Αβιλό τουμένγκε καέκ φαρ δύσκολος τι κερέν ο έργος; Μπουτ αμένταρ κα βακεράας βα. Σόσκε; Μπουτ φαρ μπορεί μα τι αρακχάς τζενέν σο σικαβένα ενδιαφέρον ή τι τζάνα αμέντζαρ κόντρα ή τι νταράς τι κεράς λάφι οντουλέντε σο να τζανάσα-λεν. Σαρέ ανταλά μπορεί τι κερέν-αμέν μα τι απολαμβάνας αζόμ μπουτ ο έργος. Όμως, ντάσα λατρεία ι ευτυχισμέ Ντεβλές σο μανγκέλα τι υπηρετίνας-λες με χαρά. (Ψλ 100:2· 1Τι 1:11) Καλά ισί τριν λόγοι σο τθεράσα για τι αρακχάς χαρά κο έργος;

Πρώτον, οντουλά σο βακεράσα ντένα ελπίδα κο τζενέ. Παρόλο σο η ελπίδα χασάρντιβελα ανταλέ ντουνιάστε, αμέν μπορίνασα τι πφεράς ι τζενένγκε γκιά με «λατσσέ αμπέρια για κάτι πιο λατσσό». (Ησ 52:7) Αλλά ο λατσσέ αμπέρια ι Ντεβλέσκε Βασιλειάκε μπορίνενα τι πφερέν αμέν-ντα χαρά. Πριν τι τζαν κο έργος, σκεφτίνεν ο ευλογίες σο κα ανέλ κι πφουβ η Βασιλεία ι Ντεβλέσκι.

Δεύτερον, ο λατσσέ αμπέρια σο βακεράσα βοηθίνενα ι τζενέν εμ σωματικά εμ πνευματικά. Ο τζενέ σικλιόνα σαρ τι μουκχέν ο γκεραλέ συνήθειες ντα τθερένα ι ευκαιρία τι τζουβντιόν για πάντα. (Ησ 48:17, 18· Ρω 1:16) Κι πραγματικότητα, όταν ισινάμ κο έργος, ρόντασα τζενένγκε για τι σώνας-λεν. Παρόλο σο μερικά τζενέ να μανγκένα τι σώντιβεν, αμέν συνεχίνασα τι ρόντας οντουλένγκε σο μανγκένα.—Ματ 10:11-14.

Ο τρίτος ντα πιο σημαντικός λόγος ισί ότι αμαρό έργος ντέλα δόξα ι Ιεχωβάς. Βοβ εκτιμίνελα μπουτ ο έργος σο κεράσα. (Ησ 43:10· Εβρ 6:10) Επίσης, ντέλα-αμέν μπερεκέτι άγιος πνεύμας για τι κεράς ανταβά έργος. Οτθάρ, τι μολίνεν ι Ιεχωβάς τι ντελ-τουμέν χαρά, σο ισί εκ ιδιότητα κατά καρπός του πνεύματος. (Γα 5:22) Με τη βοήθεια ι Ιεχωβάσκι, μπορίνασα τι αντιμετωπίνας αμαρέ ανησυχίες ντα τι κεράς ο έργος με θάρρος. (Πρ 4:31) Αζομάν, είτε κα ασουνέν-αμέν ο τζενέ είτε όχι, αμέν κα συνεχίνας τι αρακχάς χαρά κο διορισμός σο τθεράσα τι βακεράς ο λατσσέ αμπέρια.—Ιεζ 3:3.

ΝΤΙΚΧΕΝ Ο ΒΙΝΤΕΟΣ ΞΑΝΑΒΡΙΣΚΟΥΜΕ ΤΗ ΧΑΡΑ ΜΑΣ ΜΕΣΩ ΜΕΛΕΤΗΣ ΚΑΙ ΣΤΟΧΑΣΜΟΥ ΝΤΑ ΣΟΡΑΝ ΑΠΑΝΤΙΝΕΝ ΚΟ ΕΡΩΤΗΣΕΙΣ:

• Σόσκε δεν πρέπει τι μουκχάς ο πνευματικός πρόγραμμας σο τθεράσα, ατζέ-ντα άμα κεράσα μπουτ σαάτια κάθε μάσεκ κο έργος;

• Σαρ μπορίνασα τι μοιάζας κι Μαρία;

• Κάνα αρακχένα χρόνος για τι σκεφτίνεν οντουλά σο βακερέλα ο Λάφι ι Ντεβλέσκο;

• Σο ανέλα τουμένγκε χαρά όταν βακερένα ο λατσσέ αμπέρια;