Бут мануша гиндон, кай если лэндэ исин лащи образования и барвалимос, тоди лэндэ авэла стабильно жызня. Вонэ гиндон, кай и университецко образования поможыя лэнди май драго тэ терэн и бути, тэ авэн отвецтвенни ӷражданиноря и май драго тэ исполняют пэстирэ обязаности андо ери. Лэнди здэлпэ, кай лащи образования поможыя лэнди тэ виарақэн бути, пэ сави драго потинэн, и кай кодэла, ко затерэн бут ловэ, вся и время бахталэ.

О Чжан Чэнь анда Китаё росԥэнэн: «Мэ гиндосаравас, кай о дипломо анда университето поможыя манди тэ виӷуляв анда чорымос, ай через лашо затеримос мандэ авэла бахтали и барвали жызня».

Кай тэ авэл лащи жызня, бут мануша жан тэ сытён андэ знаменити университеторя, савэ кадяжэ исин андэ авэр страны. Кадя сас, пока через о КОВИДО-19 на парашэлэ тэ мэкэн тэ ездин андэ авэр страны. И «Организация экономического сотрудничества и развития» андо отчото важ и 2012 бэрш пистросардя, кай «анда всаворэ кодэла, ко сытён пала ӷраница, 52% када студенторя анда Азия».

Часто и родителя терэн вся, кай лэндирэ бэяцэ тэ сытён андэ университеторя, савэ андэ авэр страны. О Цзян анда Тайвань росԥэнэн: «Мэрнэ родителя сас найбарвалэ, но вонэ бишалдэ амэн, лэ штарэ бэятонэн, андо колледжо андэ США». Кай тэ потинэн пала кацави образования, лэнди, сар и бутэ манушэнди, прижыляпэ тэ заӷулен андо вужылимос.

И образования можэт андэ варисостэ тэ поможый андэ жызня, но най вся и время вой поможый кадя, сар камэлпэ. Например, и мануша стонас бут зор и заӷульдэ андо вужылимос, кай лэндэ тэ авэл лащи образования, но вонэ кадя и на виарақлэ кацави бути, сави камэнас. И журналистка анда Сингапуро, савя ақарэн Рейчел Муи, ԥэнэн: «Вся май бут и май бут ашэнпэ би бутяко кодэла, ко получисардэ и образования». О Цзян-Цзе анда Тайвань, савэстэ фартэ лащи образования, росԥэнэн: «Бут ко терэн най пэ кодэя бути, пэ сави вонэ висытелэ, важ кода кай лэндэ просто нинай авэр варианто».

Дажэ кодэлэндэ, ко виарақлэ кацави бути, пэ сави вонэ висытелэ, андэ жызня най вся кадя, сар вонэ камэнас. Акэ ек примеро. О Нирано анда Тайландо, саво закончил о университето андэ Великобритания, рисайля цэрэ и виарақля бути, пэ сави во висытеля. Во росԥэнэн: «Сар мэ и камлэм, мэ устроился пэ кацави бути, пэ сави висытелэм и пэ сави бут потинэн. Но кай тэ получисарав кацави зарплата, манди сас трэбуй долӷо и бут тэ терав. Но потом па бути уволили бутэн, ай кадяжэ и ман. Мэ полэм, кай нисави бути нэ ӷарантирует стабильно жызня».

Дажэ кодэлэндэ, ко розбарваделэ, моӷут тэ авэн проблемы андо ери, лэ зорэса или лэ ловэнца. О Кацутоси анда Япония росԥэнэн: «Мандэ сас бут ловэ, но пэ бути сас конкуренция, зависть и манца найдраго обжанаспэ. И через када мэрни жызня ашэлас май ԥари». И Лам, сави жувэл андо Вьетнамо, ԥэнэн: «И мануша старыинпэ тэ затерэн со май бут ловэ, кай тэ фэрин пэс. Но мэ диқав, кай наоборот через бут ловэ лэ манушэндэ инке май бут пэрэжывании, вонэ хасарэн физическо и эмоцыонально зор и умэкэн и вас».

Сар и о Франклино, бут мануша полинэ, кай исин кода, со май цэно, чем и лащи образования и ловэ. Дэсавэ гиндон, кай лэндэ авэла стабильно жызня най через и ловэ, ай через лащи дила. Важ када вонэ старыинпэ тэ авэн лашэ манушэнца и тэ терэн лашимос аврэнди. Дэл када ӷарантия, кай лэндэ авэла лащи и стабильно жызня? Атвето исин андэ авэр статья.