1, 2. Со сас, кала дуй лэ Исусостирэ ученикоря жанас па дром андо Емаусо?

 16 НИСАНО 33 бэрш андэ амари эра. Лэ Исусостирэ ученикоря на ӷанэн, со тэ терэн. Вонэ умардэ бидаса, и лэнди фартэ страшно. Дуй андар лэндэ вижан анда Иерусалимо и жан андо Емаусо, андо гаворо, жы каринг саво сас 11 километроря. Пэр лэндэ нинай муй. Вонэ патянас, кай о Исусо — када Избрано, саво парувэла и жызня лэ евреёнэнди. Ай акана, кала лэс на ашэля, вонэ умэклэ и вас и на аштярэн англэ нисаво лашымос. Но вонэ дажэ на додэн, кай ӥто вся парудёла.

² Кала и ученикоря жан андо гав, па дром вонэ диқэнпэ еқэ манушэса. Вонэ росԥэнэн лэсти, васо пэр лэндэ муй нинай и со тердяпэ лэ Исусоса. Кодэва мануш виашунэн лэн, ай потом ԥэнэн кода, со парувэла лэндири жызня. Во залэл и дума кодэлэстар, со пистросардя о Маисеё и всаворэ лэ Дэвлэстирэ особи мануша, и росԥэнэн, васо о Избрано трэбуй сас тэ пэрэандярэл о ԥаримос и тэ мэрэл. Кала вонэ лэтрин поджан каринг о Емаусо, и ученикоря додэн, кай кадэва мануш — о Исусо, саво жунделя! Кати погиндон, пэскати вонэ сас дэ лошалэ, кала полинэ, кай о Избрано жундо! (Лука 24:13—35).

3, 4. а) Андэр со паруделэ лэ Исусостирэ ученикоря? (Дила 1:3). б) Пала со амэ подаса дума андэ кадэя статья?

³ Важ и послидни 40 деса пэ ԥув о Исусо най еқвар диқлясаспэ пэстирэ учениконэнца. (Проадинон Дила 1:3.) Спэрва кадэла мурша и жувля сас фартэ даранэ и дажэ на ӷанэнас, со тэ терэн, но важ кадэла набут деса вонэ ашэлэ смили ходакоря важ лэ Дэвлэстири дила. Акана лэндэ ԥаболас оди тэ жан  тэ росԥэнэн и лащи новость пала Царство и тэ поможын аврэнди тэ андярэн лэ Христостири время a.

⁴ Кода, сар о Исусо проандярдя кадэя особо время, бут сости можэт амэн тэ сытярэл. Давайте роздиқаса, сар важ кадэла деса во: 1) придя зор лэ учениконэнди; 2) дя лэнди помощь май драго тэ полэн и Свынти Лила и 3) поможысардя лэнди тэ авэн ӷотови каринг и май бари дила, сави лэндэ трэбуй сас тэ авэл англэ. Амэ подаса дума пала кажно анда кадэла маменторя и уӷанаса, сар амэ можэм тэ лас примеро лэ Исусостар.

ПРИДЭН ЗОР АВРЭНДИ

 5. Васо лэ Исусостирэ учениконэн трэбуй сас тэ подритярэн?

⁵ Лэ Исусостирэ учениконэнди трэбуй сас, кай лэн тэ подритярэн. Васо? Бут андар лэндэ ашадэ пэстирэ чачен, цэра и бутя, кай тэ андярэн лэстири время (Матф. 19:27). Ай пэ дэсавэ схаляпэ о миро (Иоан. 9:22). Вонэ бут состар отԥэнделэ, важ кода кай патяе, кай о Исусо — када о Избрано, саво трэбуй сас тэ авэл (Матф. 16:16). Но кала лэ Исусос умардэ, здэласпэ, кай вся, пэр со вонэ надеинаспэ, на ашэля. Акана амэ полас, васо лэнди сас кадя ԥарэс.

 6. Со стердя о Исусо, посли кода сар жунделя?

