Кала о мануш пэрэандярэл и дук аврэ манушэстири через пэско ди, кадэлэса во полэл, сар дэ ԥарэс аврэ манушэсти. О учёно Рико Хансоно ԥэнэн: «Кала о мануш арақадёлпэ, во ужэ ӷанэн тэ пэрэандярэл и дук аврэ манушэстири через пэско ди».

ПОГИНДОСАР. Васо кати лэ манушэстэ вижал тэ пэрэандярэл и дук аврэ манушэстири через пэско ди? Андэ Библия ԥэнэнпэ, кай о Дэл создал лэ манушэн кадя, кай вонэ тэ шонпэ пэр лэстэ (Бытие 1:26). Состэ? Кай амэ тэ андярас пэс кадя, сар во и кадэлэса тэ сыкавас, саво во. Кала и мануша пэрэандярэн и дук аврэ манушэстири через пэско ди, кай тэ поможын аврэнди, кадэлэса вонэ сыкавэн, саво лэндэ создателё, о Дэл Иегова, саво полэл и жалуий (Притчи 14:31).

Лэ Дэвлэстэ дуқал оди, кала амэнди ԥарэс. И израильтяноря слинэ андо ԥаро рабство андо Египто и 40 бэрш ԥирэнас па пустыня. Акэ со ԥэнэнпэ андэ Библия, со сас кай о Дэл андо ди, кала диқэлас о ԥаримос, саво сас кай и израильтяноря андэ кодэя время: «Кажно разо, кала лэнди сас ԥарэс, кадэлэстар сас ԥарэс и лэсти» (Исаия 63:9). Шон сама, о Дэл най кати ӷанэнас важ лэндирэ биды, во полэлас лэндири дук. О Дэл ԥэндя: «Мэ ӷанав, сар лэсти дэ ԥарэс» (Исход 3:7). О создателё амаро ԥэнэн: «Ко лэлпэ каринг тумэндэ, кодэва лэлпэ каринг о зрачко, кай мэрни як» (Захария 2:8). Кала варико терэл, кай амэнди тэ авэл ԥарэс, лэ Дэвлэсти по ди кадяжэ ԥарэс.

Дэкала амэ сындосарас пэс и гиндосарас, кай амэ на ашас, кай о Дэл амэн тэ жалуий анда вся оди. Но кода, со пистромэ андэ Библия, поможый амэнди тэ патяс, кай «О Дэл май бут ӷанэн амарэ одестар и ӷанэн вся» (1 Иоанна 3:19, 20). О Дэл ӷанэн амэн фэдэр, чем амэ екжэнэ пэс. Во драго ӷанэн, со амэндэ терэлпэ андэ жызня, савэ амэндэ гиндоря и пала со амэ фартэ загиндосавас. Во пэрэандярэл и дук лэ манушэстири через пэско ди.

 Кода, со пистромэ андэ Библия, дэл тэ патяс,

• кай «Ту авэса тэ ақарэс лэ Дэвлэс, и во ашунэла тут, ақарэса лэс тэ поможый и во ԥэнэна: „Мэ катэ!“» (ИСАИЯ 58:9).

• кай «Ԥэнэн о Иегова: „Мэ драго ӷанав, со загиндосардэм важ тумэндэ. Мэ загиндосардэм важ тумэндэ лашимос, ай най биды, кай тэ дав тумэнди кодэва лашимос, саво авэла англэ. Тумэ лэна тэ ақарэн ман, и авэна, и лэна тэ мангэнпэ манди, и мэ лава тэ ашунав тумэн“» (ИЕРЕМИЯ 29:11, 12).

• кай «Фэрисар мэрнэ ясва андэ пэско ӷаравлицко гоно. Хэба вонэ най андэ тири книжка?» (ПСАЛОМ 56:8).

Амэ ӷанас, кай лэ Дэвлэстэ дуқал оди пала амэндэ. Сар када дэл зор амэнди андэ ԥари время? Акэ со росԥэнэн и Мария:

«Мэ полавас, кай андэ мэрни жызня терэласпэ кода, со мэ на затердэм. Мэрнэ шавэсти сас 18 бэрш и лэстэ сас рако. Во дуй бэрш терэлас вся, кай тэ вилечийпэ. И кала во муля, када сас важ мандэ само бари бида. Мэ холявавас по Иегова, кай во на поможысардя лэсти тэ вилечийпэ.

Кала прожылэ шов бэрш, мэ росԥэндэм, со мандэ по ди мэрня подружкати анда собрания. Мэ ԥэнавас лати, кай о Иегова ман на любий. Вой ашунэлас ман най ек часо и на пэрэмарэлас, ай тоди проандиносардя 1 Иоанна 3:19, 20. Кадэла стихоря фартэ линэ ман лэ одестар. Котэ ԥэнэнпэ: „О Дэл май бут ӷанэн амарэ одестар и ӷанэн вся“. Мэрни подружка ԥэндя, кай о Иегова фартэ драго полэл, со амэндэ по ди.

Но манди всаек ԥарэс сас тэ на холявав. Тоди мэ проадиносардэм Псалом 94:19, андэ саво ԥэнэнпэ: „Кала мандэ сас гиндоря, савэндар ԥарэс по ди, ту терэсас кадя, кай манди ашэлас май вушэро по ди“. Манди здэласпэ, кай кадэла алава сас пистромэ сар важ мандэ! Ԥэнэса, бар па оди спэля, кала мэ лэм тэ росԥэнав лэ Иеговасти пала со мэ фартэ загиндосавав. Мэ лэ одеса полэм, кай во ашунэл и полэл ман».

Пэ скати дэ вушэро по ди ашэл, кала ӷанас, кай о Дэл амэн полэл и лэстэ дуқал оди пала амэндэ! Но васо тоди скати биды и ԥаримос? Кала исин ԥаримос лэ манушэндэ, када лэ Дэвлэстар пала лэнго бэзэх? Улэла во вся кадэва ԥаримос? Пала када ту уӷанэса, сар проадиносарэса авэр статьи.