SIKAIMOS 06
Sar astardias te avel o traio?
“Tutar [Devla] avel o traio” (Salmo 36:9). Pakias tu godo? Uni manush phenen ke o traio avilo korkorho, ke nai varekon kai kerdias amen. Te avela chacho so phenen, nai amen pala soste te trais. Numa, te avela ke o Jehova kerdias o traio chi trobul te avel gadia, nai? a Le sama so mothol e Biblia pa sar astardias te avel o traio ai dikh sostar shai phenas ke si gadia.
1. Sar kerdilo o universo?
E Biblia phenel: “Ando gor, o Del kerdias o cheri ai e phuv” (Génesis 1:1). But manush kai estudin e ciencia mothon ke o universo astardias te avel de but vriama. Sar kerdias les o Del? Vo thodias peski zor, pesko sunto dujo, te kerel sa so si ando universo sar le galaxi, le cheraia ai sa so si kotse (Génesis 1:2).
2. Sostar kerdias o Del e phuv?
O Jehova “chi kerdias la intaino, kerdias la te train pe late” (Isaías 45:18). Vo kerdias sa shukar pe phuv te train le manush mishto pe late, ai te na getol lengo traio (chito Isaías 40:28 ai 42:5). Le manush kai estudin e ciencia, phenen ke e phuv kai trais si defial shukar. Ai chi zhangliolpe aver rig kai shai train le manush.
3. Sostar le manush ai le animaluria nai iek fialo?
O Jehova polme te kerel e Phuv, kerdias sa so trail pe late. Pervo, kerdias le lulugia ai le animaluria ai polme kerdias “o Del le manushes te mial pe peste” (chito Génesis 1:27). Sostar le manush nai sar le animaluria? Ke o Del kerdias len sar peste, pala godo shai sikavas lashe prame, sar o kamlimos ai so si vorta. Pala e gogi kai dias amen shai sikiuas aver shib, shai ashunas gilia kai aresen ande amaro ilo ai shai dikhas so godi si shukarimos. Amen shai luvudis kas kerdias amen, vareso kai le animaluria nashtin te keren.
TE MAI SIKIOS
Aida dikhas so sikavel amenge ke o Del kerdias sa so trail ai pala soste shai pakias ande so mothol e Biblia. Ai shai sikiuas so sikavel amen pa o Del le lashe prame kai si kal manush.
4. Sa so si zhuvindo si kerdo pala varekaste
Delpe duma mishto pal manush kai len sama so si kerdo te keren neve prame. Numa kon bariarel godoles kai kerdias le pervo prame? Dikhen o VIDEO ai den duma pa:
-
So line sama le manush te keren bare prame?
Te kerdiol iek kher trobulpe varekon te gindil sar si te avel ai sar te vazdel les. Numa, kon gindosailo sar te lasharel ai te kerel sa so si pe phuv? Chiton Hebreos 3:4 [NWT] ai den duma pa:
-
Savi prama mai plachal tu anda sa so si kerdo pe phuv?
-
Shai pakias ke varekon gindosailo sar te kerel o universo ai sa so si kotse? Sostar?
Zhanesas kako?
Ando jw.org shai arakhes artikuluria ai videuria pa kako divano. Rode kai mothol “Kerdias les varekon?” ai “So phenen uni manush pa sar astardias te avel o traio”.
“Chaches, suako kher si vazdino varekastar, numa godo kai vazdias sa le dieli si o Del”.
5. Si vorta so mothol e Biblia pa sar sas kerdo o traio
Ando kapitulo 1 katar o Génesis, e Biblia mothol sar kerdili e Phuv ai sa o traio kai si pe late. Chacho lo so mothol kotse vai si iek paramichi? Dikhen o VIDEO ai den duma pa:
-
Sikavel e Biblia ke e Phuv ai o traio kai si pe late sas kerde ande 6 giesa?
-
Maladiol te pakias so phenel e Biblia pa kako? Sostar?
Chiton Génesis 1:1 ai den duma pa:
-
But manush kai sikion pa e ciencia mothon ke o universo astardias te avel de but vriama. Maladiol so gindin von ai so chitosardian ande Biblia?
Uni manush pushenpe te avela ke o Del kerdias o traio ai polme meklias te parhudiol korkorho. Chiton Génesis 1:21, 25, 27 ai den duma pa:
-
Sikavel e Biblia ke o Del kerdias vareso zhuvindo ai polme meklias te parhudiol korkorho zhi kai kerdile mashe, aver animaluria ai manush? Vai kerdias vo suako anda lende?
6. Le manush chi sam sar le kolaver prame kai kerdias o Del
Amen le manush chi sam kerde sar le animaluria. Chiton Génesis 1:26 ai den duma pa:
-
Le manush shai sikavas kamlimos ai mila ke o Del kerdias amen sar peste. So sikavel tuke kako pa o Jehova?
UNI MANUSH PHENEN: “So phenel e Biblia pa sar sas kerdo o traio numa si iek paramichi”.
-
So gindis tu pa kako? Sostar?
SO DIKHLIAM
O Jehova kerdias o universo ai sa o traio kai si ande leste.
So sas te mothos?
-
Pa so sikavel e Biblia, sar astardias te avel o universo?
-
Kerdias o Del vareso ai meklias te parhudiol korkorho zhi so si agies vai kerdias vo suako prama?
-
Sostar le manush chi sam sar le kolaver prame kai sas kerde?
SHAI DIKHES VARESO MAI
Dikhta uni prame kai sas kerde pe phuv kai sikaven ke varekon gindosailo sar sas te aven.
“So sikavel amen so sas kerdo pe phuv?” (¡Despertad!, septiembre, 2006)
Dikhta sar iek dat sikavel peske tsinorheske so mothol e Biblia pa sar sas kerde le prame.
Dikhta te maladiola so phenel e Biblia ai so gindin uni manush pa o traio kai parhudilo korkorho.
“Meklias o Del te parhudiol korkorho suako prama zhuvindi?” (Artikulo anda jw.org)
Dikhta so arakhle ai le prame kai zumade le manush kai estudin e ciencia: te avela ke o traio avilo korkorho vai kerdias les varekon.
Sar avilo o traio. Pansh prame kai shai les sama (Publikasion)
a O sikaimos 25 del duma pa e voia le Devleski le manushenge.
Shai avela plachal tu
SO SHAI PUSHES TU
Sar sikaven le marturia le Jehovaske pa e Biblia?
Gadia sar sikaven le marturia le Jehovaske, tu shai les e Biblia kai tu kamesa. Ai Shai akhares sa cha familia vai le amiguria kai kamesa.
