиносар Деяния 17:28.)

О Иисусо ԥэндя, кай исин дуй со май важни принцыпоря.  О пэрво поможый тэ полас, васо амэ жувас. Када кай тэ ӷанас лэ Дэвлэс, тэ любисарас лэс и тэ кандас. Па амари жызня трэбуй вся и время тэ дицол, кай амэ жувас па кадэва пэрво принцыпо (Притчи 3:6). Кодэла, ко кадя жувэн, моӷут тэ ашэн лэ Дэвлэстирэ друӷонэнца, тэ жувэн вечно и па чачимастэ тэ авэн бахталэ. (Адиносар Матфея 22:36—38.)

О дуйто принцыпо поможыя тэ ладисарас лэ манушэнца (1 Коринфянам 13:4—7). Кай тэ жувас па кадэва принцыпо, трэбуй тэ андярас пэс лэ манушэнца кадя, сар о Дэл. (Адиносар Матфея 7:12; 22:39, 40.)

И библейски принцыпоря поможын, кай андо ери тэ любин ек еқэс (Колоссянам 3:12—14). Важ када андэ лэ Дэвлэско Алав исин инке ек важно принцыпо, саво фэрий о ери. Андэ Библия ԥэнэнпэ, кай о брако трэбуй тэ авэл пэ вся и жызня. (Адиносар Бытие 2:24.)

Кала амэ жувас па Библия, када поможый, кай по ди тэ авэл май драго и андэ жызня тэ авэл кода, со трэбуй. Например, пэ бути май йто лэн кодэлэс, ко на хохавэл и анда оди терэл дила (Притчи 10:4, 26; Евреям 13:18). Лэ Дэвлэско Алав кадяжэ сытярэл амэн тэ лошавас кодэлэсти, со исин, и май фартэ тэ цэнисарас и дружба лэ Дэвлэса, чем о хабэ. (Адиносар Матфея 6:24, 25, 33; 1 Тимофею 6:8—10.)

Кала амэ жувас па библейски принцыпоря, амэ фэрисарас пэско зор (Притчи 14:30; 22:24, 25). Например, андэ лэ Дэвлэско Алав ԥэнэнпэ, кай нащи бут тэ пэн. Если андэ када амэ кандас лэ Дэвлэс, тоди амэ фэрисаваса лэ насвалимастар, саво анэн каринг и смэрть и на попэраса андэ варисави бида (Притчи 23:20). О Иегова на заԥэнэн тэ пас, но трэбуй тэ сэрас пала мера (Псалом 104:15; 1 Коринфянам 6:10). Лэ Дэвлэстирэ принцыпоря сытярэн амэн тэ диқас, сар амэ пэс андярас и пала со гиндосарас (Псалом 119:97—100). И чачунэ христианоря жувэн па лэ Дэвлэско законо най кати важ кода, кай камэн драго тэ жувэн, но и важ кода, кай камэн тэ сыкавэн и патив каринг лэстэ. (Адиносар Матфея 5:14—16.)