“Kamlem te chitou e Biblia numa mial mange iek libro defial lungo!” (Briana, 15 borsh).

 Aliares tu gadia? Atunchi kako artikulo si tuke!

•  Sostar si bari prama te chitos e Biblia?

•  Sar shai chitos e Biblia?

•  So phenen aver terne

 Gindis ke nai tuke te chitos e Biblia? Aliaras tuke. Shai avela ke kana des tu gogi ande Biblia gindis ande iek baro libro kai si les but suaturia ai chi iek patreto. Nai sar e television ai le videuria!

 Numa gindi tu ande kako: Te arakhesa iek gono kai si les iek baro mangin, nai chaches ke meres te putres les?

 E Biblia si sar godo gono, kotse si te arakhes but suaturia lashe kai si sar sumnakai ai kai si te azhutin tu te keres gadala prame:

•   Te alosares mishto.

•   Te ningeres tu mishto che dadentsa.

•   Te arakhes lashe amiguria.

•   Te na jal tu but e briga.

 Sar iek libro phurano shai azhutil amen agies? Ke “sa e Swunto Vorba le Devleski avel katar O Del” (2 Timote 3:16). Kako kamel te phenel ke le lashe suaturia kai si ande Biblia aven katar o mai Baro anda sa so si pe phuv ai ando cheri.

 Vareso kai shai keres si, te chitos de kin astarel e Biblia zhi kai getol. Gadia si te aliares pa soste del duma e Biblia. Si dui prame kai shai keres:

•    Shai chitos le 66 libruria sar si ande Biblia, de kin o Génesis zhi kai o Sicharimos (Apokalipsos).

•    Shai chitos len de so sas mai anglal zhi angle.

 So shai keres: Zha kai phenel 4-A ande publikasion Guía para el estudio de la Palabra de Dios si te arakhes so sas le Jesusosa pe phuv de kin arakhadilo zhi kai mulo.

 Aver prama ke shai keres si, te alosares iek historia te avel sar iek beda kai si tu, sar:

•   Nas te plachal tu te avel tu amiguria te pakias tu chachimasa ande lende? Chito so sas le Davidosa ai lesko amigo o Jonatan (1 Samuel, kapituluria 18-20). Polme shai keres so si ando “Cómo encontrar amigos de verdad” te mai sikios lashe prame pa so chitosardian.

•   Nas te plachal tu te avel tu mai zor angla o zumaimos? Shai chitos so sas le Josesosa ai dikh so azhutisardias les angla o zumaimos (Génesis, kapitulo 39). Polme shai keres so si ando “Cómo resistir las tentaciones” ai ando “Acusado falsamente” ke mai sikaven tu so mai shai keres.

•   Kames te zhanes sar azhutil tu o rhugimos? Chito pa o Nehemias (Nehemías, kapitulo 2). Polme shai keres so si ando “Jehová contestó su oración” te mai sikios bare prame.

 So shai keres: Kana kamesa te chitos e Biblia, rode kai te aves korkorho te shai thos kiri gogi ande so chitos.

 Iek prama mai kai shai keres si, te les iek historia vai iek salmo te chitos les ai polme de tu gogi sar shai azhutil tu. Kana chitosa shai pushes tu kakala prame:

•    Sostar thodias o Jehova kakala suaturia ande Biblia?

•    So sikiuau pa ke fialo si o Jehova ai sar kerel le prame?

•    Sar shai azhutil man ande murho traio so chitosardem?

 So shai keres: Shai alos vareso te keres, shai les o “Programa de lectura de la Biblia” te ramos o gies te astares te chitos e Biblia kai shai arakhes ande amari rig po Internet.