Римо 10:1-21
10 Ԥрала, мэ анда вся ди камав, кай и израильтяноря тэ спасынпэ, и вимангав када лэ Дэвлэстар.
2 Мэ моӷу тэ потвердисарав, кай вонэ хваткаса андярэн лэ Дэвлэстири время, но па чачимастэ на полэн, со ужал андэ лэстири время.
3 Вонэ на ӷанэн, со правильно англа Дэл, кочай и старыинпэ па пэстирятэ тэ ашэн правильни*. Но лэндэ на вижыля тэ ашэн правильни англа Дэл.
4 Важ кода кай о Христос ԥандадя о законо. Кочай всаворэн, ко патял андэр лэстэ, прижанэн найдошалэнца.
5 О Маисеё пистросардя, со трэбуй, кай через о законо тэ ашэн правильни: «Кодэва, ко лэс ритярэл, лэла тэ жувэл через лэстэ».
6 Ай андэ Свынти Лила пистромэ, со трэбуй, кай тэ ашэн правильни кодэлэса, кай патян: «На́ ԥэн андэ пэско ди: „Ко ваздэлапэ по небо?“ (кай тэ анэн котар лэ Христос)
7 или „Ко змэкэлапэ андэ пропость?“ (кай тэ жундярэл лэ Христос)».
8 И акэ, со ԥэнэнпэ андэ Свынти Лила? «Кадэва алав паша тумэндэ, во тумэндэ пэ шыб и андэ тумаро ди». Катэ и дума жал пала алав, андэ саво трэбуй тэ патян. Када пала лэстэ амэ тумэнди росԥэнас.
9 И ту спасысапэ, если росԥэнэс аврэнди, кай о Исусо — Баро Хулай, и если андэ пэско ди патяс, кай о Дэл жундярдя лэс.
10 Важ кода кай если о мануш патял андэ пэско ди, тоди во ашэла правильно, и во спасыяпэ, если росԥэнэн аврэнди пала кода, андэр со патял.
11 Андэ Свынти Лила пистромэ: «Кодэлэсти, ко патял андэр лэстэ, на ашэла лажаво».
12 Важ о Дэл еқэндар и о евреё, и о греко. Пэ всаворэ исин ек Баро Хулай. Во анда ди поможый всаворэнди, ко взвийпэ каринг лэстэ.
13 Важ кода кай «кажно, ко взвийпэ каринг о Иегова* па алавэстэ, спасыяпэ».
14 Но сар тэ взвинпэ кодэлэстэ, андэр кастэ на патяе? Сар тэ патян андэ кодэва, пала кастэ на ашундэ? Сар тэ ашунэн, если най ко тэ росԥэнэн?
15 И сар тэ росԥэнэн, если никас на бишалдэ? Кадя пистромэ: «Сар дэ драго тэ диқэс кодэлэн*, ко жал тэ росԥэнэн и лащи новость!»
16 Но най всаворэ приашунделэ каринг и лащи новость. О Иса́я ԥэнэн: «Иегова, ко патяя кодэлэсти, со ашундя амэндар?»
17 Вижал, кай тэ патян, трэбуй спэрва тэ ашунэн, ай кай тэ ашунэн, варико трэбуй тэ росԥэнэн о алав пала Христос.
18 Но мэ камав тэ пушав пала израильтяноря: хэба вонэ на ашунэнас? Важ кода кай андэ Свынти Лила пистромэ: «Па вся и люма ашундёл лэндири дума, и жы каринг само дурутно краё пэ ԥув дожал о алав, саво вонэ росԥэнэн».
19 Мэ кадяжэ пушав: хэба и израильтяноря на полинэ? О Маисеё ԥэнэн: «Мэ застависарава тумэн тэ шон вэрыцыя по миро, саво найстидо сар народо. Мэ фартэ холярава тумэн через о дило народо».
20 Ай о Иса́я би дарако ԥэнэн: «Ман виарақлэ кодэла, ко ман на родэлас, и мэ ашунделэм кодэлэнди, ко на пушэлас пала мандэ».
21 Но пала Израилё во ԥэнэн: «Вся о дес мэ процырдавас и вас каринг о найкандино и наӷло народо».
