Ефесо 6:1-24
6 Бэяцэ, кандэн лэ родителёнэн, сар када камэл о Баро Хулай, важ кода кай када правильно.
2 «Стов патив по дад и пэ дэй» — када пэрво законо, саво анэн кацаво лашымос:
3 «Кай тути тэ авэл драго и кай ту бут бэрша тэ жувэс пэ ԥув».
4 Дада, на́ холярэн пэстирэ бэятонэн, но, кай тэ барярэн лэн, дэн лэнди годи и сытярэн кадя, сар ԥэнэн о Иегова*.
5 Раборя, кандэн тумарэ хулан всаворэ́ одеса, пативаса и дараса, сар лэ Христос.
6 Кандэн най важ кода, кай тэ диқэн авэр, ԥэнэса тумэ камлоп тэ уӷодин лэ манушэнди, но сар лэ Христостирэ раборя анда вся ди андярэн лэ Дэвлэстири время.
7 Хваткаса терэн лэндири дила, сар важ о Иегова, ай най важ о миро,
8 важ кода кай ӷанэн, кай о Иегова блаӷословия кажнонэс важ лэстири лащи дила — сар лэ рабос, кадя и кодэлэс, ко свободно.
9 И тумэ, хула́я, кадя жэ обжанпэ пэстирэ рабонэнца. На́ пэрэдаравэн лэн, важ кода кай тумэ ӷанэн, кай и пэр лэндэ, и пэр тумэндэ исин ек Хулай по небо и во всаворэнца обжалпэ еқэндар.
10 И акэ, старыинпэ тэ авэн инке май састэ через о Баро Хулай и через лэско баро зор.
11 Лэн пэр пэстэ вся и халавдицко ӥда лэ Дэвлэстар, кай тумэ тэ боринпэ кодэлэса, со хытрияса подтерэл о Бэнг.
12 Важ кода кай амэ мараспэ най лэ манушэнца, ай лэ царёнэнца, лэ барэдэрэнца, кадэла люматирэ правителёнэнца, савя ушарадя и тэмнота, — лэ найвужэнца по небо.
13 Кочай лэн пэр пэстэ вся и халавдицко ӥда лэ Дэвлэстар, кай тумэ тэ одмардён лэ вороӷостар, кала во дэла пэр тумэндэ. И тоди тумэндэ вижала тэ виритярэн кадэя время, важ кода кай стердэ вся, кай тэ авэн ӷотови.
14 Ни акэ, боринпэ лэ вороӷоса, ай важ када ритярдёнпэ пала чачимос, ԥэнэса заԥанглэ пэр пэстэ и кущик, и терэн правильно дила, ԥэнэса линэ пэр пэстэ и саструни жылетка.
15 Кадяжэ авэн ӷотови тэ росԥэнэн и лащи новость пала мирно жызня, ԥэнэса ужэ подисайлэ.
16 Инке патян лэ Дэвлэсти, ԥэнэса ритярэн баро щито, саво поможыя тумэнди тэ мударэн всаворэ лэ Бэнгэстирэ ԥабардэ стрелы.
17 И кадяжэ гиндон пала кода, кай о Дэл спасый тумэн, ԥэнэса стодэ по шэро и саструни стади, и ритярэн о алав лэ Дэвлэстар, ԥэнэса линэ андо вас лэ свынтонэ зорэстири бари шури.
18 И, сар кати попэрдёл возможность, взвинпэ каринг о Дэл андэ молитва и мангэнпэ лэсти ясвэнца, сар тумэн андярэл о свынто зор. Отшон и линдра и вся и время анда ди мангэнпэ пала всаворэ свынти.
19 Мангэнпэ и пала мандэ, кай, кала мэ лава тэ дав дума, о Дэл тэ поможый манди тэ подтидав правильни алава и мэ би дарако тэ росԥэнав аврэнди и свынто тайна пала лащи новость.
20 О Дэл бишалдя ман тэ росԥэнав кадэя лащи новость. Акэ васо мэ сԥангло лэ цэпонэнца. Мангэнпэ пала мандэ, кай мэ тэ росԥэнав ла смило, сар мэ и трэбуй када тэ терав.
21 Ай пала кода, сар мандэ и дила и соса мэ залавпэ, тумэнди росԥэнэна о Ти́хико, амаро кучутно ԥрал и лэ Барэ Хуласко кандино слуӷо.
22 Мэ бишалав лэс каринг тумэндэ, кай во тэ росԥэнэн, сар амэндэ жал и дила, и тэ стерэл тумэнди по ди май вушэро.
23 Мэк о Дэл, амаро Дад, и о Баро Хулай о Исусо Христос дэн лэ ԥралэнди тэ жувэн мирно, тэ любин и тэ патян.
24 Мэк о Дэл здиқэл па пэско баро ковло ди пэ всаворэ, ко па чачимастэ любий амарэ Барэ Хулас лэ Исусос лэ Христос.