⁶ Кода, кай лэстирэ ученикоря умэклэ и вас, на сыкавэлас, кай вонэ парашэлэ тэ патян. Вонэ жэ хасардэ пэстирэ друӷос, кочай амэ на удивисавас, кай лэнди сас фартэ ԥарэс. И о Исусо тожэ када драго полэлас. Важ када андэ кодэва жэ дес, кала во жунделя, во грабисайля тэ подритярэл пэстирэ друӷонэн. Например, во авеля каринг и Мария Магдалина, кала вой ровэлас паша лэстири моӷилка (Иоан. 20:11, 16). Кадяжэ во подя дума пэстирэ дуе учениконэнца, савэ жанас андо Емаусо. И во подя дума лэ Петроса, пэстирэ апосталоса (Лука 24:34). Сости амэ можэм тэ сытювас лэ Исусостар? Давайте подаса дума, со тердяпэ тоди, кала во диқляпэ ла Марияса ла Магдалинаса.

 7. Пэр со шутя сама о Исусо, кала диқэлас пэ Мария, и со во стердя важ латэ? (Иоано 20:11—16). (Кадяжэ диқэн и картинка.)

⁷ Проадинон Иоано 20:11—16. Тэсараса  андо 16 нисано дэсавэ жувля авелэ интя, кай сас гарадо о Исусо (Лука 24:1, 10). Кала вонэ додиқлэ, кай лэстири тила нинай, ек андар лэндэ, и Мария Магдалина, прастая тэ росԥэнэн пала када лэ Петрости и лэ Иоаности. Вонэ сразу нашлэ каринг и моӷилка, ай и Мария жыля пала лэндэ. Кала и апосталоря додиқлэ, кай лэ Исусостири тила па чачимастэ нинай, вонэ рисайлэ цэрэ. Ай и Мария тердёлас паша моӷилка и ровэлас. Вой дажэ на додэлас, кай вся кадэя время пэр латэ диқэлас о Исусо. И латирэ ясва линэ лэс лэ одестар. Важ када во стердя кадя, кай вой тэ додиқэл лэс, и подя дума ласа. Во дя дума набут, но лэстирэ прости алава придинэ лати зор. Кадяжэ во дя лати важно дила: тэ ԥэнэн лэстирэ ԥралэнди, кай во жунделя (Иоан. 20:17, 18).

 8. Сар амэ можэм тэ лас примеро лэ Исусостар?

⁸ Сар амэ можэм тэ лас примеро лэ Исусостар? Амэ можэм тэ поможысарас лэ ԥралэнди и лэ ԥэянди тэ на парашэн тэ терэн лэ Иеговастири дила. Если амэнди, сар и лэ Исусости, най всаек лэнго ԥаримос и амэ старысавас тэ полас, со лэндэ по ди, када лэн подритярэла. Акэ со сас андэ жызня кай и ԥэй Джо́сэлин. Латиря цыкнэдэря ԥьяся тердяпэ бида и ла на ашэля. И Джосэлин росԥэнэн: «Посли кодэя бида мандэ росшындёлас оди. И кадя сас най ек шон». Ек ери ақардя ла тэ побэшэл лэндэ. И Джосэлин виԥэндя вся, со латэ сас по ди. Кодэва ери виашундя ла и ԥэндя, кай вой фартэ куч лэ Иеговасти. Акэ со инке ԥэнэн и Джосэлин: «Кодэя дума, можно тэ ԥэнэс, спасысардя ман. Круӷом мандэ ԥэнэса терэласпэ буря, ай мэ тасувавас андо паи. Но о Иегова бишалдя кадэлэ ԥралэс и ԥья, кай вонэ тэ вицырдэн ман. Через лэндири помощь мэ упалэ закамлэм тэ терав лэ Иеговастири дила». Если амэ кадяжэ виашунас аврэн, кала вонэ виԥэнэн, со лэндэ по ди, када придэла лэнди зор и май дур тэ терэн лэ Иеговастири дила (Римо 12:15).

