Иоано 5:1-47
5 Посли када о Исусо жыля андо Иерусалимо по иудейско празнико.
2 Ай андо Иерусалимо паша Бакранэ вороты исин басэйно, круӷом саво бут столборя, пэр лэстэ пэ еврейско шыб ԥэнэн Бетза́та.
3 Котэ пашлёнас фартэ бут насвалэ, корэ, ланганэ и парализовани.
4 ——*
5 Машкар лэндэ сас мануш, саво сас насвало ужэ 38 лет.
6 О Исусо додиқля, кай во котэ пашлёл, и, важ кода кай ӷанэнас, сар дэ долӷо во насвавэл, пушля лэстар: «Камэс тэ ашэс зорало?»
7 Кодэва мануш ԥэндя лэсти: «Мандэ нинай никас, ко стодоп ман андо паи, кала во лэл тэ бурлий. Ай пока мэ екжэно поджав, интя ужэ змэкэлпэ варико авэр».
8 О Исусо ԥэндя лэсти: «Ущи, сти́дэ пэско ҭан* и ԥир».
9 И кодэва мануш сразу жэ вилечисайля. Во стидя пэско ҭан и ля тэ ԥирэл.
Када сас в суботу.
10 Важ када и иудеёря ԥэндэ лэ манушэсти, саво исцэлисайля: «Адес субота, и тути нащи тэ ԥиравэс и постель».
11 Но во ԥэндя лэнди: «Кодэва, ко ман исцэлисардя, ԥэндя манди: „Сти́дэ пэско ҭан и ԥир“».
12 Вонэ пушлэ: «Ко ԥэндя тути: „Сти́дэ пэско ҭан и ԥир“?».
13 Но о мануш, саво исцэлисайля, на ӷанэнас, ко када сас, важ кода кай о Исусо хасарделя андэ толпа.
14 Ӷэт май интя о Исусо диқляпэ лэса андэ қандири и ԥэндя лэсти: «Акана ту зорало. Будэр на́ тер неправильно, кай туса тэ на терэлпэ варисо май вэрыто».
15 Кодэва мануш жыля и росԥэндя лэ иудеёнэнди, кай лэс исцэлисардя о Исусо.
16 И иудеёря линэ тэ ӷонин лэ Исусос важ кода, кай во терэлас кацави дила в суботу.
17 Ай во ԥэнэнас лэнди: «Мэрно Дад идоси терэл дила, и мэ терав дила».
18 Посли када и иудеёря линэ инке май фартэ тэ родэн лашо маменто тэ умарэн лэ Исусос, важ кода кай гиндонас, кай во най кати ԥагэл о законо пала субота, но и сыстой пэс лэ Дэвлэса, кала ԥэнэн пэр лэстэ Дад.
19 Но о Исусо ԥэндя лэнди: «Патян: о Шаво нисо не можэт тэ терэл корко пэстар, ай терэл кати кода, со, сар во диқэл, терэл о Дад. Со терэл о Дад, кода терэл и о Шаво, и терэл када кадя жэ.
20 Важ кода кай о Дад глаба пала Шаво* и сыкавэл лэсти вся, со терэл екжэно. Во сыкавэла лэсти инке май бари дила, кай тумэ тэ удивинпэ.
21 Сар о Дад жундярэл лэ мулэн, кадя и о Шаво дэл жызня кодэлэнди, касти камэл.
22 О Дад никас на сындой, вся о право тэ сындой во дя лэ Шавэсти,
23 кай всаворэ тэ стон патив по Шаво, сар стон патив по Дад. Ко на стол патив по Шаво, во на стол патив и по Дад, саво лэс бишалдя.
24 Патян: кодэва, ко ашунэл мэрно алав и патял кодэлэсти, ко ман бишалдя, лэла тэ жувэл вечно и на авэла сындосардо. Кацаво мануш анда муло ашэля жундо.
