Ο Μωσαϊκός Νόμος βακερέλας ότι ο μουρς σο σκεφτίνελας ο διαζύγιος έπρεπε τι κερέλ εκ χαρτίς σο σικαβέλας ότι λέλα νόμιμα ο διαζύγιος. Ανταβά αβέλας-πες για μα τι χαλαβέν σουγκό πουμαρό μπιαβ. Όμως, κο ντιβεσά κι Ιησούσκε, ο παπάζια κερντέ εύκολος ι τζενένγκε τι λεν διαζύγιος. Ο μουρσά μπορίνενας τι χωρίνεν πουμαρέ ρομνίν χωρίς τι υπαρχίντιβελ σημαντικός λόγος. («πιστοποιητικό αποπομπής» σημείωση μελέτης για Μαρ 10:4, nwtsty· «διαζευχθεί τη γυναίκα του», «μοιχεύει εναντίον της» σημειώσεις μελέτης για Μαρ 10:11, nwtsty) Ο Ιησούς βακερντάς ότι ο μπιαβ ισί κατά Ιεχωβά. (Μαρ 10:​2-12) Ο μουρς ντα η τζουβέλ κα αβένας «εκ σώμας», δηλαδή για πάντα ενωμέ. Ο μόνος λόγος σο βακερέλα η Γραφή ότι μπορίνελα κάποιος τι λελ διαζύγιος, σαρ βακερέλα κο Ματθαίος-ντα, ισί σάντε άμα ο εκ κατά ντούι “γκιλό γιαβερέσαρ”.​—Ματ 19:9.

Αμαρέ ντιβεσέντε, μπουτ τζενέ ντικχένα ο μπιαβ, όχι σαρ ο Ιησούς, αλλά σαρ ο Φαρισαίοι. Όταν αβένα προβλήματα, ο τζενέ κο ντουνιάς χωρίνενα χωρίς τι σκεφτίνεν-λες μπουτ. Οκιά μπάνταρ όμως, ο αντρόγυνα σο ισί Χριστιανοί, αγαβένα ότι ισί μπουτ σημαντικές ο υποσχέσεις σο ντινέ πουμαρέ μπιαβέστε ντα προσπαθίνενα τι κερέν ο αρχές ι Γραφιάκε για τι νακχαβέν ο δυσκολίες. Αφού κα ντικχέν o βίντεος Η Αγάπη και ο Σεβασμός Ενώνουν τις Οικογένειες, απαντίνεν κο ερωτήσεις:

• Σαρ μπορίνενα τι κερέν τουμαρέ μπιαβέστε οντουβά σο βακερέλα ο εδάφιος Παροιμίες 15:1, ντα σόσκε ισί σημαντικός;

• Σαρ μπορίνενα τι κερέν οντουβά σο βακερέλα ο εδάφιος Παροιμίες 19:​11 ντα αντικάς μα τι τθερέν μπουτ προβλήματα;

• Άμα τθερένα μπαρέ προβλήματα τουμαρέ μπιαβέστε, αντίς τι σκεφτίνεν “Μήπως πρέπει τι λαβ διαζύγιος;”, καλά ερωτήσεις πρέπει τι σκεφτίνεν;

• Σαρ μπορίνενα τι αβέν πιο λατσσό ρομ ή πιο λατσσί ρομνί άμα κα κερέν οντουβά σο βακερέλα ο εδάφιος Ματθαίος 7:12;