ПОМОЖЫН АВРЭНДИ МАЙ ДРАГО ТЭ ПОЛЭН И БИБЛИЯ

 9. Сави трудность сас кай лэ Исусостирэ ученикоря и сар во лэнди поможысардя?

⁹ Лэ Исусостирэ ученикоря патянас кодэлэсти, со сас пистромэ андо Алав лэ Дэвлэстар, и старыинаспэ кадя тэ жувэн (Иоан. 17:6). Но вонэ нащи полэнас, васо лэндирэ Учителёс умардэ сар чордэӷарес. О Исусо ӷанэнас, кай лэндэ исин патяимос, и вонэ любин лэ Иеговас. Но во полэлас, кай лэнди трэбуй май драго тэ полэн и Свынти Лила (Лука 9:44, 45; Иоан. 20:9). Важ када во лэн сытярэлас тэ гиндон пала кода, со адинон. Сар во када терэлас, дицол па лэстири дума дуе учениконэнца па дром андо Емаусо.

10. Сар о Исусо поможысардя лэ учениконэнди тэ полэн, кай во Христос? (Лука 24:18—27).

¹⁰ Проадинон Лука 24:18—27. Шон сама, о Исусо сразу на росԥэндя, ко во. Во задэлас вопросоря. Васо? Возможно, во камэлас, кай и ученикоря тэ поделинпэ кодэлэса, пала со гиндон. И вонэ росԥэндэ, со лэндэ сас по ди: вонэ надеинаспэ, кай пэр лэндэ лэла тэ правий о Исусо, ай най о римско правителё. Кала о Исусо внимательно лэн виашундя, во через и Свынти Лила поможысардя лэнди тэ полэн: вся ашэля кадя, сар сас запистромэ май данглал b. Андэ кадэва жэ дес о Исусо росԥэндя када и аврэ учениконэнди (Лука 24:33—48). Сости амэ анда када сытювас?

11, 12. а) Сар амэ можэм тэ лас примеро лэ Исусостар, кала сытярас па Библия? (Кадяжэ диқэн и картинка.) б) Сар ек ԥрал поможысардя кодэлэсти, каса изучал и Библия?

¹¹ Сар амэ можэм тэ лас примеро лэ Исусостар? Кала сытярэн па Библия, ковлэс задэн и вопросоря. Кадя тумэ додиқэна, пала со гиндой о мануш и со лэстэ по ди (Прит. 20:5). Потом сыкавэн лэсти, сар во тэ виарақэл библейски  стихоря, савэ поджан каринг лэстири ситуацыя. Дажэ если тумэнди камэлпэ тэ ԥэнэн, сави решэния во трэбуй тэ прилэл, на́ терэн када. Фэдэр задэн вопросоря и погиндон лэ манушэса пала кодэла стихоря. Тумари цэль — кай во екжэно тэ полэл, сар лэн тэ прилэл андэ пэстири жызня. Акэ сар када поможысардя еқэ ԥралэсти анда Га́на, савэс ақарэн Но́рти.

¹² Кала о Норти ля тэ изучает и Библия, лэсти сас 16 бэрш. Ӷэт май интя лэско родо ля всаворэ́ ригэндар тэ тасавэл пэр лэстэ. Но лэс када на тердярдя. Со лэсти поможысардя? Во згиндосардя, сар о ԥрал, саво изучал лэса и Библия, дя дума лэса пала 10-то ӷлава Матфеё. Котэ ԥэнэнпэ, кай лэ чачунэ христианонэн лэна тэ ӷонин. О Норти ԥэнэн: «Кала мэ диқлэм када андэ пэстири жызня, мэ полэм, кай арақлэм о чачимос». Кодэва ԥрал кадяжэ подя дума лэса пала алава анда Матфеё 10:16 и сыкадя лэсти, состар во трэбуй тэ фэрийпэ. О Норти поля, кай, кала во росԥэнэн о чачимос пэстирэ родости, во трэбуй тэ на спорийпэ лэнца и тэ дэл дума пативалэс. Посли кода сар о Норти болделя, во закамля тэ авэл пианеро. Ай лэско дад камэлас, кай во май бут тэ сытёл. И пэ када разо амаро ԥрал на ля тэ ԥэнэн лэ Нортости, со во тэ терэл. Во подя дума лэса пала библейски принцыпоря, кай во екжэно тэ прилэл решэния. Со витидя о Норти? Во ашэля пианеро. Важ када лэско дад видарадя лэс анда цэр. Гиндой о Норти, кай во шылисайля, кала приля кацави решэния? Акэ со во ԥэнэн: «Мэ точно ӷанав, кай андярдэм пэс правильно». Давайте тожэ тэ на жалуисарас и время и тэ поможысарас лэ манушэнди тэ жувэн па библейски принцыпоря. Тоди вонэ авэна састэ па лэ Дэвлэстири время (Еф. 3:16—19).

