16 ӶЛАВА

Со терэлас о Иисусо пэ ԥув?

ВОСПРОИЗВЕСТИ

Бут мануша ӷанэн пала Иисусо кати кода, со сас, кала во сас бэятоса. Важ варикастэ, када пророко, ай варико ӷанэн кати, сар о Иисусо муля. Со инке пала лэстэ амэ можэм тэ уӷанас? Со во терэлас пэ ԥув? Катэ ту уӷанэса, со важ о Иисусо сас май ӷлавно андэ жызня и со када тути дэла.

1. Сави само ӷлавно дила сас важ о Иисусо?

Само ӷлавно дила важ о Иисусо, када «тэ росԥэнэн и лащи новость пала лэ Дэвлэско Царство». (Адиносар Луки 4:43.) Во росԥэнэнас и лащи новость, кай о Дэл стола пэско Царство или правительство, саво улэла лэ манушэндар вся лэнго ԥаримос a. Трин епашэса бэрш о Иисусо отдэлас вся пэстири время и о зор, кай тэ терэл кадэя дила (Матфея 9:35).

2. Васо о Иисусо терэлас чудеса?

Андэ Библия пистромэ, кай када о Иегова, через о Иисусо, стердя бут удивительно дила, чудеса и знамении (Деяния 2:22). Лэ Дэвлэстирэ зорэса о Иисусо улэлас и бари балвал, праварэлас бутэн манушэн, исцэлияс лэ насвалэн и дажэ рияс каринг и жызня кодэлэн, ко муля (Матфея 8:23—27; 14:15—21; Марка 6:56; Луки 7:11—17). Па чудеса, савэ терэлас о Иисусо дицолас, кай лэс бишалдя о Дэл. Ай инке, када сыкавэл, кай лэ Иеговастэ исин зор тэ улэл вся амаро ԥаримос.

3. Сости амэ сытювас анда лэ Иисусости жызня?

О Иисусо андэ вся кандэлас лэ Иеговас. (Адиносар Иоанна 8:29.) Во вся и время терэлас и дила, сави дя лэсти лэско Дад. Во кандэлас дажэ тоди, кала и мануша камэнас лэс тэ умарэн. Кадэлэса во доԥэндя, кай и мануша моӷут тэ кандэн лэ Дэвлэс, дажэ кала фартэ ԥарэс. Кадя о Иисусо сыкадя амэнди, со тэ терас, кай точно тэ жас па лэстирэ слидоря (1 Петра 2:21).

УӶАНАМ МАЙ БУТ

Андэ кадэя ӷлава амэ уӷанаса, сар о Иисусо росԥэнэнас лащи новость и терэлас чудеса.

4. О Иисусо росԥэнэнас и лащи новость

О Иисусо прожыля бут километроря па пыльно дром, кай тэ росԥэнэн и лащи новость со май бутэ манушэнди. Адиносарам Луки 8:1 и подам дума пала вопросоря, савэ май тэлэ.

Росԥэнэнас о Иисусо кати ек кодэлэнди, ко авэлас лэс тэ ашунэн?
Скати зор пристолас о Иисусо, кай тэ росԥэнэн пала Дэл лэ манушэнди?

О Дэл ԥэндясас, кай о Христос лэла тэ росԥэнэн и лащи новость. Адиносарам Исаия 61:1, 2 и подам дума пала вопросоря, савэ май тэлэ.

Сар по Иисусо дицэля кадэва пророчество?
Сар ту гиндос, трэбуй лэ манушэнди адес кадэя лащи новость?

5. О Иисусо росԥэнэнас кода, со и мануша трэбуй тэ ӷанэн

О Иисусо росԥэнэнас лащи новость пала Царство. Ай инке сытярэлас лэ манушэн пала принцыпоря, савэ поджан кажнонэсти. Уӷанам дэсо анда лэстири ашунгли дума, кала во росԥэнэнас лэ манушэнди пала Дэл по плай. Адиносарам Матфея 6:14, 34 и 7:12 и подам дума пала вопросоря, савэ май тэлэ.

Сости амэ сытювас анда лэ Иисусостирэ алава?
Сар па тирятэ, поджан кадэла алава каринг амарэ деса?

6. О Иисусо терэлас чудеса

О Иегова дя лэ Иисусости зор тэ терэл чудеса. Кай тэ уӷанас пала када май драго, адиносарам Марка 5:25—34 или диқам о ВИДЕО и подам дума пала вопросоря, савэ посли видео.

ВИДЕО: «И насвали манушни исцэлисайля» (5:10)

Андэр со патялас и жувли, сави сас фартэ насвали?
Со тути май фартэ чалеля анда стихоря или видео?

Адиносарам Иоанна 5:36 и подам дума пала вопросо, саво май тэлэ.

Со доԥэндя о Иисусо кодэлэса, кай терэлас чудеса?

Ту ӷанглян?

Май бут андэ Библия пала Иисусо пистромэ андэ штар книӷи. Пэр лэндэ ԥэнэн Евангелия. Лэн пистросардэ о Матфеё, о Марко, о Лука, ай кадяжэ о Иоанно. Кажно драго росԥэнэнас пэстиря ригатар пала Иисусо. Если тэ адинос всаворэ книӷи вмести, тоди фартэ интересно история важ лэ Иисусости жызня.

МАТФЕЁ

пистросардя само пэрво Евангелия пала кода, сости сытярэлас о Иисусо. Май бут во шолас сама анда лэ Иисусостирэ алава важ лэ Дэвлэско Царство.
МАРКО

пистросардя само найбари Евангелия, но андэр латэ бут пала со росԥэнэнпэ.
ЛУКА

май бут шолас сама пэ кода, со о Иисусо росԥэнэнас пала молитва, и сар о Иисусо шолас сама лэ жувлян.
ИОАННО

росԥэнэнас, савэ манушэса сас о Иисусо и пала со во дэлас дума пэстирэ лашэ друӷонэнца и аврэ манушэнца.