Матфеё 25:1-46
25 Андэ кодэя время о небесно царство лэла тэ шолпэ пэ дэш тэрнэ щея, савэ линэ и лампы и вижылэ тэ встречают лэ тэрнэс.
2 Панч андар лэндэ сас найгодявэрнэ, ай панч — годявэрнэ.
3 И найгодявэрнэ щея линэ и лампы, но на линэ пэса о вулей.
4 Ай и годявэрнэ щея линэ най кати и лампы, но и бутылочки лэ вулееса.
5 О тэрно заритярдёлас. Лэ щеян ля тэ шол андэ линдра, и всаворэ вонэ засутэ.
6 Андэ машкар рят ашунделя, сар варико зацыписайля: „О тэрно жал! Вижан каринг лэстэ!“
7 Тоди всаворэ щея взбисайлэ и динэ яг пэстирэ лампы.
8 И найгодявэрнэ щея ԥэндэ лэ годявэрнэнди: „Дэн амэнди набут вулей, а то амарэ лампы инке набут и мудардёна“.
9 Но и годявэрнэ щея ԥэндэ лэнди: „Важ и всаворэ можэт тэ на хутилэл о вулей. Фэдэр жан каринг и торӷовцоря и тинэн“.
10 Пока кодэла щея жылэ тэ тинэн о вулей, авеля о тэрно. И щея, савэ сас ӷотови, зажылэ лэса пэ ябьявицко мисяйля, и пала лэндэ ԥандадэ и вудара.
11 Ӷэт май интя авелэ авэр щея и линэ тэ мангэн: „Ӷосподино! Ӷосподино! Ԥэрнав амэнди!“
12 Но во ԥэндя: „Чаче ԥэнав тумэнди: мэ на ӷанав тумэн“.
13 Ни акэ, отшон и линдра, важ кода кай на ӷанэн ни о дес, ни о часо.
14 Инке о Царство шолпэ по мануш, саво, англа кода сар тэ жал андэ авэр страна, ақардя лэ рабонэн и дя лэнди тэ диқэн пала лэско мищимос.
15 Во дя еқэсти панч таланторя*, аврэсти — дуй*, ай лэ тритонэсти — ек*, кажнонэсти па лэско зор, и улагля андэ авэр страна.
16 О рабо, савэсти динэ панч таланторя, сразу мэкля лэн андэ дила и затердя инке панч.
17 Точно кадя жэ стердя кодэва рабо, савэсти динэ дуй таланторя, и затердя инке дуй.
18 Ай о рабо, савэсти динэ кати ек таланто, жыля и заӷанадя андэ ԥув пэстирэ хуластирэ ловэ*, кай тэ гаравэл лэн.
19 Прожыля бут время, и кодэлэ рабонэнго хулай рисайля и закамля тэ диқэл, со вонэ затердэ.
20 О рабо, савэсти динэ панч таланторя, авеля и андя инке панч. Во ԥэндя: „Хулай, ту дян манди панч таланторя. Дик, мэ затердэм инке панч“.
21 О хулай ԥэндя лэсти: „Лашо и кандино рабо, ту стердян правильно! Тути сас патяимос андэ найбари дила, важ када мэ дава тути инке май бут. Ав лошало вместе тирэ хуласа!“
22 Потом авеля о рабо, савэсти динэ дуй таланторя, и ԥэндя: „Хулай, ту дян манди дуй таланторя. Дик, мэ затердэм инке дуй“.
23 О хулай ԥэндя лэсти: „Лашо и кандино рабо, ту стердян правильно! Тути сас патяимос андэ найбари дила, важ када мэ дава тути инке май бут. Ав лошало вместе тирэ хуласа!“
24 Посли када авеля о рабо, савэсти сас дино ек таланто, и ԥэндя: „Хулай, мэ ӷанав, кай ту мануш барунэ одеса. Ту стидэс о урожаё, кай на сеисардян, и тидэс о зэрно, кай на вужардян.
25 Важ када мэ пэрэдарайлэм, жылэм и гарадэм тиро ек таланто андэ ԥув. Акэ тути тирэ ловэ“.
26 Пэ када о хулай ԥэндя лэсти: „Неӷожо и каштуно рабо! Вижал, ту ӷанэсас, кай мэ стидав о урожаё, кай на сеисардэм, и тидав о зэрно, кай на вужардэм?
