Андэ Галилея о Иисусо диқляпэ пэстирэ учениконэнца. Во лэнди дя фартэ важно дила: «Жан каринг всаворэ народоря и терэн кадя, кай вонэ тэ авэн ученикоря. Сытярэн лэн андэ вся, со мэ ԥэнавас тумэнди, и болэн лэн». И во дя алав: «Сэрэн, мэ вся время авава тумэнца».

Сар жанас 40 деса после кода, сар о Дэл рисардя лэ Иисусос каринг и жизня, во авэлас каринг пэстирэ ученикоря андэ Галилия и андо Иерусалимо. Во бут со важно лэнди росԥэндя и стердя бут чудеса. После када, по Маслично плай о Иисусо андо послиднё разо диқляпэ пэстирэ апостолонэнца. Во ԥэндя: «На ужантар анда Иерусалимо. Аштярэн кода, пала со мэрно Дад дя алав тумэнди».

Но и апостолоря на полинэ, пала со во ԥэндя, и важ када пушлэ: «Акана ту ашэса царёса андо Израилё?» О Иисусо ԥэндя: «О Иегова ԥэнэн, кай важ када инке на авеля время. Йто во тумэнди дэла свынто духо и тумэндэ авэла зор. Тумэ ашэна мэрнэ свидетеля. Жан и росԥэнэн важ о Дэл андо Иерусалимо, андэ Иудея, андэ Самария и андэ само дурутнэ ҭана пэ ԥув».

После када о Иисусо вазгляпэ по нэбо, и лэс заушарадя и туча. И ученикоря на парашэнас тэ диқэн упрэ, но лэ Иисусос на дицолас.

И ученикоря ужылэтар па Маслично плай и жылэ андо Иерусалимо. Вонэ най еқвар стидэнаспэ андэ ек цэр андэ упруни комната и мангэнаспэ лэ Дэвлэсти. И ученикоря аштярэнас кода, со нэво, ԥэнэна лэнди о Иисусо, тэ терэн.