“Shai gindis ke e Biblia nai tuke. Numa si gadia kana chi zhanes sar te chitos la”, phenel iek terno kai bushelpe Will.

 Kames te zhanes so shai keres te avel tuke drago te chitos e Biblia? Kako artikulo si te azhutil tu.

•  Te kerdiol tuke chache le histori la Bibliake

•  Dikhta mishto!

•  So phenen aver terne

 Te kerdiol tuke chacho so chitos shai keres kakala prame:

1.   Shai alosares iek historia la Bibliaki kai kamesa te sikios. Shai avela vareso kai sas mai anglal te avel o Jesus, vareso anda lesko traio vai shai ashunes audio dramuria la Bibliake ando jw.org.

2.   Chito e historia. Shai chitos la korkorho vai cha familiasa vai che amigonentsa. Suako zheno shai kerel sar te avela iek andal manush katar e historia.

3.   Ker uni anda kakala prame:

   •   Te kerdiol tuke chacho shai forbos sar te avela but patretsi te sikaven e historia. Shai ramos vareso tele, te phenel so dikhiol.

   •   Kana chitosa pa iek manush kai sas chacho le Devlesa, shai gindos ai ramos sar malaven ke fialo sas o manush, so kerdias, ai le lashe prame kai dias les o Del.

   •   Iek anda tumende shai tholpe sar ke si o manush katar e historia, ai le kolaver shai pushen lestar te mai prinzharen les ai te mai zhanen pa leski historia.

   •   Te avela iek andal manush pa kaste chitosardian alosardias vareso kai nai vorta, gindisavo ke e historia parhudiol ai ke alosardias mishto. Sar o Petri kai phendias ke chi prinzharelas le Jesusos (Marko 14:66-72). So trobulas te kerel o Petri, atunchi?

   •   Te kamesa ai te plachal tu shai keres kiri historia, sar te avela ke tu san ande vriama la Bibliaki. Ramosar so sikios pa godo (Romanuria 15:4).

 Te dikhesa suako prama tsinorhi katar iek historia la Bibliaki, shai arakhes shukar prame. Univar iek vai dui suaturia shai sikaven vareso kai chi dikhlian mai anglal.

 Shai chitos Mate 28:7 ai Marko 16:7.

•    Sostar phendias o Marko ke o Jesus sas te sikadiol ka le disipluria ai ka “o Petri”?

•  Dikhta: O Marko nas kotse, shai avela o Petri sas kon phendias leske.

•  Perla la Bibliaki: Sostar aliardias pacha o Petri kana zhanglias ke o Jesus kamelas te dikhel les pale? (Marko 14:66-72). Sar sikadias o Jesus ka o Petri ke sas iek chacho amigo? Te kamesa te aves iek lasho amigo, sar shai keres sar o Jesus?

 Kana kerdion tuke chache le histori la Bibliake ai dikhes suako prama tsinorhi anda lende si te mai plachal tu te chitos e Biblia!