После кода, сар о Иисусо болделя, во ля тэ росԥэнэн: «Лэ Дэвлэско царство ашэля май пашэ». И ученикоря сас лэ Иисусоса, кала во жалас андэ Галилея и андэ Иуда. Кала о Иисусо рисайля андэ пэско чачо форо Назарето, во авеля андэ синагога, када цэр, кай прожалас и собрания. Во ԥэрнадя лэ Исаияско свитко, и ля тэ адиной англа всаворэ: «О Иегова дя манди свынто духо, кай мэ тэ росԥэнав и лащи весть». Со сыкавэн кадэла алава? Лэ манушэнди чалёлас, савэ чудеса терэлас о Иисусо. Но ӷлавно, васо о Дэл дя лэсти о свынто духо, када кай во тэ росԥэнэн важ и весть. Кала о Иисусо проадиносардя и алава анда свитко, во ԥэндя: «Адес стердяпэ кода, со сас ԥэндо дэлмут и трэбуй сас тэ авэл англэ».

Тоди о Иисусо жыля каринг и Галилейско моря. Котэ во диқля штарэ манушэн, савэ астарэнас лэ мащен. Прожыля набут время и вонэ ашэлэ лэстирэ ученикоря. Лэн ақарэнас Пётро, Андреё, Иаково и Иоанно. О Иисусо ԥэндя лэнди: «Авэн манца, и мы стерава тумэн кодэлэнца, ко лэна тэ астарэн лэ манушэн». Вонэ сразу же ашадэ пэстири бути и жылэ лэса. Лэ Иисусоса, вонэ обжылэ вся и Галилея и росԥэнэнас всаворэнди пала лэ Иеговаско царство. Вонэ росԥэнэнас пала Дэл андэ синагога, пэ базароря и пэ вулицы. Пала лэндэ вся время ԥирэнас фартэ бут мануша. Пала Иисусо дэнас дума па вся, даже андэ Сирия, сави сас фартэ дур.

Сар прожыля набут время дэсавэнди пэстирэ учениконэнди о Иисусо дя зор, кай вонэ моӷли тэ исцелин и тэ видаравэн лэ бэнгэн анда мануша. Ай аврэнца о Иисусо жыля тэ росԥэнэн важ о Дэл па фороря и па гава. Машкар лэстирэ ученикоря сас дэсавэ манушня, када и Мария Магдалина, Иоанна и Сусанна. Вонэ диқэнас пала о Иисусо и пала лэстирэ ученикоря.

После кода, сар о Иисусо сытярдя пэстирэ учениконэн, во бишалдя лэн тэ росԥэнэн важ о Дэл. Бут мануша андэ Галилея ашэлэ лэ Иисусостирэ ученикоря и болделэ. Кодэла, ко камэнас тэ ашэн лэ Иисусостирэ ученикоря сас кадя бут, кай о Иисусо ԥэндя, кай вонэ сар бари мал, пэ сави уже исин урожаё, саво трэбуй тэ стидэн. Во ԥэндя:  «Мангэн лэ Иеговас, кай во тэ бишалэл май бут кодэлэн, ко тэ стидэн о урожаё». Прожыля время и во витидя 70 учениконэн и бишалдя лэн по дуй мануша, кай вонэ тэ росԥэнэн важ о Дэл па вся Иудее. Вонэ всаворэнца дэнас дума важ о царство. Кала вонэ рисайлэ, вонэ линэ анда вся оди тэ росԥэнэн лэ Иисусости пала кода, со сас. Дицол, кай о Сатана нащи тердярэлас, кай тэ на росԥэнэн важ о Дэл.

О Иисусо камэлас, сар во рисавэла по нэбо, кай лэстирэ ученикоря и май англэ тэ терэн кадэя дила. Во ԥэндя лэнди: «Росԥэнэн кадэя лащи весть па вся ԥув. Поможын лэ манушэнди тэ полэн лэ Дэвлэско Алав и болэн лэн»..