Кажно дес паша лэ храмостирэ вороты бэшэлас мануш, саво на ԥирэлас и мангэлас. Еқвар во додиқля лэ Петрос и лэ Иоаннос, савэ жанас андо храмо. Во ԥэндя лэнди: «Мангав тумэн, дэн манди варисо». О Пётро ԥэндя: «Мэ дава тути кода, со май куч лэ ловэндар. Лэ Иисусостирэ алавэстар ущи и ԥир!» О Пётро поможысардя лэсти тэ ущел и о мануш ля тэ ԥирэл! Кодэла, ко диқлэ кадэя чуда, фартэ сас ради и через када бут мануша линэ тэ патян.

Но лэ рашанди и лэ саддукеёнэнди када на чалеля. Вонэ хутилдэ лэ апостолонэн и андярдэ лэн андо сындо и пушлэ: «Катар тумэндэ кацаво зор? Сар и ко стодя пэ пэрнэ кадэлэ манушэс?» О Пётро ԥэндя: «Амэнди дя кацаво зор о Иисус Христос, савэс тумэ умардэ». И барэ мануша анда религии зацыписайлэ: «Парашэн тэ дэн дума пала Иисусо!» Но и апостолоря ԥэндэ: «Амэ трэбуй тэ дас дума пала лэстэ. Амэ на парашаса».

Кала лэ Петрос и лэ Иоаннос одмэклэ, вонэ жылэ каринг авэр ученикоря и росԥэндэ лэнди вся, со лэнца сас. Всаворэ вонэ линэ тэ мангэнпэ: «О Иегова, мангас тут, дэ амэнди, кай амэ тэ на дарас, кай тэ стерас тири дила». О Иегова дя лэнди о свынто духо и вонэ на парашэнас тэ росԥэнэн важ о Дэл и тэ исцелин лэ манушэн. Ашэлас вся май бут манушэн, савэ лэнас тэ патян. Када фартэ росхолярдя лэ саддукеёнэн, важ када вонэ схутилдэ лэ апостолонэн и стодэ лэн андо баруно. Андэ кодэя же рят о Иегова бишалдя лэ анӷелос, саво ԥэрнадя и двэри андо баруно и приԥэндя лэ апостолонэнди: «Рисавэн андо храмо и на парашэн тэ сытярэн котэ лэ народос».

Тэсара и барэ мануша анда авэр вера стидэпэ по сындо, пэ саво ԥэнэнас Синедрионо. Лэнди ԥэндэ: «И двэри андо баруно ԥандадэ, но котэ никас нинай! Кодэла, кас тумэ стодэ андо баруно, акана сытярэн лэ манушэн андо храмо!» Лэ апостолонэн упалэ хутилдэ и андэ́ андо  Синедрионо. О само баро рашай ԥэндя: «Амэ же тумэнди приԥэндям, кай тумэ тэ на дэн дума пала Иисусо!» Но о Пётро ԥэндя: «Амэ трэбуй тэ кандас лэ Дэвлэс, ай най лэ манушэн».

Када фартэ холярдя лэ барэ манушэн анда авэр вера и вонэ закамлэ тэ умарэн лэ апостолонэн. Но ущеля ек фарисеё, савэс ақарэн Гамалиило и ԥэндя: «На грабинпэ! Может кадэлэ манушэнца о Дэл. Тумэ со, камэн тэ жан против о Дэл?» Каринг лэстирэ алава приашунделэпэ. После кода, сар вонэ мардэ лэ апостолонэн, вонэ приԥэндэ лэнди тэ на росԥэнэн пала царство и одмэклэ лэн. Но лэ апостолонэн нисо на тердярэлас. Вонэ на парашэнас смило тэ росԥэнэн пала царство андо храмо и па цэра.