Кала арақадёл бэято, када анэн и радость, и пэрэжывании. Если тумэндэ кати арақаделя бэято, тумэ инке на ӷанэн, сар дэ бут зор и время жала, кай тэ диқэн пала лэстэ: тумэндэ лэла часто тэ парудёл и настроения, лэна тэ на досовэн, и дэкала можэт тэ на авэл ладо андо ери. Можэт, тумэнди прижалапэ варисо тэ парувэн, кай и пала бэято тэ заботинпэ, и тэ фэрин пэско брако. Сар и советоря анда Библия поможына тэ пэрэандярэн кадэла трудности?

СО ԤЭНЭНПЭ АНДЭ БИБЛИЯ. «И любовь ӷанэн тэ тэрпий и вой добро». Кадяжэ и любовь «на родэл пэско, на вижал андар пэстэ» (1 Коринфянам 13:4, 5). Канешно, любо дэй фартэ шол сама пэстирэ бэятос. Но тоди лако хулай можэт тэ гиндой, кай пэр лэстэ ужэ совсем нинай время. Важ када вой трэбуй тэ на бистрэл тэ шол сама и лэ хулас. Если и хулаи терпеливо и андярэл пэс по доброму, о хулай полэла, кай во куч важ латэ и кай вой цэний лэстири забота пала бэято.

«Тумэ, хула́я... обжанпэ пэстирэ хулаянца кадя, кай тэ дицол, кай тумэ полэн лэн» (1 Петра 3:7). О хулай трэбуй тэ полэл: акана кай лэстири хулаи жала бут время и зор, кай тэ диқэл пала бэято. Щяс латэ нэви обязаность, и через када вой можэт фартэ тэ пэрэжывает, тэ вимардёл анда зор и, возможно, латэ дажэ авэла депресия. Дэкала вой можэт тэ холявэл, но о хулай трэбуй тэ авэл спокойно, важ кода кай «о терпеливо май лашо лэ зоралэстар» (Притчи 16:32). Драго, кала о хулай сыкавэл, кай полэл ла хулая́ и подритярэл (Притчи 14:29).

СОВЕТОРЯ

• Лэ хуланди. Ла хулаяти трэбуй помощь, кай вой тэ диқэл пала бэято дажэ и рят. Лашо хулай старыийпэ май бут время тэ проандярэл ла хулаяса и лэ бэятоса. Можэт, важ када прижалапэ тэ отԥэндён авря дилатар

• Лэ хулаянди. Кала о хулай камэл тэ поможый андэ забота пала бэято, и хулаи на трэбуй тэ отԥэндёл. Если о хулай терэл варисо най кадя, авелоп драго, кай и хулаи тэ на холявэл, ай по доброму тэ поможый лэсти.

СО ԤЭНЭНПЭ АНДЭ БИБЛИЯ. «Вонэ ашэна сар ек [тила]» (Бытие 2:24). Хоть андо ери тумэндэ появисайля нэво манушоро, на бистрэн, кай о хулай и хулаи трэбуй тэ авэн, сар ек тила. Пристон зор, кай тэ авэн инке май пашэ ек еқэстэ.

И хулаи трэбуй тэ авэл блаӷодарно лэ хуласти важ и помощь и подержка. Кала вой сыкавэл, кай цэний пэстирэ хулас, — када придэл зор (Притчи 12:18). Авелоп драго, кай о хулай тэ ԥэнэн пэстиря хулаяти, кай любий и цэний ла, ай кадяжэ тэ хвалий, кай вой заботийпэ пала ери (Притчи 31:10, 28).

«Мэк кажно родэл лашимос най важ пэстэ, ай важ авэр» (1 Коринфянам 10:24). Всегда заботинпэ ек пала ек. Проандярэн и время вмести: общяйтесь, хвалин и виашунэн ек еқэс. Андэ тумарэ особи пашутнэ отнашэнии на гиндон кати пала пэстирэ жылании. Андэ Библия ԥэнэнпэ: «На отԥэнэн андэ када ек еқэсти, если кати... лэдуй соӷласни» (1 Коринфянам 7:3—5). Дэн дума пала када, сар исин. Если тумэ терпеливи и полэн ек еқэс, кадэлэстар тумаро брако авэла май састо.

СОВЕТОРЯ

• Проандярэн и время дуйжэнэ

• Дарин открытки ек еқэсти и найбарэ подаркоря. Кадя тумэ сыкавэна пэстири любовь

СО ПИСТРОМЭ АНДЭ БИБЛИЯ. «Ту жы бэятостар ӷанэс и Свынто Писания, сави можэт тэ дэл тути и мудрость, кай тэ спасыспэ» (2 Тимофею 3:15). Погиндон, сар тумэ лэна тэ сытярэн пэстирэ бэятос. О бэято можэт тэ сытёл, сар инке на арақаделя. Во ӷатярэл тумарэ ӷолосоря и полэл, сави тумэндэ настроения. Адинон лэсти, кала во инке совсем цынёнё. Да, во можэт и тэ на полэл, со тумэ адинон, но када поможыя, кай лэсти тэ чалёл и чтения, кала во вибарёла.

Тумэ можэте тэ росԥэнэн лэ бэятости пала лэско небесно Дад, кала во инке совсем цынёнё. Мэк во ашунэл, сар тумэ мангэнпэ лэ Иеговасти (Второзаконие 11:19). Кала тумэ цэлэнпэ лэ бэятоса, росԥэнэн лэсти, сар о Дэл вся создал (Псалом 78:3, 4). Если о бэято, пока барёл, диқэл тумари любовь каринг о Иегова, тоди во и екжэно полюбия лэс.

СОВЕТОРЯ

• Мангэнпэ пала мудрость, кай тэ сытярэн пэстирэ бэятос

• Повторяйте пэстирэ цынёне бэятости важни гиндоря пала Дэл, кай во лэн тэ запомнит