O Jehova kerdias la Eva, e pervo zhuvli, ai dias la le Adanoske te avel leski rhomni (Marko 10:6, 7).

O Del dias ka o Adan ai kai Eva iek gogi ai iek stato kai nas len khanchi nasul.

Trainas ande iek than desia shukar kai busholaspe Eden, kotse sas osha (selchi), pai ai animaluria. Sa so sas kotse sas desia shukar.

O Jehova delas duma lentsa ai sikavelas len. Te ashunena les ai te pakiana lesko mui, sas te train iek traio kai chi mai getolpe ande godo than shukar.

O Del sikadias ka o Adan ai kai Eva iek osh (salka) ai phendias te na jan anda leski fruta. Te jana anda late sas te meren.

Iek angel gelotar katar o drom le Devlesko. Godo angel bi lasho si o Beng.

O Beng chi kamelas te pakian o mui katar o Jehova. Lias iek sap te phenel la Evake ke nas te merel te jala anda godo osh. Phendias lake ke sas te avel sar o Del. Godo sas baro jojaimos! (Génesis 3:1-5; 1 Timote 2:14).