ПОМОЖЫН ЛЭ ԤРАЛЭНДИ ТЭ АШЭН «БЛАӶОСЛОВЕНИЯ» ВАЖ АВЭР

13. Со стердя о Исусо, кай лэ Дэвлэстири дила тэ на тердёл, посли кода сар во ужала упрэ? (Ефесо 4:8).

¹³ Кала о Исусо жувэлас пэ ԥув, во драго стердя вся дила, сави дя лэсти лэско Дад (Иоан. 17:4). Но о Исусо на гиндояс кадя: «Камэс тэ стерэс драго, стер екжэно». Трин епашэса бэрш, кала во терэлас лэ Иеговастири дила пэ ԥув, во росԥэнэнас лэ учениконэнди кода, со ӷанэнас и сости сытеля. Во сыкавэлас лэнди, сар тэ росԥэнэн пала Дэл, тэ сытярэн аврэн и тэ диқэн пала лэ Иеговастирэ бакрорэ. Кала во вазгляпэ упрэ, кадэла мурша линэпэ  хуланца андэ лэ Дэвлэстири дила. Файма, дэсавэнди андар лэндэ тоди сас варикай пала 20 бэрш (Проадинон Ефесо 4:8.) Диқам, сар о Исусо важ пэстирэ послидни 40 деса пэ ԥув поможысардя кадэлэ кандинэ ԥралэнди тэ ашэн «блаӷословения» лэстар.

14. Сости о Исусо сытярэлас пэстирэ учениконэн важ и послидни 40 деса пэ ԥув? (Кадяжэ диқэн и картинка.)

¹⁴ Кала када сас трэбуй, о Исусо ворта, но ковлэс дэлас совето пэстирэ учениконэнди. Например, дэсавэ андар лэндэ на патянас, кай во жунделя. О Исусо на ашадя када кадя и поможысардя лэнди тэ отшон кадэва гиндо (Лука 24:25—27; Иоан. 20:27). Кадяжэ во шутя сама, со важ лэндэ трэбуй тэ авэл по пэрво ҭан: вонэ трэбуй сас тэ гиндон, сар драго тэ диқэн пала авэр, ай най сар май бут тэ затерэн (Иоан. 21:15). Инке во ԥэндя лэнди, кай важно тэ терэн пэстири дила и тэ на загрыжонпэ, со динэ тэ терэн аврэнди (Иоан. 21:20—22). Ай кадяжэ во лашардя лэнго гиндо пала Царство и поможысардя лэнди тэ шон сама пэ лэ Дэвлэстири дила и тэ росԥэнэн важ лэстэ (Дила 1:6—8). Сости када сытярэл лэ барэдэрэ ԥралэн андо ӷурто?

15, 16. а) Со трэбуй тэ терэн и барэдэр ԥрала па лэ Исусоско примеро? б) Сар лэ Патрикости поможысардя о совето?