25 Патян манди: пашол и время, и вой ужэ поджыля, кала и мулэ ашунэна лэ Дэвлэстирэ Шавэско ӷолосо, и кодэла, ко приашундёла каринг лэстэ, лэна тэ жувэн.
26 Важ кода кай лэ Дадэстар жал и жызня, и во домэкля, кай и лэ Шавэстар тэ жал и жызня.
27 И о Дад дя лэсти право тэ андярэл о сындо, важ кода кай во — лэ манушэско Шаво.
28 На́ удивинпэ кадэлэсти, важ кода кай пашол и время, кала всаворэ, ко муля*, ашунэна лэско ӷолосо
29 и жундёна. Кодэла, ко терэлас лашымос, лэна вечно тэ жувэн, ай кодэла, ко терэлас найлашымос, тердёна англа сындо.
30 Мэ нисо не моӷу тэ терав корко пэстар. Мэ сындосарав па кода, со ашунав лэ Дадэстар, и мэрно сындо справедливо, важ кода кай мэ терав най кода, со манди уӷодно, ай кода, со уӷодно кодэлэсти, ко ман бишалдя.
31 Если мэ екжэно тэ потвердисардоп о алав пала пэстэ, мэрнэ алавэндар на авелоп нисаво толко.
32 О алав пала мандэ потвердий авэр, и мэ ӷанав, кай лэстирэ алава чачунэ.
33 Тумэ бишалэнас лэ манушэн каринг о Иоа́но, и кода, со во потвердисардя пала мандэ, — чачимос.
34 Манди на трэбуй, кай варисаво мануш тэ росԥэнэн пала мандэ, ай мэ ԥэнав када, кай тумэ тэ спасынпэ.
35 О Иоа́но сас сар лампа, сави ярко ԥабол, но тумаро ди найдолӷо камэлас тэ лошавэл лэстирэ светости.
36 О Иоа́но потвердисардя, кай мэ лэ Дадэстар. Но исин кода, со инке май фартэ потвердий, кай ман бишалдя о Дад, — када и дила, сави во манди дя и сави мэ терав.
37 И о Дад, саво бишалдя ман, екжэно потвердий о алав пала мандэ. Тумэ жэ никала на ашунэнас лэско ӷолосо и на диқэнас лэско муй,
38 и андэ тумаро ди нинай о алав лэстар, важ кода кай тумэ на патян кодэлэсти, кас во бишалдя.
39 Тумэ допутя розуӷанэн, со пистромэ андэ Свынти Лила, важ кода кай гиндон, кай кадэлэстар тумэндэ авэла вечно жызня, ай ворта андэр лэндэ потвердийпэ о алав пала мандэ.
40 Но тумэ на камэн тэ авэн каринг мандэ, кай тумэндэ тэ авэл жызня.
41 Манди на трэбуй, кай пала мандэ драго тэ дэл дума о миро,
42 и мэ ӷанав, кай тумаро ди на любий лэ Дэвлэс.
43 Мэ авелэм мэрнэ Дадэстирэ алавэстар, но тумэ на патян манди*. Ай если варико авелоп корко пэстар*, тумэ патяёп лэсти.
44 Сар тумэ можэте тэ патян манди, если прилэн о лашо алав ек еқэстар, но на старыинпэ тэ уӷодин еқэ чачунэ Дэвлэсти?
45 На́ гиндон, кай мэ лава тэ дошалярав тумэн англа Дад. Тумэн дошалярэл о Маисеё, пэ саво тумэ надеинпэ.
46 Тэ патяёп тумэ лэ Маисеёсти, тоди патяёп и манди, важ кода кай во пистросардя пала мандэ.
47 Но если тумэ на патян кодэлэсти, со пистросардя во, тоди сар патяна мэрнэ алавэнди?»
Сноски
^ Или «пэстири постель».
^ Или «любий лэ Шавэс».
^ Или «ко андэ моӷилки». Када кодэла, ко муля и пала кастэ сэрэл о Дэл.
^ Или «на прилэн ман».
^ Или «пэстирэ алавэстар».
