РАЗДЕЛО 3
Сар тэ ришын и проблемы
«Фартэ любин ек еқэс, важ кода кай и любовь простий бут ӷрехоря» (1 Петра 4:8).
Кала тумэ лэн тэ жувэн вмести, тумэндэ появинпэ разни проблемы. Например, важ кода, кай тумэ разни и по разному диқэн пэ жызня. Кадяжэ о ԥаримос можэт тэ авэл кодэлэстар, со нэ зависит тумэндар, или можэт тэ авэл кода, со тумэ на аштярэнас.
Кала исин проблемы, вместо кода, кай лэн тэ обнашэн, андэ Библия дэлпэ совето, кай фэдэр лэн тэ ришаете (Матфея 5:23, 24). Тумэ виарақэна со май лащи ришэния важ пэстирэ проблемы, если лэна тэ прилэн и советоря анда Библия.
1 ОБСУДИН И ПРОБЛЕМА
СО ԤЭНЭНПЭ АНДЭ БИБЛИЯ. «Исин время тэ ашэс мулком, ай исин время тэ дэс дума» (Экклезиаст 3:1, 7). Витидэн время, кай тэ подэн дума пала проблема. Росԥэнэн ек еқэсти, со тумэндэ по ди и со тумэ гиндон пала када. Всегда ԥэнэн о чачимос (Эфесянам 4:25). Если тумэндэ андрэ вся тирёл холятар, старыинпэ тэ ритярэн пэс андэ вас и на ӷулен тэ споринпэ. Кала тумэ дэн дума спокойно, и беседа прожала мирно (Притчи 15:4; 26:20).
Дажэ если тумэ андэ варисостэ нэ соӷласни, дэн дума по доброму и на бистрэн тэ сыкавэн пэстири любовь и патив (Колоссянам 4:6). Старыинпэ тэ поладин со май ӥто и на парашэн тэ дэн дума ек еқэса (Эфесянам 4:26).
СОВЕТОРЯ
-
Витидэн лащи время, кай тэ подэн дума пала проблема
-
На пэрэмарэн ек еқэс. Авэла и тумари очередь тэ дэн дума
2 СТАРЫИНПЭ ТЭ АШУНЭН И ТЭ ПОЛЭН
СО ԤЭНЭНПЭ АНДЭ БИБЛИЯ. «Сар ԥрала, любин ек еқэс и нежно обжанпэ ек еқэса. Пэрви стон патив пэ авэр» (Римлянам 12:10). Фартэ важно, сар тумэ ашунэн. Старыинпэ тэ полэн, со камэл тэ ԥэнэн тумари половинка (1 Петра 3:8; Иакова 1:19). Но на трэбуй кати тэ терэн муй, кай тумэ ашунэн. Отстон пэстири дила и внимательно виашунэн или предложын тэ подэн дума ӷэт май интя. Тумэ ек еқэсти най враӷоря, ай друӷоря, и важ када тумэ на лэна тэ грабин тэ холявэн (Экклезиаст 7:9).
СОВЕТОРЯ
-
Дажэ если тумэнди най фартэ чалёл, со ԥэнэн о хулай или и хулаи, на парашэн внимательно тэ ашунэн
-
На шон сама пэ алава и старыинпэ тэ полэн, со камэл тэ ԥэнэн тумари половинка
3 ДОАНДЯРЭН И ДИЛА ДО КОНЦА
СО ԤЭНЭНПЭ АНДЭ БИБЛИЯ. «Любо найвушэро дила анэн лашимос, ай котэ, кай кати дэн дума, авэла чорымос» (Притчи 14:23). На хутила просто тэ прилэн лащи ришэния — трэбуй лати тэ приритярдён. Можэт, важ када тумэнди прижалапэ тэ пристон бут зор, но када анэна лашимос (Притчи 10:4). Если тумэ вмести ришын и проблемы, тумэндэ авэна бут блаӷословении (Экклезиаст 4:9).
СОВЕТОРЯ
-
Подэн дума, со кажно андар тумэндэ можэт тэ стерэл, кай тэ ришый и проблема
-
Дэкала шон сама, со тумэндэ ужэ вижыля тэ стерэн