27 Тунчалэ тути трэбуй сас тэ мэкэс мэрнэ ловэ* тала процэнто*, и тоди мэ, кала рисайлоп, линоп пэстирэ ловэ ку процэнторя“.
28 Потом о хулай ԥэндя: „Залэн лэстар о таланто и отдэн кодэлэ рабости, савэстэ дэш таланторя.
29 Важ кода кай кодэлэсти, кастэ исин, авэла дино инке май бут, и лэстэ лэла вся тэ хутилэл. Ай кодэлэстар, кастэ нинай, авэла одлино дажэ кода, со лэстэ исин.
30 Вишон кадэлэ каштунэ рабос андэ тэмнота. Котэ во лэла тэ ровэл и тэ мучийпэ*“.
31 Кала лэ манушэско Шаво авэла всаворэ анӷелонэнца и лэстар лэла тэ марэл и бах, во бэшэла пэ пэско ашунгло троно.
32 Англа лэстэ авэна стидэ́ всаворэ народоря, и во отделия еқэ манушэн аврэндар, сар о пастухо отделий лэ бакрэн лэ бузнэндар.
33 Лэ бакрэн во стола справа пэстар, ай лэ бузнэн — слева.
34 Тоди о Царё ԥэнэна кодэлэнди, ко справа лэстар: „Авэн кодэла, пэр кастэ здиқля* мэрно Дад, мэк дорэсэлпэ тумэнди о Царство, саво аштярэл тумэн кодэла времятар, сар появисайля и люма.
35 Важ кода кай мэ камавас тэ хав, и тумэ правардэ ман, камавас тэ пав, и тумэ паярдэ ман, родавас пэсти ҭан, и тумэ прилинэ ман пэстэ,
36 мандэ на сас ӥда*, и тумэ утидэ ман, мэ насвававас, и тумэ диқэнас пала мандэ, сымас андо баруно, и тумэ авэнас мандэ“.
37 Тоди и правильни мануша пушэна лэстар: „Хулай, кала амэ диқлям, кай ту санас боқало, и правардям тут? Или кала ту камлян тэ пэс и амэ паярдям тут?
38 Кала ту родэсас пэсти ҭан и амэ прилям тут пэстэ? Или кала тутэ на сас ӥда и амэ утидям тут?
39 Кала ту санас насвало или андо баруно и амэ авелям каринг тутэ?“
40 И о Царё ԥэнэна лэнди: „Чаче ԥэнав тумэнди: кода, со тумэ стердэ важ ек анда мэрнэ само цынёне ԥрала, тумэ стердэ важ мандэ“.
41 Потом о Царё ԥэнэна кодэлэнди, ко слева лэстар: „Вижан мандар, бибахталэ! Жан андэ вечно яг, сави аштярэл лэ Бэнгэс и лэстирэ анӷелонэн.
42 Важ кода кай мэ камавас тэ хав, но тумэ на правардэ ман, камавас тэ пав, но тумэ на паярдэ ман,
43 мэ родавас пэсти ҭан, но тумэ на прилинэ ман пэстэ, мандэ на сас ӥда, но тумэ на утидэ ман, сымас насвало и андо баруно, но тумэ на позаботисайлэ пала мандэ“.
44 Тоди вонэ пушэна лэстар: „Хулай, кала амэ диқлям, кай ту камлян тэ хас, или тэ пэс, или родэсас пэсти ҭан, или тутэ на сас ӥда, или ту санас насвало, или андо баруно — и на поможысардям тути?“
45 И во ԥэнэна лэнди: „Чаче ԥэнав тумэнди: кода, со тумэ на стердэ важ ек анда кадэла само цынёне, тумэ на стердэ важ мандэ“.
46 И лэндар одлэна и жызня* пэ вся и вечность, ай и правильни лэна вечно тэ жувэн».
Сноски
^ 40,8 кг.
^ 20,4 кг.
^ Ворта «руп».
^ Ворта «руп».
^ Или «тэ стос мэрнэ ловэ андо банко».
^ Ворта «тэ хал и данда».
^ Или «кас блаӷословисардя».
^ Или «сымас нанго».
^ Ворта «отшынэна». Када сыкавэл, кай лэн «отшынэна» ла жызнятар.
