О Савло арақаделяпэ андо Тарсо и во сас римско мануш. Во сас фарисеё и драго ӷанэнас о иудейско законо. Во фартэ на любияс лэ христианонэн. О Савло дэлас андэ лэндирэ цэра, хутилэлас лэ муршэн и лэ жувлян и столас лэн андо баруно. Во кадяжэ тердёлас и диқэлас, сар и бут холинатирэ мануша, марэнас барэнца лэ христианинос, савэс ақарэн Стефано.

О Савло ӷонияс лэ христианонэн андо Иерусалимо. Но лэсти када на хутилэлас. Во пушля кай о само баро рашай, тэ жал андо Дамаско, кай и котэ тэ ӷоний лэ христианонэн. Кала о Савло уже поджалас каринг о форо, заԥабеля свето и во пэля пэ ԥув. Во ашундя ӷолосо: «Савло, васо ту ман ӷонис?» О Савло ԥэндя: «Ко ту?» О ӷолосо ԥэндя: «Мэ о Иисусо. Жа андо Дамаско и котэ уӷанэса, со тути тэ терэс май англэ». О Савло сразу же корайля и лэс линэ тала вас и андярдэ андо форо.

Андо Дамаско жувэлас христианино, савэс ақарэнас Анания. О Иисусо ԥэндя лэсти андэ видения: «Жа пэ вулица, пэ сави ԥэнэн Прямо, андо цэр кай о Иуда, котэ ту арақэса манушэс, савэс ақарэн Савло». О Анания пэндя: «Ӷосподо, мэ бут со ашундэм пала кадэва мануш! Во стол андо баруно тирэ учениконэн!» Но о Иисусо ԥэндя: «Жа каринг лэстэ. Мэ витидэм лэ Савлос, кай во тэ росԥэнэн бутэ народости и лащи весть».

Тоди о Анания арақля лэ Савлос и ԥэндя лэсти: «Мэрно ԥрал, Савло, о Иисусо ԥэндя манди, кай тэ стерав кадя, кай ту упалэ тэ диқэс». И о Савло ля упалэ тэ диқэл. Кала лэсти росԥэндэ пала о Иисусо, во закамля тэ болдёл и тэ ашэл христианино. О Савло ля тэ росԥэнэн пала Дэл авэр христианонэнца андэ синагога, када цэр, кай прожалас и собрания. Погиндон, сар динэ наздив и евреёря, кала диқлэ, кай о Савло  сытярэл важ о Иисусо! Вонэ пушэнас: «Хэба най во ӷонияс лэ Иисусостирэ учениконэн?»

О Савло росԥэнэнас важ о Дэл андо Дамаско трин бэрш. И евреёря фартэ завэрыцысардэ лэ Савлос и закамлэ лэс тэ умарэн. Но и ԥрала уӷанглэ пала кода, со вонэ камэн тэ стерэн лэса, и поможысардэ лэ Савлости тэ унашэлтар. Вонэ змэклэ лэс андэ корзина через лэ форостири стина, андэ сави сас ҭан через саво можно тэ прожас.

Кала о Савло авеля андо Иерусалимо, во закамля тэ диқэлпэ аврэ христианонэнца. Но вонэ даранас лэстар. Тоди ек лашо ученико о Варнава андя лэ Савлос каринг и апостолоря и доԥэндя лэнди, кай о Савло па чачимастэ паруделяпэ. О Савло ля бут со тэ терэл, кай тэ росԥэнэн и лащи весть манушэнца анда собрания андо Иерусалимо. Прожыля время и лэс линэ тэ ӷанэн, сар кодэлэс, ко ашэля Павло.