Кала о Иисусо муля, ек барвало мануш, савэс ақарэнас Иосифо, пушляпэ кай о Пилато, кай тэ злэл лэ Иисусости тила па столбо. О Иосифо замотысардя лэ Иисусости тила андэ кучутни материя. Тоди во мақля лэ Иисусос лэ вулиенца, савэ драго қандэнас и андярдя тэ гаравэн андо ҭан, саво сас андо плай. Кадэва ҭан сас заԥандадо барэ барэса. И барэ рашая ԥэндэ лэ Пилатости: «Амэ дарас, кай варико анда лэ Иисусостирэ ученикоря залэна лэсти тила, ай тоди ԥэнэна, кай о Дэл рисардя лэс каринг и жизня». Важ када о Пилато ԥэндя: «Заԥандавэн кодэва ҭан и стон манушэн, кай вонэ тэ диқэн пала лэстэ».

Тэсара, через трин дес, сар муля о Иисусо, дэсавэ манушня авелэ каринг кодэва ҭан и додиқлэ, кай о бар нинай. Андрэ сас о анӷело. Во ԥэндя: «На даран. О Дэл лэ Иисусос рисардя каринг и жизня. Жан и ԥэнэн лэ учениконэнди, кай вонэ тэ жан андэ Галилея и котэ тэ диқэнпэ лэса».

И Мария Магдалина прастая тэ родэл лэ Петрос и лэ Иоаннос. Вой ԥэндя лэнди: «Варико заля лэ Иисусости тила!» О Пётро и о Иоанно прастае каринг о ҭан, кай сас гарадо о Иисусо. Кала вонэ додиқлэ, кай котэ нисо нинай, вонэ рисайлэ цэрэ.

Кала и Мария рисайля каринг о ҭан, кай сас гарадо о Иисусо, вой додиқля андрэ дуе анӷелонэн и ԥэндя: «Мэ на ӷанав, каринг залинэ мэрнэ Ӷосподос». Тоди и Мария додиқля лэ муршэс. Вой гиндосардя, кай во диқэл пала садо. Вой мангля лэс: «Ӷосподино, мангав тут, ԥэн манди, каринг ту лэс андярдян». Но кала во ԥэндя: «Мария!», вой поля, кай када о Иисусо. Вой зацыписайля: «Учителё!» и обля лэс. О Иисусо мангля ла: «Жа и росԥэн мэрнэ ԥралэнди, кай ту диқлян ман». И Мария прастая и росԥэндя лэ учениконэнди, кай диқля лэ Иисусос.

Май интя андэ кодэва дес дуй ученикоря жанас анда Иерусалимо андо Еммаусо. Па дром ек мануш поджыля каринг лэндэ и пушля, пала со вонэ дэн дума. И ученикоря ԥэндэ: «Хэба ту на ашундян? Трин дес палпалэ и барэ рашая умардэ лэ Иисусос. Ай акана дэсавэ манушня ԥэнэн, кай во жундо!» Кодэва мануш пушля: «Ай хэба тумэ на патян  лэ манушэнди, савэ пэрэдэн лэ Дэвлэстирэ алава? Вонэ пистронас, кай о Христос мэрэла, ай тоди о Дэл рисарэла лэс каринг и жизня». И во ля тэ росԥэнэн лэнди анда Библия лэ Дэвлэстирэ алава, савэ дэлмут сас запистромэ и стердэпэ пэр лэстэ. Кала вонэ авелэ андо Еммаусо и ученикоря манглэ кодэлэ манушэс, кай во тэ жал лэнца. Кала вонэ бэшлэ тэ хан, во ля о марно и мангляпэ. Тоди вонэ полинэ, кай када о Иисусо. Андэ кадэя же время, во парашэля тэ дицол и уже на сас машкар лэндэ.

И ученикоря грабинаспэ палпалэ андо Иерусалимо, кай тэ росԥэнэн лэ апостолонэнди пала кода, со стердяпэ. Андо цэр, кай всаворэ вонэ сас, авеля о Иисусо. Спэрва и апостолоря на патяе, кай када во. Тоди о Иисусо ԥэндя: «Диқэн пэ мэрнэ вас. Лэнпэ мандэ. Сар и сас запистромэ, о Христос рисайля каринг и жизня».