Le chache kristianuria chi kamen te avel khanchi ai khonik te kerel te na luvudin ka o Jehova. Zhanas ke aliares tu gadia ai ke ka o Jehova mol but te aves chacho lesa (chito 1 Crónicas 28:9). Save prame shai zumaven tu te aves chacho le Devlesa ai so shai keres kana nakhela kako?

1. So shai keren aver manush te na mai avas chache le Devlesa?

Uni manush kamen te keren te na mai luvudis ka o Jehova. Kon kamel vareso gadia? Godola kai mekle o chachimos ai akana jojaven pa e organizacion le Devleski ai kamen te mekas amaro pakiamos. Gadala manush si apostatas. Ai si aver manush kai ningeren le religionuria kai phenen jojaimos pa amende te duriaren le manushen katar o chachimos. Shai kerel amenge nasul te das duma godole manushentsa, te chitos lenge libruria, so thon po internet ai te dikhas lenge videuria. O Jesus phendias pa godola kai chi kamen te aven chache le Devlesa: “Mek le! Ke won si sar korhe kai phiraven avre korhen; kana iek korho ingerel avre korhes, vi le dui si te peren ande hunia [iek gropo]” (Mate 15:14).

2. Save prame kai alosaras shai keren te na avas chache le Devlesa?

Sar kamas ka o Jehova chi kamas te thas partia ka chi iek religion jojamni. Godo kamel te phenel ke chi iek buki, chi iek organizacion vai chi iek prama kai keras trobul te pasharel amen kal religionuria jojamne. O Jehova phenel peske foroske te duriuvas katar e Babilonia e Bari (Sicharimos [Apokalipsis] 18:2, 4).

 TE MAI SIKIOS

3. Arakh tu katar godola kai sikaven o jojaimos

Te avela ashunes vareso nasul pa e organizacion katar o Jehova, so shai keres? Chiton Proverbios 14:15, ai den duma pa:

• Sostar trobus te las sama te na pakias sa le prame kai ashunas?

Chiton 2 Juan 9-11 [NWT], ai den duma pa:

• Sar trobus te avas le manushentsa kai si apostatas?

• Shai avela chi das duma le manushentsa kai si apostatas, numa sar shai aresen amende le prame kai von sikaven?

• Sar shai aliarelpe o Jehova te avela ashunas prame nasul pa leste ai pa leski organizacion?

4. Trobus te aves chacho le Devlesa kana iek phral perel ando bezej

Te avela zhanas ke iek phral pelias ande iek baro bezej, so trobus te keras? Dikhta so phendias o Del de dumut ka pesko foro o Israel. Chiton Levítico 5:1.

Sar sikiliam ande kako verseto, te avela zhanas ke iek phral pelias ande iek baro bezej trobus te phenas so zhanas kal phure. Numa mai anglal te keras kako, si mai mishto te das duma le phralesa kai pelias ando bezej te phenel vo kal phure anda e congregacion so kerdias. Numa te na phenela khanchi, amen trobus te sikavas ke sam chache le Devlesa ai te phenas kal phure sa so zhanas. Sostar kana keras kako sikavas kamlimos ai ke sam chache...

• ... angla o Jehova?

• ... le phralesa kai pelias ando bezej?

• ... le kolavre phralentsa anda e congregacion?

 5. Trobus te durios katar e Babilonia e Bari

 SO DIKHLIAM

Te kamasa te avas chachimasa angla o Jehova, chi trobus te avas manushentsa kai kamen te atsaven amen.

So sas te mothos?

• Sostar chi trobus te ashunas so phenen le manush kai si apostatas?

• Te avela zhanas ke iek phral pelias ande iek baro bezej, so trobus te keras?

• So trobus te keras te avas dur katar le religionuria jojamne sar tradias amenge o Del?