О Дэл найдошало, кай лэ манушэстэ терэлпэ бибах. Тоди васо кадя бут боқалимос, чорымос, насвалимос, войны, ураӷаноря, тинойпэ и ԥув, чи инке варисавэ биды? Андэ Библия ԥэнэнпэ пала када.

1. О мануш, гиндой кати пала пэстэ, во чорымаско и вэрыцый аврэн. Андэ Экклезиаст 8:9 ԥэнэнпэ: «Сар о мануш хулай пэ авэр мануш, када на анэн лэсти лашимос». Лэ манушэнди най еқвар ашэл ԥарэс через авэр мануша. Васо? Важ кода кай вонэ бэзэхэстирэ и шылинпэ, кай кати пала пэстэ гиндон и аврэнца найдраго обжанпэ.

2. Стердяпэ кода, со и на аштярдэ. Акэ со инке анэн бида. Када, кай «важ всаворэ исин время и кода, кай варисо терэлпэ дэзначай» (Экклезиаст 9:11). Вижал, кай о мануш попэрэл най андэ кодэя время и най андэ кодэва ҭан. О мануш попэрэл андэ бида, важ кода кай тердяпэ варисо. Ай инке кала и мануша ӷанэн, со анэна бида аврэ манушэсти и вонэ на шон сама пэ када чи инке важ варикастири дош.

3. Кодэва, ко правий кадэлэ мироса. Кода, со пистромэ андэ Библия поможый тэ полас, ко дошало, кай лэ манушэндэ исин ԥаримос. Андэр латэ ԥэнэнпэ: «Всаворя люмаса правий о найлашо» (1 Иоанна 5:19) О найлашо, када о Сатана, савэстэ фартэ баро зор и саво варикала сас лэ Дэвлэско лашо анӷело. Но во «на ашэляпэ андо чачимос» (Иоанна 8:44). Дэсавэ анӷелоря залинэ лэ Сатанастири риг и вазглэпэ против о Дэл. Васо? Важ кода кай вонэ гиндонас кати, со камэн тэ терэн важ пэстэ. И вонэ ашэлэ бэнга (Бытие 6:1 жы кай 5). Кодэла времятар о Сатана и бэнга ритярэн вся о миро андэ пэстирэ зоралэ вас. Вонэ би одестирэ. Амэ када диқас па кода, со терэлпэ андо миро андэ амари время. Акана о Сатана фартэ холинако. Во хохавэл лэ манушэн па «вся и ԥув», терэл лэнди бут ԥаримос (Откровение 12:9, 12). Кай о Сатана баруно ди. Лэсти чалёл тэ диқэл, сар ԥарэс лэ манушэнди. Андэ амаро ԥаримос и биды дошало во, ай най о Дэл.

ПОГИНДОСАР. Кати кодэва, кастэ баруно ди терэл о ԥаримос лэ найдошалэ манушэнди. Но андэ Библия запистромэ: «О Дэл исин любовь» (1 Иоанна 4:8). Важ кода кай о Иегова любий, во «о чачуно Дэл никала на терэл о найчачимос и о всемоӷущё никала на шылийпэ»! (Иов 34:10).

Тути закамэлапэ тэ пушэс: «Скати инке о всемоӷущё Дэл авэла тэ диқэл пэ Сатанастири найлащи правления?» Сар амэ ӷанас, о Дэл вэрыций о найлашимос и лэстэ дуқал оди, кала амэнди ԥарэс. Кадяжэ андэ Библия ԥэнэнпэ: «Вся, пала со фартэ загиндонпэ, отдэн лэсти, важ кода кай во диқэл и фэрий тумэн» (1 Петра 5:7). О Иегова любий амэн! Лэстэ исин фартэ баро зор и фартэ бари власть, кай тэ улэл вся амаро ԥаримос и кода, кай амэнца обжанпэ найдраго. Пала када май драго ԥэнэнпэ андэ авэр статья *.