ΣΟΣΚΕ ΙΣΙ ΣΗΜΑΝΤΙΚΟΣ: Ο Ιεχωβά κερέλα ο σπόροι της αλήθειας τι μπαριόν οντουλέ γκιέντε σο “μανγκένα τι σικλιόν ι αλήθεια σο ντέλα ζωή για πάντα”. (Πρ 13:​48· 1Κο 3:7) Αμέν συνεργαζίντιβασα λέσαρ όταν ασχολίντιβασα κο έργος πιο μπουτ ι τζενέντζαρ σο προσπαθίνενα τι κερέν οντουλά σο σικλιόνα. (1Κο 9:​26) Ο τζενέ σο κερένα μελέτη χρειαζίντιβελα τι αγαβέν ότι ισί απαραίτητος τι μπολντιόν σαρ Χριστιανοί για τι σώντιβεν. (1Πε 3:​21) Βοηθίνασα-λεν τι αβέν μαθητές κάνα σικλιαράσα-λεν τι κερέν αλλαγές πουμαρέ ζωγιάτε, τι βακερέν ντα τι σικλιαρέν ι Ντεβλέσκε ντα τι αφιερώνεν πουμαρί ζωή κο Ιεχωβά.​—Ματ 28:​19, 20.

ΣΟ ΤΙ ΚΕΡΕΝ:

• Βοηθίνεν ι τζενέν σο κερένα-λεν μελέτη τι ντεν-πες γκοντί ότι ο σκοπός σο κερένα μελέτη ισί τι «σικλιόν» ι Ιεχωβάσκε ντα τι κερέν-λες χαρούμενος.​—Ιωα 17:3

• Βοηθίνεν-λεν τι νακχαβέν ο εμπόδια για τι κερέν πνευματική πρόοδος, σαρ για παράδειγμας ο μπέτι συνήθειες ντα ο μπέτι παρέες

• Τι ντεν-λεν ζορ ντα τι ενθαρρύνεν-λεν πριν ντα σοράν κατά μπολντιπέ.​—Πρ 14:22

ΝΤΙΚΧΕΝ Ο ΒΙΝΤΕΟΣ Ο ΙΕΧΩΒΑ ΘΕΟΣ ΘΑ ΣΕ ΒΟΗΘΗΣΕΙ ΝΤΑ ΣΟΡΑΝ ΑΠΑΝΤΙΝΕΝ ΚΟ ΕΡΩΤΗΣΕΙΣ:

• Καλά πράγματα μπορεί τι κερέν εκχέ τζενές τι σακιντίνελ τι αφιερώντιβελ ντα τι μπολντιόλ;

• Σαρ μπορίνενα τι βοηθίνεν ο πρεσβύτεροι οντουλέν σο κερένα μελέτη τι κερέν πνευματική πρόοδος;

• Σο σικλιαρέλα-αμέν ι Ιεχωβάσκε ο εδάφιος Ησαΐας 41:10;

• Καλά ιδιότητες κα κερέν-αμέν τι υπηρετίνας ι Ιεχωβάς με τρόπος σο μπεϊντίνελα, παρόλο σο ισινάμ ατελείς;