Амарэ сомнаконэ!

Амэ лэ Иеговастирэ мануша и амэ любисарас и Библия, важ кода кай андэр латэ запистромэ лэ Дэвлэстирэ алава. Амэ патяс, кода, со пистромэ андэ Библия сас па чачимастэ. Анда Библия амэ уӷанас, со тэ терас, кай тэ жувас драго. Кадяжэ андар латэ уӷанас, со доԥэнэн, кай о Иегова на парашэл тэ любий лэ манушэн (Псалом 119:105; Луки 1:3; 1 Иоанна 4:19). О чачимос анда Библия, сар сомнак и амэ фартэ камас тэ поможысарас аврэнди тэ уӷанэн пала лэстэ. Важ када амэ и вимэклям и книжка «Сытювас анда Библия». Камас набут тэ росԥэнас пала латэ.

Кадэя книжка стерди важ и цынёне бэятцэ. Но вой чалёла и май барэнди, ай кадяжэ и лэ дадэнди и лэ дэянди, савэ камлоп май драго тэ уӷанэн, со пистромэ андэ Библия. И Библия, када книӷа важ и всаворэ. И кажнонэсти андар мэндэ авелоп драго тэ проадиносарас, со пистромэ андэ кадэя книӷа.

Андэр латэ росԥэнэнпэ, со сас жы кодэлэстар, сар о Дэл создал само пэрво ери. Амэ стердям кадя, кай кода, со пистромэ андэ Библия, андэ книжка тэ жал кадя же, сар и сас, ек пала ек. Ай инке, кай кода, со пистромэ авелоп вушэро тэ полэн.

Но кадэя книжка най кати пэрэԥэнэн кода, со исин андэ Библия. Кода, со андэр латэ пистромэ, ай кадяжэ и картинки, поможын драго тэ уӷанэн, со сас. Ай кадяжэ поможый тэ полэн, со сас андо ди кай и мануша андэ кодэя время.

Кала тумэ адинона кадэя книжка, тумэ полэна, кай андэ Библия росԥэнэнпэ пала мануша, савэ кандэнас лэ Иеговас и савэ на кандэнас. И книжка сытярэл тэ сытён лашэ манушэндар и тэ на сытён кодэлэндар, ко на кандэнас лэ Иеговас (Римлянам 15:4; 1 Коринфянам 10:6). Андэр латэ исин 14 части. Англа кажно часть исин, пала со трэбуй тэ сэрас.

 Кала тумэ адинон кадэя книжка пэстирэ бэятоса, адинон спэрва, пала со котэ росԥэнэнпэ и подэн дума пала картинки. Тоди проадинон и алава анда Библия, када и стихоря, савэ котэ исин. Росԥэнэн пэстирэ бэятости, кай вся, со пистромэ андэ книжка, стердо па Библия. Авелоп драго, кай кадя тэ адинон и книжка най кати и бэятцэ, но и всаворэ, кай тэ уӷанэн, со пистромэ андэ Библия.

Амэ патяс, кода, со пистромэ андэ кадэя книжка поможыя лэ бэятонэнди, ай кадяжэ аврэ манушэнди май драго тэ уӷанэн, со пистромэ андэ Библия и тэ жувэн пар латэ. Када дэла лэнди зор тэ любин лэ Дэвлэс и тэ авэн андэ лэско баро ери.