Лука 14:1-35
-
О Исусо в суботу исцэлий лэ манушэс, савэстэ лэ насвалимастар росшувлёл и тила (1—6)
-
Кала зажан миростэ, андярэн пэс сэжо (7—11)
-
Ақар кодэлэн, ко не можэт тут тэ ақарэл пэстэ и тэ шол сама (12—14)
-
Примеро пала ӷостёря, савэ отԥэнделэ тэ авэн (15—24)
-
Лэ Исусостирэ ученикоря трэбуй варисостар тэ отԥэндён (25—33)
-
Если о лон хасарэла о вкусо (34, 35)
14 Еқвар в суботу о Исусо зажыля десэ тэ хал андо цэр кай ек анда лэ фарисеёнэндирэ барэдэра. Кодэла, ко котэ сас, внимательно диқэнас, сар о Исусо пэс андярэл.
2 Котэ кадяжэ сас мануш, савэстэ лэ насвалимастар росшувлёлас и тила*.
3 О Исусо пушля кай и законикоря и кай и фарисеёря: «Можно тэ исцэлин в суботу чи най?»
4 Но вонэ ашэнас мулком. Тоди во ляпэ каринг кодэва мануш, исцэлисардя лэс и одмэкля,
5 ай лэнди ԥэндя: «Если в суботу варикастэ андар тумэндэ о шаво или о гурув пэрэла андэ хаинг, хэба тумэ лэс сразу на вицырдэна?»
6 И лэнди найсо сас пэ када тэ ԥэнэн.
7 Кала во додиқля, кай и ӷостёря витидэн со май лашэ ҭана, во призындярдя лэнди примеро:
8 «Кала тут ақарэна пэ ябьявицко мисяйля, на́ бэш по само лашо ҭан. Важ кода кай машкар ӷостёря можэт тэ авэл варико май ашунгло, чем ту.
9 Тоди о хулай* поджала каринг тутэ и ԥэнэна: „Уступисар кадэва ҭан лэсти“. И ту лажаимаса жаса и бэшэса по само про́сто ҭан.
10 Но кала тут ақарэна, бэш по само про́сто ҭан, и тоди о хулай поджала каринг тутэ и ԥэнэна: „Хамэлэс, бэш по май лашо ҭан“. И тоди во сыкавэла каринг тутэ патив англа авэр ӷостёря.
11 Важ кода кай кодэлэс, ко запутёл, лажаварэна, ай пэ кодэва, ко найабуримаско, стона патив».
12 Посли када во ԥэндя лэ манушэсти, саво лэс ақардя: «Кала стос мисяйля, на́ ақар пэстирэ друӷонэн, ԥралэн, родос или барвалэ сосидонэн. Важ кода кай вонэ потом тожэ моӷут тут тэ ақарэн и кадэлэса тут тэ шон сама.
13 Но кала стос мисяйля, ақар лэ чорорэн, лэ калекэн, лэ ланганэн, лэ корэн,
14 и ту авэса бахтало, важ кода кай вонэ не моӷут тэ стерэн варисо важ тутэ*. И тути дорэсэлапэ блаӷословения, кала жундёна и правильни мануша».
15 Кала ек анда ӷостёря ашундя када, во ԥэндя лэсти: «Бахтало кодэва, ко лэла тэ хал о марно андэ лэ Дэвлэско Царство».
16 О Исусо ԥэндя: «Ек мануш закамля тэ стол бари мисяйля и ақардя бутэ ӷостёнэн.
17 Кала поджыля и время тэ бэшэн пала мисяйля, во бишалдя пэстирэ рабос тэ ԥэнэн кодэлэнди, кас ақардя: „Авэн, вся ужэ ӷотово“.
18 Но вонэ всаворэ линэ тэ отԥэндён. О пэрво ԥэндя лэсти: „Мэ тиндэм мал, и манди трэбуй тэ жав тэ диқав ла. Мангав, поизвини ман“.
19 О дуйто ԥэндя: „Мэ тиндэм дэшэ гурувэн и камав тэ диқав лэн андэ дила. Мангав, поизвини ман“.
20 Ай о трито ԥэндя: „Мэ кати жэнисайлэм и важ када не моӷу тэ авав“.
21 О рабо рисайля и росԥэндя вся пэстирэ хуласти. Тоди лэ цэрэско хулай росхоляйля и ԥэндя лэ рабости: „Май ӥто вижа пэ барэ и найбарэ вулицы андо форо и ан кардэ лэ чорорэн, лэ калекэн, лэ корэн и лэ ланганэн“.
22 Кала о рабо стердя када, во ԥэндя: „Хулай, мэ стердэм, со ту ԥэндян, но ашэлэпэ инке ҭана“.
23 Тоди о хулай ԥэндя лэ рабости: „Вижа пэ дрома пала форо и застависар лэ манушэн тэ авэн, кай андэ мэрно цэр тэ авэл ԥэрдо миро.
24 Ԥэнав: нико анда кодэла, кас мэ ақардэмас спэрва, на хала дажэ котор марно па мэрни мисяйля“».
25 Вместе лэ Исусоса жанас бут мануша. Во банделя каринг лэндэ и ԥэндя:
26 «Если кодэва, ко авэл каринг мандэ, на любий ман май фартэ, чем* лэ дадэс, ла да, ла хулая́, лэ бэятонэн, лэ ԥралэн, лэ ԥэян и дажэ корко пэс*, тоди во не можэт тэ авэл мэрно ученико.
27 Кодэва, ко на андярэл пэско ԥаро столбо* и на ԥирэл пала мандэ*, не можэт тэ авэл мэрно ученико.
28 Ԥэнаса, варико андар тумэндэ закамэла тэ строий башня. Хэба во спэрва на бэшэла и на подадиноя, скати во потратия, кай тэ диқэл, хутилэла лэстэ ловэ тэ достерэл ла чи най?
29 А то, кала во зашола о фундаменто, но не сможэт вся тэ достерэл, о миро лэла тэ асалпэ лэстар
30 и тэ ԥэнэн: „Кадэва мануш ля тэ строий, ай тэ достерэл лэстэ на вижыля“.
31 И хэба о царё, саво тидэлпэ тэ жал войнаса пэ авэр царё, спэрва на бэшэла и на обгиндоя*, сможэт во пэстирэ халавдэнца, савэн 10 000, тэ победий кодэлэс, кастэ 20 000?
32 Если не сможэт, тоди, пока лэско вороӷо инке дур, во бишалэла каринг лэстэ манушэн тэ мангэн тэ поладий лэса.
33 И акэ, ӷанэн: нико андар тумэндэ не можэт тэ авэл мэрно ученико, если на отԥэндёла всаворэ́ пэстирэ мищимастар.
34 Кала исин лон, када драго. Но если о лон хасарэла о вкусо, тоди сар упалэ лэс тэ стерэн лондо?
35 Кацавэ лонэстар ужэ нинай нисаво толко: лэс на шоса ни андэ ԥув, ни андэ удабрения. Лэс просто вишон. Кастэ исин кан, кай тэ ашунэл, мэк ашунэл».
Сноски
^ Пэ кацаво насвалимос, кала лэ манушэстэ стидэлпэ бут жыдкость андо орӷанизмо, ԥэнэн вадянка.
^ Или «о хулай, саво стол о ябьяв».
^ Или «тэ ақарэн тут пэстэ и тэ шон сама».
^ Ворта «на вэрыцый».
^ Или «пэстири жызня».
^ Или «на жал мэрнэ дромэса».
^ Или «на пушэла совето аврэндар».
