Мэ арақаделэмпэ андо Санто-Доминго и сымас штарто со май цыкно бэято андо ери. Мэрнэ родителя сас годявэрнэ и камэнас, кай лэндирэ бэяцэ тэ барён машкар лашэ мануша. Важ штар бэрш жы каринг кода, сар мэ тэ арақадював, вонэ уӷанглэ манушэн анда религия, пэ сави ԥэнэн Мормоны. Мэрнэ родителёнэнди фартэ чалеля, кай кадэла мануша сас драго утидэ и драго пэс андярэнас. Через найбут время вонэ закамлэ тэ ԥирэн андэ қандири, пэ сави ԥэнэн «Свынти послидни деса» или қандири, каринг ԥирэн и Мормоны. Амаро ери пэрво, ко по амаро острово ля тэ патял андэ кадэя религия.

Прожанас бэрша и манди инке май фартэ чалёлас тэ терав кода, соса залэласпэ амари қандири. Инке манди чалёлас, кай и Мормоны шон бари сама лэ еренди и кай вся тэ авэл вужо андэ лэ Дэвлэстирэ яқа. Мэ абуросаравас андэ пэстири религия и стодэм англа пэстэ цэль тэ авав мисианероса.

Кала манди сас 18 бэрш, амаро ери пэрэлагля андэ США, кай мэ тэ сытював андо университето. Варикай через бэршэстэ амэндэ андэ Флорида авеля мэрни биби и лако хулай. Вонэ сас лэ Иеговастирэ свидетеля. Вонэ ақардэ амэн тэ жас лэнца по канӷрэсо. Мэ удивисайлэм, кай всаворэ мануша, савэ котэ сас, слединас пала проӷрамма па Библия и запистронас. Мэ манглэм ручка и бумажка и тожэ лэм тэ запистросарав и речи.

Посли канӷрэсо и биби и о како ԥэндэ манди, кай если мэ камав тэ ашав мисианероса, то вонэ поможына манди май драго тэ уӷанав, сости сытярэл и Библия. Мэ погиндосардэм, кай када авэла роздраго, важ кода кай пала книжка Мормонов мэ хоть набут варисо ӷанавас, ай пала Библия почти нисо.

Кала мэ па телефоно давас дума лэ какоса и ла бибяса пала Библия, вонэ ԥэнэнас манди тэ сыстосарав кода, андэр со мэ патяв кодэлэса, сости сытярэл и Библия. Вонэ камэнас, кай мэ екжэно тэ полав, кай о чачимос.

Мэ патявас бутэсти, сости сытярэнас андэ мэрни қандири и на ӷанавас, сжалпэ када ла Библияса чи най. И биби бишалдя манди о журнало «Пробудитесь!» важ о 8 ноябрё 1995 бэрш, саво вимэкэн лэ Иеговастирэ свидетеля. Андэ кадэва журнало сас статья пала Мормоны. Прецтавьте, сар мэ удивисайлэм, кала полэм, кай на ӷанав бут анда кода, сости сытярэл кадэя религия. Тоди мэ зажылэм по сайто кай и Мормоны, кай тэ полав, чачимос кода, со пистромэ андо журнало «Пробудитесь» чи най. Вся кадя и сас! Мэ инке еқвар када полэм, кала сымас андэ лэнго музеё, саво находийпэ андэ Юта (США).

Мэ вся время гиндосаравас, кай вся, со пистромэ андэ книжка Мормоны и андэ Библия, сжалпэ ек еқэса. Но кала мэ лэм май внимательно тэ адиносарав и Библия, мэ полэм, кай када най кадя. Например, андэ Библия андэ Иезекииль 18:4 пистромэ, кай кала о мануш мэрэл, во будэр никай на жувэл, ай андэ книжка Мормона ԥэнэнпэ, кай посли кода, сар о мануш мэрэл, во лэл тэ жувэл инке варикай (Алма 42:9).

Кроме кода, кай исин разница андэ кадэя учения, мэ кадяжэ лэм пэрэжывать пала кода, кай и мормоны сытярэн, кай ек нацыя май лащи аврэндар. Например, и мормоны патян, кай о Эдэмско садо сас андэ область Джексоно (штат Миссури, США). Ай инке лэндирэ пророкоря ԥэнэн, кай кала лэла тэ правий лэ Дэвлэско царство, именно о флаӷо анда США лэла тэ сыкавэл, кай исин ек право и свобода.

Мэ гиндосаравас: «Ай со жэ тоди авэла андэ страна, андэ сави мэ арақаделэм, да и андэ всаворэ авэр страны?». Еқварэс манди позвонисардя ек тэрно мануш, саво тожэ сас мормоно и сытёлас, кай тэ авэл мисианеро. И мэ росԥэндэм лэсти пала со мэ пэрэжываю. Мэ пушлэм ворта лэстар: «Жала во тэ марэлпэ против пэстирэ ԥрала, савэ мормоны, если лэстири страна авэла тэ воюет против лэндири страна?» Мэ фартэ удивисайлэм, кала во ԥэндя «Да!». Мэ лэм май драго тэ исследую, сости сытярэн андэ мэрни қандири и лэм тэ дав дума лэ барэдэрэнца. Вонэ ԥэнэнас, кай и атветоря пэ мэрнэ вопросоря када тайна, сави авэла ԥэрнади тоди, кала лэла май ярко тэ сияет о свето.

Манди када фартэ на чалеля и мэ лэм тэ гиндосарав, васо мэ камав тэ авав мормонско мисианеро. Па чачимастэ мэ просто камавас тэ поможысарав лэ манушэнди. Манди кадяжэ чалёлас, кай пэ кацавэ служытеля стонас бари патив. Но и мисианероря трэбуй тэ росԥэнэн пала Дэл, ай мэ пала лэстэ почти нисо на ӷанавас. Хоть дэлмут мэ и най еқварэс адиносаравас и Библия, мэ всаек на полавас, пэ скати дэ куч кода, со андэр латэ пистромэ. Мэ вообще на ӷанавас пала кода, со о Дэл загиндосардя важ и ԥув и важ и мануша.

Кала мэ лэм тэ изучаю и Библия лэ Иеговастирэ свидетелёнэнца, мэ уӷанглэм, сар ақарэн лэ Дэвлэс и со терэлпэ, кала о мануш мэрэл. Кадяжэ мэ уӷанглэм, кай о Иисусо само ӷлавно, через кастэ о Иегова стерэла вся, со загиндосардя. Наконец, мэ уӷанглэм, сости сытярэл кадэя райкани книӷа. Манди фартэ чалёлас тэ росԥэнав аврэнди пала кода, со уӷанавас. Мэ вся и время патявас андо Дэл, но акана во ашэля важ мандэ пашутно Друӷо, саво ашунэл мэрнэ молитвы. Андо 2004 бэрш 12 июля мэ болделэм и ашэлэм лэ Иеговаско свидетелё. Ай через епаш бэрш ашэлэм пианеро.

Важ мандэ сас бари честь панч бэрш тэ служысарав андэ всемирно ӷлавно управления лэ Иеговастирэ свидетелёнэндири андо Бруклино (Нью-Йорко). Мэ сымас фартэ радо тэ поможысарав кодэлэнди, ко печатают и Библия и библейско литература, сави поможый милиононэ манушэнди па вся и люма тэ парувэн и жызня. И мэ на парашав и май дур радостяса тэ поможысарав аврэнди тэ уӷанэн важ о Дэл.