После кода, сар о Иисусо болделя, о свынто духо андя лэс андэ пустыня. 40 деса во нисо на халя и важ када сас фартэ боқало. Тоди о Сатана авеля каринг о Иисусо и ля тэ цырдэл лэс тэ терэл кода, со найдраго важ о Дэл. О Сатана ԥэндя лэсти: «Сар ту па чачимастэ лэ Дэвлэско Шаво, стер кадя, кай кадэла бара тэ авэн марно». Но о Иисусо ԥэндя алава анда Библия: «Пистромэ, кай важ и жизня трэбуй най кати ек о хамос. Амэнди трэбуй тэ терас кажно лэ Иеговаско алав, саво во ԥэнэн».

Тоди о Сатана ԥэндя лэ Иисусости: «Сар ту па чачимастэ лэ Дэвлэско Шаво, хук па лэ храмостири стина. Пистромэ же, кай о Дэл бишалэла лэ анӷелонэн и вонэ подхутилэна тут». О Иисусо упалэ ԥэндя алава анда Библия: «Пистромэ, кай нащи тэ терэс кадя, кай тэ диқэс, спасыя тут о Дэл чи най».

Тоди о Сатана сыкадя лэ Иисусости и царстворя, савэ исин андо миро, лэнго барвалимос, шукаримос и ԥэндя лэсти: «Мэ дава тути всаворэ кадэла царстворя, сар ту хоть еқварэс тэлёса манди». Но о Иисусо ԥэндя: «Оджа Сатана! Пистромэ, кай тэ тэлёс трэбуй кати лэ Иеговасти».

После када о Сатана жылятар. Каринг о Иисусо авелэ и анӷелоря и андэ́ лэсти тэ хал. Кодэла времятар о Иисусо ля тэ росԥэнэн и лащи весть важ лэ Дэвлэско царство. Када и сас кода, васо о Иегова лэс бишалдя пэ ԥув. Лэ манушэнди чалёлас, сости сытярэлас о Иисусо, и вонэ вся и время ԥирэнас пала лэстэ.