Anglal kodi kana tele avilas pe phuv o Jezush, voj aba ando cheri trajilas (Janoshesko 8:23). Les kerdas o Del anglunes, thaj voj zhutindas les te keren sakofelo. Feri le Jezushes kerdas o Jehova korkorro, anda kado phenen pe o Jezush, ke voj si le Devlesko angluno shavo (Janoshesko 1:14). Voj vorbilas ande le Devlesko than, ande kado phenen pa leste, ke voj si e Vorba. Dikh: Parabolengi (Példabeszédek) 8:22, 23, 30; Kolossicko 1:15, 16.

O Del andre shutas peske shavesko trajo, ande Maria, kon inke chi pinzhardas murshes. Anda kado le Jezusheske, na manush sas lesko dad (Lukachesko 1:30–35). O Jezush avilas pe phuv: 1. Te sityarel o chachipo pal o Del. 2. Te sikavel sar zhanas te keras kodo so o Del kamel, vi atunchi kana pharoj. 3. „pesko trajo parudas ande butende”. Dikh: Matevesko 20:28.

Le parujimasa shaj potyinen avri varikasko trajo (Avrizhalimaski [2Mózes] 21: 29, 30). O Del na kamlas kodo, le manusha te phuron, thaj te meren. Kathar zhanas kadi? O Del kodo phendas le Adameske, te na kerela kodo so voj kamel, bezex aversar bűno te kerela, merel. O Adam te na kerdo bezex, chi trubundo te merel (Genezarimaski [1Mózes] 2:16, 17; 5:5). E Biblia avri phendas, anda kodo meren le manusha, so o Adam kerdas. O Adam peske sako shavorenge perdal das o bezex, thaj so kadalesa phirel, o meripe.  Anda kodo trubul o parujimo, te shaj muntul amen kathar o meripe. Dikh: Romaicko 5:12; 6:23.

Kon zhanel te del o parujimo anda amende, te muntuj amen kathar o meripe? Amaro merimo pala amare bezexa si. Ke doshale sam, chi zhanas te potyinas le Devleske, anda kado trubul o parujimo. Dikh: Salmongi (Zsoltárok) 49:7–9.

Voj bidoshako sas, na sar ame. Na anda bezex mulas, anda kodo, te paruvel pesko trajo ande kaverenge bezexa. O Del zurales kamel amen, ande kado bishaldas peske shaves pe phuv, te merel anda amende. O Jezush avri sikadas ke kamel amen, kodolesa, ke kodo kerdas so lesko Dad kamelas, thaj pesko trajo das anda amare bezexa. Dikh: Janoshesko 3:16; Romaicko 5:18, 19.

Dikh o filmo: Sostar mulas o Jezush?

Kana pe phuv sas, nasvalen sastyardas, opre ushtyardas le mulen, thaj tele las le manushengo pharipe. Kadalesa avri sikadas, so kerla na butara le chache manushenca (Matevesko 15:30, 31; Janoshesko 5:28). Pala soste mulas, o Del opre ushtyardas les, thaj palpale gelas ando cheri (1Peteresko 3:18). Pala kodo pe le Jehovaski chachi rig beshlas, thaj zhukardas, te shaj avel kraj pe intrego phuv (Biboldenge [Héberek] 10:12, 13). O Jezush aba kraji ando cheri, thaj kon pala leste zhan, pe intrego luma vorbinen e chachi vorba. Dikh: Danieleske 7:13, 14; Matevesko 24:14.

O Jezush, na butara ande pesko krajipo, nacharela sakofelo dukh, thaj pustitil kodolen, kon nasulimo kerde. Kon patyan le Jezushes, kodi keren, so les fajil. Von shaj trajin pe phuv ando paradichomo. Dikh: Salmongi 37:9–11.