¹⁵ Сар и барэдэр ԥрала моӷут тэ лэн примеро лэ Исусостар? Вонэ трэбуй тэ сытярэн лэ ԥралэн — дажэ фартэ тэрнорэн, — кай вонэ тэ терэн разно дила андо ӷурто и тэ лэн пэр пэстэ май бут дила c. Лэнди трэбуй бут сости тэ сытён, и амарэ барэдэр ԥрала када драго полэн. Лэ ԥралэнди, савэ сытён, трэбуй най кати бут со тэ уӷанэн, но и тэ ашэн найабуримастирэ, надёжни и тэ авэн ӷотови тэ поможын. Кочай важно, кай и барэдэр ԥрала анда ди тэ дэн лэнди советоря (1 Тим. 3:1; 2 Тим. 2:2; 1 Пёт. 5:5).

¹⁶ Диқаса, сар ек совето парудя лэ Патрикостири жызня. Кала во сас май тэрноро, во часто дэлас дума и андярэлас пэс ӷрубо, дажэ лэ ԥэянца. Ек барэдэр ԥрал ковлэс, но ворта дя лэсти совето. О Па́трико росԥэнэн: «Мэ радо, кай во шутя сама пэ кадэва маменто. Мэ диқавас, кай аврэ ԥралэнди дэн разно дила андо  ӷурто, ай манди най. Через када мэ умэкавас и вас. Но кодэва совето поможысардя манди тэ полав, кай и особо дила андо ӷурто — када най само ӷлавно. Мэ трэбуй тэ пристав зор, кай тэ авав найабуримаско и тэ авав глаба пала ԥрала и ԥэя». Каринг со када андя? О Патрико ашэля барэдэр ԥрал, кала лэсти сас 23 ӷода (Прит. 27:9).

17. Сар о Исусо сыкадя, кай патял пэстирэ учениконэнди?

¹⁷ О Исусо приԥэндя лэ учениконэнди най кати тэ росԥэнэн важ о Дэл, но и тэ сытярэн. Можэт, лэндэ по ди сас кацаво, кай вонэ най вся драго ӷанэн и полэн. Но о Исусо патялас, кай лэндэ вся вижала. Важ када во ԥэндя: «Сар о Дад бишалдя ман, кадя и мэ бишалав тумэн» (Иоан. 20:21).

18. Сар и барэдэр ԥрала моӷут тэ лэн примеро лэ Исусостар?

¹⁸ Сар и барэдэр ԥрала моӷут тэ лэн примеро лэ Исусостар? И барэдэр ԥрала делинпэ аврэнца пэстиря диласа (Флп. 2:19—22). Например, вонэ моӷут тэ мангэн лэ тэрнэ ԥралэн тэ дэн зор, кай тэ прилэн или тэ диқэн пала Зало Царства. Кала о барэдэр ԥрал дэла лэ ԥралэсти тэ терэл варисави дила, во росԥэнэна, сар ла тэ стерэл. Но во на лэла тэ следий, сар о ԥрал терэл кадэя дила. Кадя во сыкавэла, кай патял лэ ԥралэсти. Ек барэдэр ԥрал, савэс ақарэн Мэ́тью, фартэ блаӷодарно аврэ ԥралэнди, кай вонэ имено кадя лэс и сытярэнас. Во росԥэнэн: «Кала сытёс, всаек лэса тэ шылиспэ. Мэ радо, кай, кала кацаво сас, и ԥрала на терэнас анда када бида, ай поможынас манди тэ сытював пэ мэрнэ ошыбки» d.

19. Со ту камэс тэ терэс посли кадэя статья?

¹⁹ Сар о Исусо проандярдя послидни 40 деса пэ ԥув? Во дэлас зор пэстирэ учениконэнди, сытярэлас лэн и поможыяс лэнди тэ авэн ӷотови каринг и май бари дила, сави лэндэ трэбуй сас тэ авэл англэ. Давайте и амэ ласа тэ терас кадя жэ (1 Пёт. 2:21). Амэ можэм тэ патяс, кай о Исусо подритярэла амэн, важ кода кай во дя алав: «Мэ авава тумэнца кажно дес, пока кадэя люма на парашэла тэ авэл» (Матф. 28:20).